الحمد لله
على الصبح كده لسه الواحد بيقول يا رب
زلطه رشقت فى الزجاج الامامى
عايز اغير ..يا ريت حد يقولى فين بس مش فى التوكيل
وعايز انضف نوع
وشكرا
عرض للطباعة
الحمد لله
على الصبح كده لسه الواحد بيقول يا رب
زلطه رشقت فى الزجاج الامامى
عايز اغير ..يا ريت حد يقولى فين بس مش فى التوكيل
وعايز انضف نوع
وشكرا
الحمد لله على كل شيء
شوف يا معلم انا برضه كانت عربيتي الأوبترا زمان الأزاز القدماني برضه اتكسر و دوخت علشان أغيره لأنه ماكنش متوفر في التوكيل...
عليك و على محلات الأزاز اللي قدام الجمعية المصرية للتأمين التعاوني في العباسية لو ما تعرفش مكانها هيه في الشارع نفسه بتاع العباسية عند التكسير بتاع المترو كده قبل قسم الوايلي و عمر أفندي و تدخلها من الشارع اللي ورا اللي اتجاه واحد بيطلعك على امتداد رمسيس و فيه مكافحة المخدرات في عبده باشا....
هناك في بتوع ازاز كتير منهم واحد قدام باب شركة التامين على طول غيرهولي دكتور جريش ممتاز ب 500 جنيه بس وكان في التوكيل الأصلي ب 2000 بدون مصنعيات و غير متوفر كمان فأحسنلك روحلهم جري...الكلام ده كان في 11/2008 معرفش ايه الأسعار دلوقت بس معتقدش غلي أوي هوه هوه نفس الكوري اللي جاي معاها بس تحس انه اكتر شفافية يعني الأولاني كان ملون شوية عنه........
اتمنى أكون أفدتك.........
فى واحد بتاع قزاز فى شارع الطيران قبل شريط المترو ب 200متر على اليمين و أنت جاى من الحى السابع,بصراحة عمل معايه حركة جدعنة تنم عن أمانة فى التعامل..كان عندى شرخ فى البرابريز القدمانى و روحت له علشان أغير البرابريز, بص على الشرخ و قالى حرام تغيرة ب 400جنية لأن ممكن يتعالج عند أى حد من اللى بيصلحوا القزاز و فعلا روحت صلحتة ب 70 جنية و دعيتلة ربنا يبارك له فى تجارتة و رزقة...ممكن تجرب ألأول تروح لحد من اللى بيعالجوا الشروخ,يمكن ما تحتاجش تغير القزاز كله.
اتصل بمصنع د/ جريش فى العاشر من رمضان
وارقامهم اهى واسئل على السعر لو السعر مقارب ركبه عندك بدل المشوار ولو الفرق كبير روح المصنع ركبه
مفتاح العاشر 015 وبعدين الرقم
410003
410004
410005
410007
410008
منتجات شركه دكتور جريش ممتازه
حصل خير ,, قدر ولطف
انا غيرتى بتاع عربيتى بردو صوره طبق الاصل من الزجاج الكورى
وهوه كان مصنع المانى فى مصر مش جريش وكان ب 470 بالتركيب الكلام ده من شهرين
شوف الموضوع دا
http://www.nilemotors.net/Nile/82125-a.html
قدر الله و ما شاء فعل