-
قطة فى الكبوت
السلام عليكم ورحمة الله وبركاته.
امبارح بدور العربية (لانسر بومة 1600 سىى سى موديل 2007 اتوماتيك) سمعت صوت رجة فى الكبوت . فتحته لاقيت ساير البور اللى لسا مغيره 30/1/2010 فى التوكيل مقطوع.
رحت التوكيل النهاردة فلما شافه الفنى قلى انه السبب فى قطعه ان كان فى قطة فى الكبوت.
ياترى ايه راى الاخوة فى الموضوع ده مع العلم انى متلأتش اى اثار للقطة اللى المفترض من كلمهم ان يكون نزل منها دم او اى شىء يدل على انها السبب فى اللى حصل ومع ذلك مكنش فى حاجة فتريت انى اغيره على حسابى.
ان آسف على الاطالة بس يهمنى رددكم وشكرا.
-
سؤال منطقي
هوا إزاي عرف إنها قطة ..مش عرسة أو فار
الراجل ده - والله أعلم - كداب
لو سألته عرفت إزاي إنها قطة
هيقولك :" أصل الموتور لما شغلته ..كان بيعمل نو نو نو "
طالما مغيره في التوكيل
يبقا كنت تغيره على حساب التوكيل
حسبي الله ونعم الوكيل
-
ههههه قطه فى الكبوت انا مفكرك بتتريأ بس حلوه
بس المشكله ازاى القطه دخلت جوه الكبوت دى حجمها مش قليل انها تدخل بالسهوله دى
-
العربية بتكح زيت
ما هو ده شبه الموضوع بتاع العربية بتكح زيت لو حد في الأخوة فاكره .. الراجل بتع فرش العربيات بيقول لأحد الأخوة في المنتدى العربية بتكح زيت
-
-
على فكرة انا كل ما افتح العربية بشوف احيانا ً
قطة بتجرى من تحت العربية وكمان لما بفتح الموتور بلاقى اثار على منطقة وضع الزيت بالموتور لرجل حيوان ( المنطقة حولى طينية ) وانا اعتقد انها لقطط فعلا ًلانى لى تجربة سابقة انى مشيت حوالى 5 كيلوا بالعربية ( اكسنت ) وسمعت صوت قطط
وبحثت كثيرا ً واكتشف فالنهاية انة فية قطتين صغيرين مش واحدة عالموتور وطبعا ً لما الموتور سخن
واليومين دول مع الهواء الشديد ( امشير ) القطط بتستخبى
لكن لو انا مكانك وفالتوكيل ( والعربية ضمان ) قالولى ان سبب قطع السير قطة كنت خربشتهم و انا شايف لو انت اتمسكت بحقك فالتغير على حسابهم كان الموقف اختلف
والحمد لله انها جات على كدة سليمة ان شاء الله
-
عرف ازاى انها قطه....رفع البصمات ولا ايه؟؟؟
-
-
السير ده غيرته مرتين من غير قطط ومعرفش السبب حتى الآن !
موضوع القطط كان في العربيات القديمه والهيونداي بالذات لان مكانش في تصفيح تحت الموتور لكن في لانسر اعتقد انه صعب تلاقي مكان تخش منه
-
بس ياباشا طالما زي مابيقول فيه قطه يبقي خلي بالك أكيد هايكون فيه فيران وهاتعملك الكبوت مصيده هههههههههههه متصدقش الكلام ده ده اكيد بيشتغلك علشان لو حضرتك مغير عندهم السير مرتين فمش هايلاقي مبرر غير الأشتغاله دية
Content Relevant URLs by
vBSEO 3.6.0 PL2