لو انت عندك معلومات عن اسعار البيجو

السلام عليكم و رحمه الله و بركاته
ما شاء الله منتدي متعاون و الكل بيحاول يساعد باكبر جهد
ربنا يجعله في ميزان حسناتكم
المهم مش هطول عليكم
انا شاب في مقتبل حياتي و عاوز اشتري عربيه بس طبعا الامكانيات الماديه امامي كشاب في اول حياتي اكيد محدوده
امكانياتي لا تتعدي ال 20 الف ففكرت اشتري بيجو 305 بحاله كويسه موديل تمانينات و قلت اخد رأيكم و طبعا المبلغ غير كامل معايا الان بس ان شاء الله قريبا يكون كامل حبيت اخد ارائكم لو في عربيه احسن ترشحوهالي في نفس حدود السعر من 15 الي 20 الف
و لا 305 عربيه متعبه ؟ و ايه اخبار قطع الغيار متوفره؟ طب اسعارها يا ريت بجد تفيدوني لحسن انا لايص و مش عارف اتصرف
ربنا يبارك فيكم
السلام عليكم و رحمه الله و بركاته

أرشح لك 205 او 309 أحدث واحسن فى كل حاجة
اهم حاجة فى ال 305 تكون حالة جيدة جدا على الاقبل وده صعب طبعا عشان موديلاتها قديمة من السبعينات والطيارة منها الحديث هيكون غالى
وكمان فيها حجات غالية اوى زى الدسك والاسطوانة والسبيكة
من راى تجيب ال 205 تحفة 20 الف يجيبولك حاجة موديل حديث 90-92

اقتباس:

---

المشاركة الأصلية كتبت بواسطة the-hero

أرشح لك 205 او 309 أحدث واحسن فى كل حاجة
اهم حاجة فى ال 305 تكون حالة جيدة جدا على الاقبل وده صعب طبعا عشان موديلاتها قديمة من السبعينات والطيارة منها الحديث هيكون غالى
وكمان فيها حجات غالية اوى زى الدسك والاسطوانة والسبيكة
من راى تجيب ال 205 تحفة 20 الف يجيبولك حاجة موديل حديث 90-92

---

احم احم منورنا يا هيرو باشا

بس حبيت اعلق قليلا

صاحب السؤال قال انه فى بداية حياته يعنى كل مبلغ يوفرة حيساعدة فى حاجات كتير

انا بنصحة نصيحة اخرى و يا ريت تفيدنا اكتر

لو الشكل مش مهم للدرجة ممكن يشترى 104 و يسقط لها ماتور

او حتى لو هو عاجبة ال305 ممكن بردة يسقط ماتور

بشروط

ان ثمن العربية + تسقيط الماتور +اى احتياجات للعربية ثمنها لا يتعدى النضيف منها بنفس ماتورها القديم :b4_048:

و ربنا يوفقة باذن الله

رأي المتواضع بعد كلام الناس وحوش البيجو
ابعد عن البيجو ال305 قطع غيار صعبه جدا جدا وده من ناس بتوع قطع غيار متخصصين في البيجو غير مشاكلها المعروفه انت في اول الطريق فياريت تبتدي بدايه متخسركشي كتير
خليك في ال205 مقدور عليها

جزاكم الله خيرا يا (هيرو ) فعلا ال 205 عاجباني من زمان ومعجب بيها اوي بس ايه رأيكم فيها و مدي اسعارها في حدود كام و قطع الغيار و الصيانه اخبارها ايه
و جزاكم الله خيرا يا (اتاميم) فكره ممتازة بس عاوزة مغامره بس الف شكر ليك علي مساعدتي
و جزاكم الله خيرا يا (نور2007) يعني انت شايف ال 305 بلاش؟ اصلي اللي خلاني افكر فيها هو السعر المناسب و اني ممكن اجيب حاجه كويسه موديل تمانينات في حدود ال15 علي العموم يا ريت تفيدوني في ال 205
و جزاكم الله خيرا انتم بجد ناس طيبين جدا و خدومين
الف شكر
السلام عليكم و رحمه الله و بركاته

محدش رد يعني في ال205

ال 205 عربية سهلة وبسيطة جدا
قطع غيار تعتبر ببلاش ومتوافرة جديدة واستيراد
أسعارها موديلات 84 ال 88 تعمل فى رنج 15 لو مش محتاجة اى مصاريف وحالتها كويسة
بس طبعا الحديث احسن موديلات التسعينات بتعمل فى حدود 18-20

بس طبعا التمن ده اركب علي طول مش هحتاج اشد و لا ادفع مصاريف و لا هتحتاج؟؟

طيب كنت سمعت عن حاجه اسمها عربيه بموتور نايم يعني ايه و هل دي مشكله كبيره و لا معناها انه محتاج عمره اعملها و ابقي مستفيد بعمره جديده؟