اهلا يا شباب انا عندى بسمع صوت تكتكه من الموتور واضح جدا و انا بسخن الصبح .. بعدين التكتكه دى بتروح لما العربيه تسخن و لكن اما ازود بنزين جامد صوت التكتكه يرجع و الموتور بيهدى .. حد عنده تفسير للحاله دى و شكرا
عرض للطباعة
اهلا يا شباب انا عندى بسمع صوت تكتكه من الموتور واضح جدا و انا بسخن الصبح .. بعدين التكتكه دى بتروح لما العربيه تسخن و لكن اما ازود بنزين جامد صوت التكتكه يرجع و الموتور بيهدى .. حد عنده تفسير للحاله دى و شكرا
دا يابيه ممكن يكون صوت التكيهات عايزه تتظبط في عند حضرتك تاكيه مفتوح شويه و الصوت بيختفي دا بسبب ان الزيت بيوصل للتكيهه فالصوت بيروح بس هو مش بيروح خالص بدليل انه بيرجع لما حضرتك تدوس بنزين جامد
روح عند اي ميكانيكي قولوا عياز اظبط تاكيهات العربيه و للتاكد حضرتك الصبح افتح الكابوت و دور العربيه حاول تعرف مصدر الصوت جا من فين لو جاي من فوق يبقي من جنب غطي الزيت كده يبقي تاكيهات علطول
ممكن اعرف ايه هى المخاطر عشان انا لسه راجع من عند الميكانيكى و قاللى ان الصوت ده عادى فى العربيات الجديده كلها و مفيهوش مشاكل !!!
انا هاتجنن ياجدعان !!
هيا العربيه 2008 ياباشا لوكده يبقي عادي اصل ممكن يكون دا صوت التاكيهات و حضرتك مش متعود تسمعه ولا حاجه فيبقي عادي يعني
هو صوت التاكيهات ده مفيش منه ضرر يعنى ؟
اعتقد ان العربيه دي علي كستبانات مش تاكيهات ..وهي المسؤله عن صوت التكتكه دي نتيجه اوساخ في الزيت .استعمل فلوش اويل تشتريه من اي بنزينه كبري وحطه علي الزيت وبعدين غير الزيت هينظفلك الدوره بالكامل ويمنع الصوت .
أنا برده عندي نفس الصوت لما أسخن العربية الصبح بدري وبيروح بعد 3 دقائق لما العربية تسخن
عربيتي بولونيز موديل 1987 ولسة عامل ليها طقم شنبر ولما ظبط تاكيهات، كان فيه تاكيه مش عايز يتظبط علشان مقاس الطبق حاول يدور عليه وكان مش موجود فالراجل أخصائي التاكيهات ظبط طبق وجلخه لحد ما جاب المقاس، والحمد لله تمام
بس أنا عندي مشكلة أن العربية بتستهلك بنزين 140 كيلو في الصفيحة مع العلم أن الموتور 132 الـ 1600 و2 كامة، وبرده مع العلم أن أنا لسه عامل أكس وباب ومغير بكين سرعة وبك صلانصيه عند واحد بتاع كربراتير في شبرا (ورشة الحاج إبراهيم ) وهما مش عندهم ضمير ونصابين وممكن يدفعوك فلوس من غير ما يعملوا حاجة في الكربراتير ده غير الاشتغالات إللي ممكن يحسبوها عليك (حسبنا الله ونعم الوكيل فيه) وأعتقد أنه مغيرش حاجة في الكربراتير بل بالعكس استهلاك البنزين زاد عن ما كانت عليه الأول ولخبط العربية عندي وبعد ذهاب وإياب إليه أكثر من مرة انتهى الموضوع على 140 كيلو في الصفيحة
عايزين تعرفوا هو الأول الكربراتير كان بيستهلك كام قبل ما أعمل فيه حاجة (150 كيلو في الصفيحة)
بعد ما عملت الكربراتير الاستهلاك بقى 90 كيلو في الصفيحة ثمن 110 كيلو في الصفيحة ثمن من 130 إلى 140 كيلو في الصفيحة ثم أنا حلفت مائة يمين أني مارحلوش تاني ولا أتعامل معاه أبداً بعد إللي حصل
انا من ساعة ماجبت العربيه دى وانا بحطلها الزيت اللى بيحطوه فى مركز الصيانه هيونداى خبور (زيت شل الأصفر ) ان شاء الله انا ناوى اغيره لشل الترا و اشوف فى فرق ولا لأ !اقتباس:
المشاركة الأصلية كتبت بواسطة hellboy
جميل قوي مصطلح هيونداي خبور دهاقتباس:
المشاركة الأصلية كتبت بواسطة craunchy
عشان هما خبور بجد
ههههههههههههههههههههههههه ههههههه
طمنا عملت ايه والصوت راح ولا لسه ؟
انا كان عندي نفس المشكله وكانت وساخه زيت على الكوستبانات ولما غيرت الزيت وعملت دوره نظافه الصوت راح