بدور على عربيه اوبل استرا 2006 او اول 2007 السيدان تكون حاله الفاربيكه لو حد قودامه حاجه نضيفه يقوللي..
عرض للطباعة
بدور على عربيه اوبل استرا 2006 او اول 2007 السيدان تكون حاله الفاربيكه لو حد قودامه حاجه نضيفه يقوللي..
اولا الصبر علشان لو استعجلت هتلاقى كتير قدامك بس حالتهم فيها حاجه لان التجار مش هايسبوك
ثانيا سيبها على الله
انا هعثعث والى هنا كمان هيعثعثو :ma:
تسلم يا شيخ على الرد الجميل ده و ان شاء الله هعمل بنصيحتك و هصبر و عجبتني كلمه هعسعس دي اوي ...
بص تأنا جدا فى الاختيار كى لا تندم
هل سبق لك ركوب اى سيارة او اى سيارة المانى قبل ذالك
ياباشا الشكر لله احنا يسعدنا انضمامك للعصابه جدا جدا
وطبعا كلام الناس الى هنا لا يعلى عليه انا مش اجى جمبهم حاجه
وزي ما قالك تامر باشا كده شوف الالمانى لانه بيختلف عن عربيات ناس تانيه كده مش عايزين نجرح احاسيسهم :ma:
وانا مش عايز اقولك ان انا دخلت الالمانى علشان وقعت فى غرام عربيتي الاسترا اول ما شوفتها
يعنى قبلها مكنتش داخل للخندق الالمانى طواعيه
دا حب وانت عارف الحب بهدله :ma:
ان شاء الله تلاقي العربيه في الواقت المناسب
الألمانى حاله
لو تعبانه هتكرهك فى العربيات حتى لو عربية كارو
و لو سليمه مش هتركبك غير المانى بقية حياتك
انتا تنور العصابه
يا جماعه انا شوفت اوبل استرا 2006 امبارح كحلي عامله 61000 كيلو الكبوت مرشوش عشان طوبه وقعت عليه و الاكصدامات مرشوشه نضافه و باب اللي جنبه مردود على البارد عشان و هوه بيركن اتخبط منو غير كده العربيه فبريكه بس السقف مجرب من الشمس و الشنطه و الدريكسيون زراير الكلاكس متقطعه و لما فتحت الكبوت ماشاء الله شكل المتور و فبرات التافيل كلها موجوده الراجل طالب 70 و حاسس انو كتير و على فكره الاستبن لسه حديد و فيها طقم كاوتشات جديده عامله 4000 كيلو ... فممكن تفيدوني بالكلام ده و دي سوقها كام بجد ....
لا مدام هتشترى اتكلم فى السعر دا
55 الف ومتزودش وحاول تقلل
ومن الكابوت علشان تطمن له بص عليه من جوه
لو مردود من حتت كتير يبقى الكابوت دا ماخدش طوبه كده يبقى حيطه :)
اما بالنسبه للسعر لما تتكلمو وكده شوف المصاريف الى هتصرفها عليها وقوله دا كله هيتصرف عليها :(
وخليك شاطر
وقبل دا كله قولو نكشف عليها فى التوكيل :ma:
متشكر قوي قوي قوي على النصيحه الغاليه دي لواحد مبتدئ في الاوبل و ان شاء الله هقولكو على الجديد عشان انا محتاج النصيحه منكو بس عايز اعرف الطاره لو عايز اغيرها عشان زراير الكلاكس اللي متقطعه دي تتكلف كام و المفتاح الريموت لو عايز اغير الكاوتشه بتاعته اللي برضو متاكله يتكلف كام معلش انا محسوك شويه بس التفاصيل دي تفرق معايا
ربنا يوفقك وتلاقى العربية اللى بتحلم بيها
بس المهم تكشف عليها كويس وتشوف الحساسات بتاعتها كويس جدا ولو على تسعير العربية فى قسم مثبت فى قسم البيع والشراء هيحددللك السعر بتاعها بس تقول مواصفات العربية كلها
وممكن تدخل على contactcars.com وهتلاقى اوبل استرا 2006\2007 كتير معروضة للبيع
ربنا يوفق فى حاجة نضيفه
يسلم بوقك يا طنانى باشااقتباس:
الألمانى حاله
لو تعبانه هتكرهك فى العربيات حتى لو عربية كارو
و لو سليمه مش هتركبك غير المانى بقية حياتك
__________________
و الله جبت المفيد
و الله الكلام ده حصل قدام عنيا
صحبى اخوه طيار و كان راكب باسات و كانت عربيه بسم الله ماشاء الله حاله نادره جدا جدا و بعها لظروف ماليه مر بيها
و حاليا ضارب على عربيه والده زلموكه برضه حاله ما شاء الله فوق الوصف (اصل العيله دى ما شاء الله ركيبه اوى لا وايه المانى بس) عشان مش عارف يجيب حاجه تنفع تتركب بعد الالمانى
و برضه
سيبك من التوكيل لو دخلت التوكيل ح تدخله كل يوم
يا حماعه انا لسه بدور محدش اتكعبل قي حاجه كده بنت ناس ... :E_braces[1]: