مشكلة في الدريكسيون لادا 2107 2009
انا معايا لادا 2107 مو2009 ماشية 1700كم بس
بإختصار الي حصل معايا الآتي :
انا كنت جايب الدريكسيون على آخره للشمال ...و كنت واقف تماما ... و جات عربية تيريوس خبطت بعجلها في عجل عربيتي الأمامي و حكت حكة خفيفة جنب العجل ...
اتصافيت مع الراجل عشان انا طيب و قولت يالله ما خصلش حاجة و ده مجرد خدش بسيط خالص موش باين أساسا و نقطة بوية تداريه تماما
فجأة تظهر مشكلة غريبة في ربع دائرة من الدريكسيون اثناء التوجيه على سرعات فوق 50 كم/س بقت فاضية و كمان وضع الانتصاف للدريكسيون بقى جاي ناحية الشمال سنة صغيرة و كمان حاسس ان ثبات العربية مابقاش تمام لازم اخد بالي جامد من الدريكسيون
حد حصل معاه حاجة زي دي و اييه الحل بتاعها صحابي بيقولو ده بوش في الدريكسيون و موش هيتصلح و اتخضيت من موضوع في قسم اللادا عن البوش ان الميكانيكية بيحورو و يفضلوا يقولو غير حاجات كتير عالفاضي
أفيدوني أثابكم الله :) و آسف على الاطالة و شاكر لوقتكم