أيهما أفضل: برايد سيدان، أم سوزوكي سويفت؟

السلام عليكم الأخوة الأفاضل،

إن شاء الله، أريد أن اشتري سيارة بميزانية لا تتعدى 35 ألفًا بحد أقصى، وعلماً بأن خبرتي في مجال السيارات تكاد تكون منعدمة، فاستشرت بعض أهل الخبرة والاختصاص، فأشاروا علي بأن من السيارات الجيدة من حيث الاعتمادية والثبات وتوافر قطع الغيار ورخصها في حدود هذا السعر: كيا برايد، سوزوكي سويفت.
وأنا الآن متحير أيهما أفضل من الأخرى. فأرجو من أخواني في هذا المنتدي الكريم مساعدتي في اتخاذ القرار الصائب.
وإنا كان لدى أحد الأخوة اقتراح بسيارة أفضل من طراز آخر، فرجاء التفضل بطرحه عليّ.

وجزاك الله خيرًا،
محمد

اولا اهلا و سلا بيك معانا في منتدانا الجميل
ثانيا انا برشحلك السويفت
بس تكون موديل 93 او 94
و تكون حاله نضيفه عشان متتعبش معاها
و برضه البرايد مش وحشه
و حاول تدور علي حاجه نضيفه برضه
و ربنا يوفقك للاختيار السليم

جزاك الله خيرًا أخي الكريم على النصيحة الغالية.

السلام عليكم،

أود أن أعرف أيضًا رأي حضرتك في تويوتا ستارليت. هل هي أفضل من برايد وسويفت؟

وشكرًا جزيلاً

شكرًا جزيلا يا Romeo على نصائحك القيمة!

ما فيش حد تاني يا جماعة عايز يدلي برأيه في هذا الموضوع.

واللة اخى الكريم كل عربية لها مميزاتها السويفت يابانى لو 93 او 94 بس مشكلة الصاج الضعيف هاتقبلك اظن واللة اعلم ان البرايد تكون احسن فى عدة اوجة احدث يعنى انت ممكن تجيب موديل 2001 او 2002 بنفس سعر السويفت الاقدم نسبيا وغير كدة فول اوبشن ويمكن اوتوماتيك كمان فى حدود 34 او 35 الف واللة الموفق واظن ايضا ان اكسل هاتكون كويسة ولو ممكن تستغنى عن الشنطة اختياراتك هتكون اكتر
1 ابيزا
2 فليشيا
3 فيات اونو
4 بولو 1000 سى سى بس هادزد بسيط جدا
5 فورد فيستا

وربنا يوفقك

جزاك الله كل خير أخي الكريم رامي.
أنا فعلا بدأت أميل لـ كيا برايد، وأدعو الله أن يرزقني سيارة كويسة.

شكرًا جزيلا لك
محمد

الكيا برايد كانت معي 7 سنوات .. بتوطى جداً مع تحميل الركاب ,, الصيانات العادية بدون مشاكل ,, بدون تكييف لأن المكيف بيأثر في السحب

ركبت الفليشيا بعد البرايد ,, لا وجه للمقارنة ,, حسيت انى كنت راكب لعبة

استاذ محمد فى اخ لنا هنا الاستاذ محمود صلا بيشكر فى الفلشيا انت ممكن تسالة عن تفاصيل اكتر لو تحب

يا جماعه انتوا نسيتوا هيونداي اكسنت كويسه و بنت حلال

اقتباس:

---

المشاركة الأصلية كتبت بواسطة Motarjim

السلام عليكم الأخوة الأفاضل،

إن شاء الله، أريد أن اشتري سيارة بميزانية لا تتعدى 35 ألفًا بحد أقصى، وعلماً بأن خبرتي في مجال السيارات تكاد تكون منعدمة، فاستشرت بعض أهل الخبرة والاختصاص، فأشاروا علي بأن من السيارات الجيدة من حيث الاعتمادية والثبات وتوافر قطع الغيار ورخصها في حدود هذا السعر: كيا برايد، سوزوكي سويفت.
وأنا الآن متحير أيهما أفضل من الأخرى. فأرجو من أخواني في هذا المنتدي الكريم مساعدتي في اتخاذ القرار الصائب.
وإنا كان لدى أحد الأخوة اقتراح بسيارة أفضل من طراز آخر، فرجاء التفضل بطرحه عليّ.

Good day,

Why U did not consider Fiat Tempra?
Uno, Felica,
Accent,etc

There are many cars better than the Pride and the Swift,

My advise to U is to buy as new as possible and to examine and inspect the car very well, to avoid any bluffing,

Good luck to U....

Cheers
وجزاك الله خيرًا،
محمد

---

في حاجات كتير في حدود ال35 الف احسن من السويفت والبرايد
فيات تمبرا 96 ايطالي جميع الكماليات
اكسيل 97 1500 سي سي جميع الكماليات
اكسنت 99-2000 1300 سي سي (تكييف )
بونتو2 موديل 2000 ..1300 سي سي جميع الكماليات
لانسر بطه موديل 94 ...1300 سي سي تكييف

ألف شكر يا محمود على مشاركتك
طيب بالنسبة لفيات تمبرا، الموديلات الأحدث من كده يعني مثلا 2000.
دي مش إيطالي يعني؟

جزاك الله خيرًا يا باشا
محمد

ياباشا حضرتك تؤمر ..التمبرا الايطالي لحد 96 وموديلات 97-2000 تجميع مصري ..لشركة النيل للصناعات الهندسيه ..وانا شخصيا بفضل الايطالي حتى ولو موديل اقدم ..والايطالي بتنزل بعدادات ديجيتال ..وتقريبا ده الاختلاف الوحيد في الكماليات ..ده غير ان ال1600 المصري بتبقى كرباتير ..وال1600 الايطالي نصف انجيكشن (spi ) رشاش واحد..ولو حابب حضرتك تستفيد اكتر ..اسال في قسم الفيات في المنتدى وهما هيفيدوك اكتر ..وخاصه في موضوع قطع الغيار