الحقوووو بسرعة ايه ده .......

وانا بقلب فى موقع car100100.com

لقيت لانوس1600موديل 2005 انا مش مصدق ده بيقول انها بدهان المصنع وكل اللى هنا 1500 سى سى

شوفوها يمكن تكون 1600 سى سى فعلا

http://www.car100100.com/car_images/36/8/1273/right.jpg

http://www.car100100.com/car_images/36/8/1273/left.jpg

خدو بالكوو فى الصورة ديه من التقفيل اللى جوه وشكل التابلووه وكمان الباب

http://www.car100100.com/car_images/36/8/1273/front.jpg

http://www.car100100.com/car_images/36/8/1273/rear.jpg

http://www.car100100.com/car_images/36/8/1273/hood.jpg

http://www.car100100.com/car_images/...3/interior.jpg

وديه البيانات كلها علشان ماتتعبوش نفسكوو وتدخلو الموقع وتدورو

الماركة Daewoo
الفئة lanos
الموديل 2005
السعر 61000
تاريخ العرض 11/05/2007
سعة المحرك 1600 cc
الدهان دهان المصنع
العداد 5000
الغيار عادة 5
تكييف يوجد
باور يوجد
مرايات كهربائية يوجد
زجاج كهربائي يوجد
سنتر لوك يوجد
كاسيت يوجد
جنوط سبور يوجد
جهاز إنذار يوجد
فتحة سقف لا يوجد
ملاحظات

مين من أعضاء المنتدى من الاسكندرية يشوف الموضوع ده.؟

مش عارف بس حاسس ان فى حاجة غلط اول حاجة فى الداتا بتعتها كاتب ان فيها جنوط اسبور و الصور توضح غير ذلك كمان حاسس ان صورة التابلوه ده مش بتاع نفس العربية

كمان شكلها من جوه مايديش انها عمله 5000 كيلو بس

التابلوه ده بتاع عربية هيونداى اكسنت مش دايو ابدااااااااااااااااااا ولاحظ علامة الهيونداى على الدريكسيون فيظهر ان فى حاجة كدة مش ولابد فى الاعلان ده...........

يا جماعة التابلوه ده بتاع الهيونداي أكسنت ( الشكل القديم ) , مش دايو أصلاً ,
يظهر إن اللي عمل الإعلان حط صورة غلط . ( جل من لا يسهو )

لانك لو بصيت على صوره الانوس من ظهرها ولمحت التابلوه وقارنت فتحه التكيف(الوسط) بتاعه الصوره ده وصوره العربيه من الداخل هتلاقى فيه فرق كبير بين الاثنين .
اكيد حصل غلط فى غرض بيانات العربيه الانوس انا كنت لما بتصفح الموقع ده بلاقى حاجات من ده كتير.

طبعا الصالون المتصور جوة بتاع هيونداى اكسنت زى اللى معايا تمام......مفيش لانوس 1600 الا لوكان مغير موتور وانا لا اعتقد ذلك.......

طبعا موجود لانوس 1600 لكن كورى وبتبقا 16 صمام مش 8 كالعادة وهيا موجودة فعلا بس قليلة جدا.
لاحظ انه ممكن صاحب العربية يكون غلط وكتب 1600 .

فعلا صورة العربية الخلفية مبينة جزء من التابلوه

ومش هوه التابلوه اللى فى صورة لوحدوو دليل ان فى غلط فعلا من الموقع

واكيد غلط فى السعة المفروض 1500 سى سى

العربية دى مستحيل تكون 1600 من المصنع لان ببساطة اللانوس ال1600 بتنزل بجنوط 14 و كاوتش 14/60/185

لو هى 1600 فعلا ليه مصورش الموتور؟ اكيد دى اهم حاجة الناس حتحب تبص عليها فى اعلان زى كدة

طبعا زى ما تكرم الاخوة الافاضل و وضحوا ان التابلوة دة بتاع هيونداى اكسنت ... احب كما اضيف ان اللانوس ال1600 تابلوها هو هو ال 1500... الفرق فى التابلوة و الطارة بيبقى لو فيه اير باج بس

كمان فتحة السقف منزلتش اللا فى اللانوس الهاتشباك ال3 باب بس و حتى فى الصورة العربية لا فيها فتحة سقف ولا جنوط ولا اى حاجة...من الاخر العلان دة كلة فتى

MMamdouh

لحظة يا محمد ال 1500 الكورى بتنزل بجنوط فعلا 14 وكاوتش 185/60 ودة الى عندى فعلا بس انا شفت عربية لانوس مش جوليت وكان فيها فتحة سقف وشفت عربيات كتير فيها ايرباج واى بى اس, بس اعتقد ان الموتور ال 1600 بتاعها بيبقا مكتوب عليه 16 صمام او 1600 حتى.

صورة التابلوة لا تنتمي لهذه السيارة قطعاً .. لاحظوا التعليقة في المراية في الصورة الرابعة بتاعة اللنوس تلاقيها تعليقة تعطير على شكل شجرة أو سمكة لونها أحمر ، لكن صورة التابلوة اللي فوقها فيها تعليقة في المراية على شكل قلب لونه أبيض ، فمؤكد أن صورة التابلوة بتاعة عربية أكسنت مش هي العربية نفسها

اقتباس:

---

المشاركة الأصلية كتبت بواسطة Abdallah

لحظة يا محمد ال 1500 الكورى بتنزل بجنوط فعلا 14 وكاوتش 185/60 ودة الى عندى فعلا بس انا شفت عربية لانوس مش جوليت وكان فيها فتحة سقف وشفت عربيات كتير فيها ايرباج واى بى اس, بس اعتقد ان الموتور ال 1600 بتاعها بيبقا مكتوب عليه 16 صمام او 1600 حتى.

---

الكورى او المصرى مش فارقة... كل ال1500 بتنزل بجنوط 13 و كاوتش 13/70/175 و ال1350 بتنزل بكاوتش 13/80/155 و فتحة السقف مشوفتهاش غير فى الهاتشباك و ممكن اللى انت شفتها تكون معمولة

دا طبعا غير الفرق فى الفرامل بين ال1500 و ال1600 اما الABS و الايرباج فا دول مش موجودين غير فى الكام عربية اللى نزلوا من كوريا لما اللانوس ظهرت فى مصر من 9 سنوات

MMamdouh

اقتباس:

---

المشاركة الأصلية كتبت بواسطة MMamdouh

الكورى او المصرى مش فارقة... كل ال1500 بتنزل بجنوط 13 و كاوتش 13/70/175 و ال1350 بتنزل بكاوتش 13/80/155 و فتحة السقف مشوفتهاش غير فى الهاتشباك و ممكن اللى انت شفتها تكون معمولة

دا طبعا غير الفرق فى الفرامل بين ال1500 و ال1600 اما الABS و الايرباج فا دول مش موجودين غير فى الكام عربية اللى نزلوا من كوريا لما اللانوس ظهرت فى مصر من 9 سنوات

MMamdouh

---

ايوة بس انا بقولك ان عربيتى نازلة بجنوط سبور دايو الاصلية والجنوط 14 والكاوتش مقاسه 185/60 تيوبلس ونوعه radial وطبعا صنع فى كوريا والعربية 1500 واللانوس دى انا شفتها فى الجمرك وكان فيها فتحة سقف اصلية مش معمولة حتى كان الزجاج بتاعها ممهور بخاتم دايو وانا استغربت برضة زيك كدة بس برة مصر ممكن تلاقى العجب.

العربية دى كانت زيرو؟

ممكن يكون اللى كان راكبها حطلها جنوط 14... انا عربيتى فيها جنوط 14 دايو اصلى بس انا اللى مركبهم

MMamdouh

خدتوا بالكوا من الاسبيرانزا الكحلي اللي واقفة وراها في أول صورة
طبعاً عارفين إننا لازم ننظر نظرة سورياليزم للصورة عشان نكتشف تفاصيلها ههههههههه

اقتباس:

---

المشاركة الأصلية كتبت بواسطة MMamdouh

العربية دى كانت زيرو؟

ممكن يكون اللى كان راكبها حطلها جنوط 14... انا عربيتى فيها جنوط 14 دايو اصلى بس انا اللى مركبهم

MMamdouh

---

لا مش زيرو دى موديل 99 ودى عربيتى الخاصة بالفعل ومثلها كثير, معظم العربيات الكورى بتنزل بالجنوط دى وبالكاوتش دة وبالتاكيد واحد مغسلش عربيته من يوم ما جابها تقريبا مش هيكلف نفسه ويركب جنوط سبور " عربيتى كانت مليانة تراب واعقاب سجاير لما خدتها " وعموما انا لقيت حاجة تانية, العربية نازلة بفبريكتها فيها مساحة زجاج اصلية احتياطى, تخيل انت بقة احنا هنا بناخد الكوريك ومفتاح العجل بخناقة ونازلة بمياه خضراء فى الرادياتير .

فيه حاجة مهمة جدا يا شباب

لانوس توقف انتاجها فى كوريا سنة 2003 واستبدلت بموديل كالوس الذى هو ما نعرفه باسم شيفروليه افيو

وبالتالى مافيش لانوس 2005 مستورد

يعنى مافيش لانوس 2005 غير مصرى لأن مصنع مصر لم ينتجها بموتور 1600

اما ما نراه فى هذة الصور فهو ببساطة نتيجة طبيعية لاختلاط الأمر على مندوب الوقع المعلن الذى يقضى اليوم كله فى تصوير السيارات الموجودة بسوق العاشر لعرضها بالموقع ومع كثرة عدد السيارات وحجم العمل لابد ان تنتج اخطاء فى ترتيب الصور مثل وضع صورة صالون اكسنت مان صورة صالون السيارة اللانوس، او كتابه 1600 بدلا من 1500

بس ، ادى القصة كلها

يا جماعه الصوره تم تعديلها ب السي سي مش متعدل

بس انا ملاحظ ان فيه علبه مناديل قدام اللي جنب السواق ونفس علبه المناديل بتبان في نفس الصور اللي من بره يبقى التابلوه ده بتاع العربيه دي ولا ايه رأيكم حج خد باله ولا حد فهم حاجه

خلاص يا جماعة الراجل حس بغالطة و غير الصورة

الراجل اتبهدل اخر بهدلة عشان غلط ارحمو خلاص :lol: