المياه رجعت تنقص تانى بعد تغيير الريدياتير بأسبوعين

**popahly** · 21-02-2010 10:37 PM

استمرارا لمسلسل المشاكل والمصاريف اللى ملهاش لازمة،، حتى الان لسه محلتش مشكلة الدوارة فى الصبح وجيت ببص فى الكبوت النهاردة بالليل الاقى مياه القربة بعد مكانت النص امبارح بقت تحت النص ومن يومين كنت مزود شوية لحد فوق الماكس بشوية ياعنى نقصت فى يومين حوالى 3 لتر حاجة غريبة جدا وانا مش عارف ايه اللى حصل للعربية مرة واحدة كدا..
الحمد لله
ياترى اعمل ايه انا بسمع عن موضوع الكبس دا دا بيكون ازاى وياترى ممكن يكون تنفيس من غطاء القربة بس انا مبسمعش صوت تنفيس منه خالص وشكرا ليكم

**maka** · 21-02-2010 11:42 PM

ربنا يكون فى عونك , شدة وتزول باذن الله

حاول تكبس دورة التبريد علشان تعرف مكان التسريب

**popahly** · 22-02-2010 12:06 AM

المشاركة الأصلية كتبت بواسطة maka

ربنا يكون فى عونك , شدة وتزول باذن الله

حاول تكبس دورة التبريد علشان تعرف مكان التسريب

الحمد لله كل اللى يجيبه ربنا خير وربنا يعديها على خير ان شاء الله

بالنسبة للكبس دا ا الميكانيكى بيعمله ولا مين؟ وشكرا لحضرتك

**ahmedhilmy** · 22-02-2010 01:11 AM

المشاركة الأصلية كتبت بواسطة popahly

الحمد لله كل اللى يجيبه ربنا خير وربنا يعديها على خير ان شاء الله

بالنسبة للكبس دا ا الميكانيكى بيعمله ولا مين؟ وشكرا لحضرتك

الحمد لله انها بتيجي علي قد كده ان شاء الله ربنا هيكرمك و كله يتظبط هي العربية احيانا بيجلها اضطراب نفسي كده و تحب تضايق صاحبها بس ربنا يعديها علي خير بالنسبة لموضوع الكبس ده انا كنت عملته قبل كده عند الميكانيكي

**romeo_6887** · 22-02-2010 02:15 AM

هو حضرتك متاكد ان الريدياتير الجديد مفيهوش تسريب ؟
عموما لو متاكد غير غطا القربه
و تابع مستوي الميه
و ان شاء الله خير

**tamagogo** · 22-02-2010 03:22 AM

مش عايز اقلقك. بس ممكن تبص على الزيت كده اخباره ايه؟ عادي ولا عامل زي الطحينه (شارب ميه)؟
وممكن برضه يكون كوتشة غطا الردياتير

**KoDaK_Gti** · 22-02-2010 08:06 AM

مفيش اى اثار مية تحت العربية خالص ؟؟؟

جرب وانت راجع من مشوار وافتح الكبوت واول لما المراوح تشتغل بطل الموتور
وشوف صوت اى تنفيس او اثار مية تحت العربية

معرفتش يبقة شوف ميكانيكى يكبسلك الدورة

**memoo305** · 22-02-2010 08:18 AM

حط مياه خضراء هتكشفلك مكان التسريب فين.

**popahly** · 22-02-2010 09:45 AM

المشاركة الأصلية كتبت بواسطة ahmedhilmy

الحمد لله انها بتيجي علي قد كده ان شاء الله ربنا هيكرمك و كله يتظبط هي العربية احيانا بيجلها اضطراب نفسي كده و تحب تضايق صاحبها بس ربنا يعديها علي خير بالنسبة لموضوع الكبس ده انا كنت عملته قبل كده عند الميكانيكي

ربنا يخليك يا بشمهندس أحمد وطبعا انا بحمد ربنا ومش بعترض وربنا كريم ان شاء الله، عموما انا رايح النهاردة للميكانيكى علشان نشوف حل فى الموضوع الأول بتاع الرشاشات يمكن يطلع السبب منها وهخليه يقوم بالعملية دى وشكرا لحضرتك جدا

المشاركة الأصلية كتبت بواسطة romeo_6887

هو حضرتك متاكد ان الريدياتير الجديد مفيهوش تسريب ؟
عموما لو متاكد غير غطا القربه
و تابع مستوي الميه
و ان شاء الله خير

بص حضرتك هو ساعة الريدياتير القديم كان نفس التسريب واتفك ولاقيناه ملحوم فأنا قولت نغيره سواء هو السبب او لاء اما غطاء القربه الصراحة مش متأكد منه لأن واحد كان راكب دايو معرفهوش الصراحة قالى الغطاء دا وحش وهات الغطاء اللى معمول عليه علامة الدايو بارزة من فوق ودا كويس وتجيبه استيراد انما اللى راكب عندى مكتوب عليه كلام كدا انجليزى كتير.

المشاركة الأصلية كتبت بواسطة tamagogo

مش عايز اقلقك. بس ممكن تبص على الزيت كده اخباره ايه؟ عادي ولا عامل زي الطحينه (شارب ميه)؟
وممكن برضه يكون كوتشة غطا الردياتير

والله الحمد لله انا بصيت على الزيت مستواه زى مهو ولونه بنى غامق شوية والقربة مفيهاش نقط زيت ولا حاجة ونحمد الله ويارب تطلع بسيطة ان شاء الله

المشاركة الأصلية كتبت بواسطة kodak_gti

مفيش اى اثار مية تحت العربية خالص ؟؟؟

جرب وانت راجع من مشوار وافتح الكبوت واول لما المراوح تشتغل بطل الموتور
وشوف صوت اى تنفيس او اثار مية تحت العربية

معرفتش يبقة شوف ميكانيكى يكبسلك الدورة

لا خالص مفيش مياه خالص تحت العربية والمرواح شغالة تمام بس ممكن يكون السبب ان المراوح ضعيفة؟؟؟ وهقول على معلومة كدا يمكن هى السبب فى رد لوحده

المشاركة الأصلية كتبت بواسطة memoo305

حط مياه خضراء هتكشفلك مكان التسريب فين.

أنا فعلا حاطت مياه خضراء بس مش باين حاجة خالص ولا فيه تسريب خالص

**popahly** · 22-02-2010 09:47 AM

السؤال اللى عاوز اسأله هلى الخرطومين اللى فى الريدياتير درجة حرارتهم المفروض تبقى واحدة ولا واحد بارد والتانى ساخن لانى بجس الاتنين بلاقيهم نفس درجة الحرارة والمفروض على ما اعتقد ان واحد يبقى بارد اللى هو خارج من الريدياتير علشان التبريد بتاع المراوح المفروض يعمل تبريد على المياه الساخنة وطبعا الخبراء ادرى بالنقطة دى لعل وعسى تفيد النقطة دى

الموضوع: المياه رجعت تنقص تانى بعد تغيير الريدياتير بأسبوعين

LinkBack

أدوات الموضوع

عرض

المياه رجعت تنقص تانى بعد تغيير الريدياتير بأسبوعين - انشر الموضوع فى :

-

-

-

-

-

-

-

المواضيع المتشابهه

تجربة تغيير كوعة المياه و تنظيف دورة المياه و البوابة لe46 318i M43 engine بالصور

باركولى رجعت للعصابة تانى

الريدياتير الألمونيوم و النحاس و المياه الخضراء

المياه تنقص باستمرار في سيينا

الحمد لله - رجعت تانى

الكلمات الدلالية لهذا الموضوع

المفضلات

المفضلات

ضوابط المشاركة