"التوك توك" بات واقعا في الشارع المصري

http://contactcars.com/Images/News/Large/Tokko4.jpg


تقدم النائب محمد إبراهيم الدسوقي بمشروع قانون إلى لجنة الاقتراحات والشكاوى في مجلس الشعب لإقرار تعديل مهم على "قانون المرور الجديد".

يشمل التعديل إضافة الدراجة البخارية و"التوك توك" ومركبات النقل البطيء إلى جميع أنواع السيارات من الإجراءات الواجب اتخاذها عند إتهام قائد السيارة بإرتكاب جريمة قتل أو إصابة خطأ ، وذلك باعتبار أن النص الحالي يقتصر على جميع أنواع السيارات فقط .

إلى ذلك ، من المقرر مناقشة المشروع في اجتماع لجنة الاقتراحات والشكاوى في اجتماعها الأسبوع القادم برئاسة المستشار محمد جويلي.حسب ما جاء في صحيفة "المساء" يوم الأحد.

وأوضح النائب أن النص القائم حاليا من قانون المرور جاء قاصرا ، حيث اعتبر قائدي السيارات فقط هم المعرضون للقتل أو الإصابة الخطأ رغم أن جميع المركبات معرضة لذلك ، لذا وجب تعديل القانون باستبدال كلمة المركبة بدلا من السيارة ليكون الحكم أشمل وأوسع.
منقول

انا حاسس اني احنا بقينا هنود بالتكاتك

ربنا يتوب علينا من الميكروباصات و التكاتك

المشكلة فى السواقين و سلوكياتهم انما الميكروباصات و التكاتك بتخدم الناس و توصلهم

للأسف بقى واقع مؤلم و لكن مهم و يخدم ناس كتير و معرفش ليه محسسينا انه من المستحيل تقنينه و ترخيصه و محاسبة السواق اللي بعمل احلى اكروبات في الشارع و يختفي و ما تعرفش راح فين ده حتى طرق السفر بقت مليانة توك توك من اول الزراعي لحد طريق الأسماعلية تقريبا اي مكان تلاقي فيه توك توك و خصوصا عندنا في الجيزة في كل مكان........

انا مش عارف هل التوك توك ده زيه زي الموبيل النوكيا ال n95 لما مكانش بينزل في الوكيل و ممنوع امنيا و مع ذلك مصر كلها كانت ماسكاه و ناس بلهبل جايباه في شنطها مستخبي من الخليج!!!! ولا دي مركبة كبيرة تستورد بكميات و لها اوراق شحن و تخليص جمركي و مدفوع عليها ضرايب و رسم تنمية و دمغات و محلات بتبيعه و بتقسطه يعني مش هوا و مش عارفين نمسكه لأ دي سلعة بتدخل البلد رسمي و مش بتتهرب من عالحدود يبئى لازم تترخص و تتحطلها ضوابط بدل ما بقوا العيال السواقين بيعملوا بيه البدع و بيشغلوا أقذر الأغاني بلا رقيب نهائي...............انا مش ضدد اي حاجة بتخدم الغلابة لأنه فعلا مركبة الغلابة مفيش باشا يعني بمرسيدس عمره هيركبه ولكن شوية نظام بدل ما يبقى كارث زي كل مشكلنا اللي بتكبر أوي لحد ما تخنقنا........

و تقبلوا تحياتي........

المفروض يتحط له قوانين تنظمه

اقتباس:

---

المشاركة الأصلية كتبت بواسطة eng.mostafa mahran

المشكلة فى السواقين و سلوكياتهم انما الميكروباصات و التكاتك بتخدم الناس و توصلهم

---

فعلا مننكرش انها حلت جزء معقول من ازمة البطالة:11::11:

عماار يا مصرر

وياريت مصر اللي بتصنعه ,, كمان بنستورده

انا شايف انة يتلغى خالص ويمنع استيرادة لانة بيعرض حياة المواطنين للخطر وتحل مكانة مركبة ذات معدلات امان معقولة والبدايل كثيرة

اقتباس:

---

المشاركة الأصلية كتبت بواسطة tamertamer

انا شايف انة يتلغى خالص ويمنع استيرادة لانة بيعرض حياة المواطنين للخطر وتحل مكانة مركبة ذات معدلات امان معقولة والبدايل كثيرة

---

معاك في بدايل كتير

دا ايه التطور ده .. انا بيتهيألي انه قدام شوية كمان هينزل التوك توك ابو عجلة واحدة .. !