استفسار بخصوص فيستا

**wghazi** · 23-02-2010 01:27 PM

المشاركة الأصلية كتبت بواسطة egytamer

اقترح عيك انك تشوف فرق اسعار قطع الغيار بين 1100 و 1300 وتقرر ولوني لو مكانك هتكل علي الله واجيب 1100 ارخص واسهل

شكرا جدا على النصيحه

**wghazi** · 23-02-2010 01:45 PM

المشاركة الأصلية كتبت بواسطة reamoz

ياباشا إنت تأمر حتى لو مش جيران انا تحت أمرك في أي حاجة وأي إستغلال

بس زي ماقلتلك إكشف على العربية كويس قبل ماتخلص فيها ولو معندكش حد يشوفهالك ممكن أبعتك عند الميكانيكي بتاعي يشوفلك حالة الموتور ودواخل العربية وبتاع الزوايا يشوفلك أخبار العفشة و الشاسيه سواء الـ1100 أو 1300 الناس دي 100%
ومتنساش الإستخارة قبل كل حاجة

تسلم ياباشا على كلامك الجميل ده

مش لاقى كلامى ارد بيه بصراحه
بص ياباشا ان شاء الله انا انا قدامى دلوقتى عربيتين واحده 98 وواحده 2000
ال98 فى فيصل يعنى لو فى نصيب فيها ان شاء الله ح احتاج الميكانيكى بتاعك لو ممكن
و ال2000 فى بنها

انت ترشحلى 98 ولا 2000 لو فى اختلاف بينهم فى حاجه؟

انت عارف الواحد لما بيكون داخل على شراء حاجه اول مره يتعامل فيها وميعرفش حاجه عنها بيكون عامل زى التلميذ الخايب اللى مش مذاكر

ال98 صاحبها مظبط العفشه من كبالن ومساعدين جداد من يومين تقريبا والعربيه محتاجه على كلامه شكمان وقاعده اللى شايله عصايه الفتيس بيقولى انها ملحومه فيفضل انها تتغير والتكييف فيها مش شغال وحاله الموتور 85 % والعربيه انا شفتها حالتها العامه كويسه ومش متهانه طبعا اللى مارفعتهاش لسه ولا كشفت عليها

و ال2000 المفروض ان اشوفها النهارده

ياريت تفيدنى بخبرتك الفورديه يا جميل

انا مستنى ردك وان اونلاين دلوقتى لو ممكن

**wghazi** · 23-02-2010 02:31 PM

معلش ياباشا نسيت اسالك لو ممكن تدينى رقم الميكانيكى عشان اول ما احدد ميعاد معاينه العربيه اكلمه يمكن ساعتها معرفش اوصلك هنا فى المنتدى او لو ممكن تديله تليفونى 0123415206

**reamoz** · 23-02-2010 03:20 PM

العربية موديل 2000 دي 1250سي سي إنجكشن 16 صباب وجيل جديد من المواتير إسمه زي تك
ودي حاجتها أغلي كمان من ال1300
هي قريبة شوية في الشكل من ال 98 بس مختلفة في المضمون تماماً
والميكانيكي بصراحة معييش نمرة تليفونه بس هعدي عليه أجيبهالك إن شاء الله

**wghazi** · 24-02-2010 07:42 AM

الف شكر ياباشا معلش ح اتعبك معايا
انا المفروض ح اشوف العربيه النهارده على المغرب كده مش عارف ينفع ييجى معايا ولا لا؟

ولو مش ح ينفع تنصحنى اودى العربيه فين عشان اكشف عليها ؟

**reamoz** · 24-02-2010 12:50 PM

المشاركة الأصلية كتبت بواسطة wghazi

الف شكر ياباشا معلش ح اتعبك معايا
انا المفروض ح اشوف العربيه النهارده على المغرب كده مش عارف ينفع ييجى معايا ولا لا؟

ولو مش ح ينفع تنصحنى اودى العربيه فين عشان اكشف عليها ؟

معتقدش ياباشا إنه ينفع يجي معاك المفروض إنك تاخدها وتروحلة وبالمره تشوف العربية مشيها عامل إيه
لو هتروحله قولي وانا هوصفلك المكان هو قريب جدا من شارع العريش
وبتاع الزوايا في المريوطية هتروحله بردة علشان يشوفلك العفشة أخبارها إيه وأبعاد العربية على جهاز الزوايا علشان لو فيه عجل مقدم أو مأخر أو مفتوح أو مقفول لو هتروحله بردة قولي وانا أوصفهولك

**wghazi** · 24-02-2010 12:59 PM

شكرا ياباشا على ردك وطبعا مفيش مانع اروح لهم ياريت توصفلى المكان للميكانيكى وبتاع الزوايا

**aYaBooY** · 24-02-2010 07:51 PM

موديل 2000 فيه منه 1300 و 1250 بس لو بتقارن بين الـ 1300 و الـ 1250 انصح بالـ 1300 طبعا علشان اتزانها اعلى من ال 1250
علشان تكشف كويس على الاتنين دول انصحك تروح التوكيل و ليس مكان اخر و لو انت دماغك كانت مرشحة ال 1100 انا شايف انها افضل ليك من حيث سهولة التعامل معاها و رخص قطع غيارها
و معلش ليا سؤال نسيت اسالة من الاول انت خبرتك و سوابقك في العربيات ايه ؟

**wghazi** · 25-02-2010 02:58 PM

المشاركة الأصلية كتبت بواسطة ayabooy

موديل 2000 فيه منه 1300 و 1250 بس لو بتقارن بين الـ 1300 و الـ 1250 انصح بالـ 1300 طبعا علشان اتزانها اعلى من ال 1250
علشان تكشف كويس على الاتنين دول انصحك تروح التوكيل و ليس مكان اخر و لو انت دماغك كانت مرشحة ال 1100 انا شايف انها افضل ليك من حيث سهولة التعامل معاها و رخص قطع غيارها
و معلش ليا سؤال نسيت اسالة من الاول انت خبرتك و سوابقك في العربيات ايه ؟

شكرا ليك على المعلومات
انا كان قدامى 1100 و 1300 بس بصراحه لقيت ان ال 1300 احسن من كل الوجوه زى ما انت كنت قلتلى قبل كده زى الاتزان وقوه الموتور كمان الشكل العام ليها والصالون كمان مختلف زى ما انت قولتلى

بالنسبه لسوابقى مع العربيات كانت 128 وبعدين اوبل كورسا بس مع الاوبل مش كتير وبرضه ده مش معناه انى تمام قوى فى الميكانيا للعربيات

**wghazi** · 25-02-2010 03:06 PM

امبارح كنت المفروض ح ارفع العربيه بس الظروف ماسمحتش بس شفتها وكنت عايز اخد رايكوا فيها مبدئيا
1- صاحب العربيه لسه مغير لها سوست المساعدين الامامى
2- مغير لها مساعد شمال خلفى
3- العربيه كويسه جدا من الخارج يادوب حكه بسيطه من الرفرف
4- المرايا شمال مكسوره بس شغاله كويس
5- دواخل العربيه زى الفل والفرش والتابلوه تمام
6- محتاجه شكمان وقالى ممكن بتاع فورد وده تقريبا فى حدود 400 او ممكن مصرى وده 180 جنيه
7- التكييف محتاح شحن وبيقول محتاج ماسورتين مش عارف يعنى ايه بس قالى تقريبا التكييف محتاج 300 ويكون تمام
8- ترخيصها باسمه من شهر وترخيص لغايه 2012
السعر 25

طبعا الماتور والعفشه لسه ما اعرفش بس على كلامه ان الموتور 85% واعتقد انه مادام كان شغال فى العفشه ومغير المساعدين وبص على العفشه ف اكيد كويسه بس برضه ح نشوف لما نرفعها

ياترى رايكوا فيها ايه ؟