معلش ليا سال كمان
هيه الفيستا بتسخن بسرعه او فيها مشكله فى الحراره ؟
عرض للطباعة
معلش ليا سال كمان
هيه الفيستا بتسخن بسرعه او فيها مشكله فى الحراره ؟
لو فيها مشكلة بتكون من عيوب في عناصر التبريد و محتاج تصليح لكن في العادي ملهاش مشاكل تبريد نهائي و الحمد لله
طيب عظيم فرق الاسعار بين الكورسا و الفيستا مش جامد قوي فيما عدا ان الكورسا بتكون اقل في حاجات كتير
المواصفات كويسة بس ترفعها في التوكيل علشان لو فيها مشاكل في الحساسات مثلا ديه مكلفة
طمنا ياباشا عملت إيه والعربية معروضة عليك بكام؟
ازيك يا باشا اخبارك ايه
رجعت لنقطه البدايه من جديد وح ادور على عربيه تانيه
امبارح رفعت العربيه فى محطه بنزين شل اللى فى شارع الهرم وبالمناسبه المحطه هايله وخدمه الكشف على السياره كويسه جدا وانصح بيها لو اى حد عايز يرفع عربيه ويكشف عليها
المهم
اول حاجه طلبوا اننا نغسل الشاسيه وبعد الغسيل دخلت فحص ماتور وبعد الماتور رفعوا العربيه على الونش وكشفوا على الزوايا والعفشه والشاسيه وبعد كده كشفوا على القوايم والدهان
المهم النتيجه فى الاخر
1- الموتور خفيف جدا وبيطلع دخنه زرقاء ( مع العلم ان قبل الكشف العربيه ماكنتش بتطلع دخنه خالص) ولما سالت عن كده قالولى ان بعد الكشف لو العربيه ماتورها مش مظبوط لازم يطلع الدخنه دى حتى لو فى الطبيعلا انها مش بتدخن
2- الدنجل محتاج تغيير والعربيه كان معمول لها زرجينه
3- علبه الدركسيون تعبانه
4 - طبعا الشكمان انا كنت عارف انه عايز يتغير وقالولى انه ممكن يتلحم كفايه مش محتاج تغيير
5- قوايم العربيه والشاسيه سليم
ده اللى لقيته فى العربيه وطبعا صرفت نظر عنها
صحيح نسيت اقولك ان المحطه بتدى نتيجه الكشف ورقه كمبيوتر مطبوعه بعد الكشف على الشاسيه والزوايا والعفشه وورقه تانيه فيها نتيجه الكشف عن الموتور والحاله العامه وكل التفاصيل اللى فى العربيه وفيها برضه نتيجه تجربه العربيه فى الحركه بس ماعملناش ده عشان اصلا كنت قررت انى مش عايز العربيه وتكلفه الكشف كله 100 جنيه
وكان صاحبها طالب كام على كدة؟
حاول تاخد واحدة مفيهاش شغل بقدر الامكان