مشاكل فى أوبترا 2008 أوتوماتيك - أرجو النصيحة

**sem123** · 27-12-2007 03:42 PM

السلام عليكم و رحمة الله و بركاته

الأخوة الأعزاء . ظهرت عندى عدة مشاكل فى عربيتى أوبترا 2008 أوتو ماتيك ( لسة جديدة نوفى 1700 كيلومتر بس ) .
1- أصبحت بطيئة فى السحب . يعنى لما أزود بنزين م بتدنيش السرعة المطلوبة إلا بعد فترة ( تحسها مخنوقة ) و بعدين فجأة تفتح معاك زى الريشة. ودى عملالى قلق كبير قوى ......
2- صوت المارش أصبح أعلى كتير مقارنة بالحالة بعد إستلامها منذ شهر .
3- إضاءة العربية بتضعف شوية لما بادوس فرامل حتى و هى واقفة .

هل الحالة خطيرة أ ده عادى ولا إيه
هل من مساعدة و لكم الثواب عند الله
و شكراً

**Magdih** · 27-12-2007 09:12 PM

ياترى حضرتك بتستخدم بنزين كام. لو 90 ممكن تعمل اللى حضرتك وصفته

**Magdih** · 27-12-2007 09:17 PM

بالنسبه للإضاءه أعتقد إن ده طبيعى (بتحصل معايا) بس مغ إدتهاش أهميه لأنى شوفت الملوظه دى فى عربيات كتير وأعتقد إن دى حاجه مرتبطه بإتصال كهربة السياره ببعضها والله أعلم.

**boty50** · 28-12-2007 10:07 PM

عزيزي

أفحص كابل البطارية هل مربوط كويس ومش فية اي رواسب
ولكن لا تنزعة من مكانة بس فحص وربط خفيف

**mido** · 30-12-2007 11:04 AM

روح التوكيل ومتكسلش

**أبو عبدالله** · 30-12-2007 11:22 AM

اولا مبروك عليك العربيه وربنا يعطيك خيرها ويكفي عنك شرها ان شاء الله

اولا اول ملحوظة ............ ممكن سؤال انتحضرتك ركبت اوتوماتيك قبل ذلك ولا لأ
لأني حاسس ان حضرتك تقصد الكيك داون وهو انك علشان العربيه تسحب زي ما انت بتقول بتدوس جامد شويه عن الطبيعي على دواسة البنزين فبتلاقي العربيه بتعمل صوت عالي وفجأة هتلاقيها ناطت من مكانها وهو ده الكيك داون الطبيعي

ثانيا ثاني ملحوظة ............. صوت المارش
بصراحه لا اعلم ما مشكلته بس يمكن حضرتك متخوف شويه فحاسس انه صوته علا خصوصا ان حضرتك ملاحظ حاجات تانيه فانت حاسس ان العربيه فيها مشاكل مش اكتر

ثالثا ثالث ملحوظة ............. موضوع الاضاءة ده في غالب العربيات كلها ولست وحدك ولكن بيتفاوت من سيارة لأخرى فقط في مدى تاثيره

وراجو ان اكون قد افدتك ان شاء الله

**sem123** · 30-12-2007 12:17 PM

شكرا جزيلا لكل من حاول المساعدة.

أنا بأستعمل بنزين 92
و فعلا دى أول مرة ليا فى الأوتوماتيك . بس أنا باتكلم عل السرعات الصغيرة يعنى و انا لسة على الأول من 20 الى 40 مثلا .

عموما أشكركم جزيلا و ياريت لو حد عنده أى فكرة تانية يقولى