عرض للطباعة
الى جميع مالكى سياره نيسان صنى سواء مانيوال او اتوماتيك
من لديه شكوى بخصوص زياده معدل استهلاك البنزين اعتقد ان الموضوع له حل وهو تغيير ضفيره السياره لان استهلاك السياره من 220 -260 كيلو فى الصفيحه
وهذا ما استنتجته من مركز صيانه
وفى حاله الذهاب الى اى مركز خدمه والضغط عليهم بتغيير الضفيره فى حاله زياد معدل استهلاك البنزين
السلام عليكماقتباس:
المشاركة الأصلية كتبت بواسطة ahmed_aly78
الإستهلاك الي حضرتك كاتبة ده في الطوالي علي سرعة 90-110 صح؟
ولا قصدك جوه البلد؟
لو على الطوالي فيبقى سليم لو جو البلد الصني لا يمكن توصل للمعدل ده ابدا
الصني الأوتوماتيك بتعمل حوالي 180 جوه البلد فوق او تحت حاجة بسيطة.
عموما اعراض تلف ضفيرة المحرك زي ما الزملاء اخبرونا هي تبطيل المحرك وإستهلاط بنزين غير طبيعي مع خلل واضح في عدد لفات المحرك rpm
الضفيرة تكلفتها 2000 جم في التوكيل وبتتغير في الضمان مجانا لمن فعلا عندهم مشكلة في الضفيرة
معقولة الضفيرة هى اللى بتخلى العربية تسحب بنزين
ما لو كان الموضوع منها مايشوفوا حل فيها وهما بيصنعو العربية اصلا
بصراحة العربية دى لو يغيرو فى شكل الطابلوه بتعها ويشوفوا قصة البنزين الزايد ده حتبقا تحفة والله
معلش و مالهالتابلوه بس ما هو شيك و ما فيهوش عيباقتباس:
بصراحة العربية دى لو يغيرو فى شكل الطابلوه بتعها
بصراحة نيسان صني اكتساح ليس له من قبل و هي العربية الوحيدة في مصر من حيث السعر و قوة العفشة و احسن مناورات
من الاخر هي ديه بتاعة الطرق المصرية
الكوري اكتسح في شكل العربية و مظهرها من جوا و من بره لكن سوري انا احب اكون واثق من نفسي و انا سايق العربية من مناورات و جري ... مش اجيب عربية شكلها حلو و بعدين الافي نفسي سايق هوا و اروح ورا الشمس
و بعدين نيسان صني عربية شكلها جميل جدا جدا هو يعيبها فقط من رأيي هو الكراسي و بس
اعتقد ان معدل استهلاك البنزين من 220-260 برا البلد بس ال سمعته من موظف صيانه ..... ان الضفيره احيانا يوجد بها عيوب لذلك تؤدى الى زياده معدل استهلاك البنزين وبعدين انا شايف ان معدل استهلاك الاوتوماتيك عالى ليه ال عنده اوتوماتيك مش ياخد محاوله انه يتكلم مع مركز الصيانه بخصوص الضفيره ويحاول ممكن معدل الاستهلاك يضظبط وخصوصا ان الضفيره دى مصر ولما بتتغير بتيجى اليابانى على ما اعتقد ( مش بحب افتى بس ده اعتقادر)
انا حابب بالموضوع ده اساعد ال معاه اوتوماتيك لان انا عربيتى مانيوال ومش بلاقى مشكله فى استهلاك البنزين بعمل من 230 حتى 250 كيلو فى الصفحيه
انا شايف شكل التابلوه شيك جدا بالرغم من انه شكله ثابت من فتره طويله بس فعلا شكله حلو وعجبى اما شكل الخارجى شكلها كلاسيك وبيعطى فخامه للراكب وهذا راى انا
العربية دي من العربيات الممتازة
واحد اهم الاسباب اللي خلتني مجبتهاش هو زيادة معدل الاستهلاك
هي مع واحد صاحبي
بتعمل معاه 170 ك (اوتوماتيك) وفي التوكيل قالو ان دة المعدل الطبيعي
ياريت من السادة ملاك النيسان صنى الأوتوماتيك يفيدونا عن استهلاك البنزين فى السفر وجوة البلد بس يكونوا متأكدين من المعلومة لأن انا معلوماتى ان موتور النيسان اقتصادى فى البنزين لأن التكنولوجيا بتاعته cvvt
موتور الصنى ليس ccvtاقتباس:
المشاركة الأصلية كتبت بواسطة kapci
يا ملاك الصني الكرام
الموضوع ده انا كنت عامله من فتره طويله قوي قوي
شاركت فيه كتير بس مشاركات اصحاب الصني فيه ضعيفه
برجاء قرايته و المشاركه فيه علشان السمعه المغلوطه بتاعت الاستهلاك دي
http://www.nilemotors.net/Nile/62667-a.html
انا هثبت ليك ان موتور النيسان صنى ينتمى لتكنولوجيا CVVTاقتباس:
المشاركة الأصلية كتبت بواسطة asnady
Nissan sunny engine code = QG1.6DE
من الرابط التالى هتعرف ان التقنية دى موجودة فى نيسان موتورز
Continuous variable valve timing - Wikipedia, the free encyclopedia
بس اسمها فى نيسان = Continuous Variable Valve Timing Control System (CVTCS)
بعد كدة حضرتك تروح اللينك ده
Nissan QG engine - Wikipedia, the free encyclopedia
وهتلاقى فيه الفقرة التالية
QG16DE
The QG16DE is an 1,6 L (1597 cc) straight 4 cylinder engine with DOHC and 16 valve and variable timing control (VTC). It produces 118 hp / 6000 rpm and 165 nm / 4000 rpm. Bore and stroke are 76 mm (3.0 in) and 88 mm (3.5 in). It is used in the Nissan Sunny NEO with 5-speed manual or 4-speed automatic transmission, and in Nissan Primera (P12) edition sold in various countries across Europe, and Nissan Sentra N16 series in the Philippines.
وده معناه انه ينتمى لعائلة ال Variable timing control engines
ولعلم سعادتك الأكواد الخاصة بالتكنولوجيا دى فى المواتير متغيرة من شركة لشركة زى ما حضرتك شفت فى اللينك الأولانى (مثال فى الهوندا اسمها i-Vtec)
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:
فى النهاية احب اقولكم يا جماعة ان انا فخور ان النيسان الصنى بتتصنع فى مصر وهى فى رأيى افضل قيمة مقابل النقود وان شاء الله عن قريب انا هشتري السوبر صالون وهبقى اقولكم على رأيى الفعلى كل فترة
تابلوه الصنى جيد و ليس سىء و انا معى صنى 2010 مانيول+ ايه بى اس و بتعمل معى جوه البلد من 200-228 كم و لم اجرب حتى هذه اللحظة السفر بها فى مسافات طويلة حتى الأن و الكلام ده مع استخدام بنزين 92
السبام عليكم و رحمة الله وبركاته يا رواد أفضل منتدى
إستهلاك الصنى (2007) فى البنزين مهبب ويخرب البيوت و ده أكبر عيب فيها و انا لاحظت الفرق بعد أن كان عندى تويوتا كورولا 1990 "فرق السماء من الأرض" وربنا يعوض علينا
ربنا يعوض عليك يا سيدي ولا يهمك دي مجرد عربيه بيعها و هاتلك اللي يريحكاقتباس:
المشاركة الأصلية كتبت بواسطة boogy
السلام عليكم
انا معايه صني 2008 مانيوال معدل الاستهلاك عندي جوه البلد 245 الى 260 فى الصفيحه بدون تكييف لكن ده عندنا فى الغردقه حيث الوسع والفضا الموميت
لكن فى السفر الموضوع معايه بيختلف والمعدلات كالاتي
السير عكس اتجاه الهواء حيث المقاومه الشديده وبسرعه ثابته 110 ( طبعا علشان الرادار ) وبالتكييف من 235 الى 245
السير فى نفس اتجاه الهواء وبسرعه ثابته 110 وبالتكييف من 270 الى 280 ( ده لسه حاصل معايه يوم الجمعه الماضيه (21.7 لتر عملو 300 ك على حساب عداد العربيه )
السير بسرعه تتراوح ما بين 140 و 160 من 235 الى 245 ( اتجاه الرياح ليس عمودي على اتجاه حركه السياره )
الارقام دي انا سجلتها على طريق الزعفرانه الغردقه ذهاب وعوده السرعه 110 وسرعه الرياح شديده جدا
اما السرعات العاليه 140 فيما فوق فدي على طريق راس غارب الشيخ فضل
اعتقد وده رايي الشخصي المتواضع ان احوال الطقس الطريق وكذلك ضبط السياره ليهم اثر كبير في استهلاك الوقود وحاجه تانيه هي ان النيسان عربيه تقيله من ناحيه الوزن
بس الشهاده لله العربيه ماشاء الله عليه تعتمد عليه جدا وخصوصا فى السفر
اسف للاطاله
مصطفى
190 جوة البلد بدون تكيف