ازاى اروح جمصه

**TarekEzz** · 22-06-2010 12:56 PM

ممكن اعرف سعر اليوم بكام لو انا عاوز اخذ شقة مفروشة 3 ايام وتكون نظيفة بعد الشرح الوافى لطريق جمصة

**mohamedrefaay** · 23-06-2010 01:42 AM

انا رحت عن طريق بورسعيد ثم الطريق الدولى

بصراحه طويل قوووووووووووى لكن مريح فى السواقة

**elhamoly** · 22-07-2010 10:05 PM

ربنا يباركلك يا اخ محمد حامد وبعد اذنك انا سجلت رقمك عشان لو انا تُهت فى اى مكان اتصل عليك ممكن ؟

**محمد بازيد** · 23-07-2010 05:43 PM

المشاركة الأصلية كتبت بواسطة elhamoly

ربنا يباركلك يا اخ محمد حامد وبعد اذنك انا سجلت رقمك عشان لو انا تُهت فى اى مكان اتصل عليك ممكن ؟

انت تامر ياباشا وتوصل بالسلامة ان شاء الله وحضرتك لما توصل ممكن تكلمنى واتشرف بمقابلتك ومساعدتك فى اى شى قى جمصة وتحت امر اى عضو فى نايل موتورز
............................

**محمد بازيد** · 28-12-2014 02:19 PM

المشاركة الأصلية كتبت بواسطة محمد بازيد

الاخوة الافاضل اعضاء نايل موتورز

يسعدنى انى ارد عليكم فى موضوع الوصول لجمصه خاصة مع دخول الصيف وربنا يديم علينا الاجازات خاصة انى من المقييمين فى جمصة بصفة شبة يومية
أولا الطريق للقادم من القاهرة العامرة
بص ياسيدى جنابك تصلى الفجر وتبدا تتحرك وذلك لهدفين أولا الطريق فاضى والجو جميل ثانيا الكماين اللى على الطريق مش بتقف قبل الساعة 7 وحضرتك هتكون وصلت بالسلامة
نبدا بالطريق حضرتك من اى مكان فى القاهرة هتأخذ الطريق الزراعى بتاع الاسكندرية لغاية لما توصل كوبرى بنها وتنزل من علية يمين هتلاقى كلية التربية الرياضية بتاعة بنها على يمينك وحضرتك هتاخذ الطريق الى المنصورة وبراحتك على الطريق يعنى ممكن تمشى 100 حلوة بس خلى بالك من المطبات الصناعية حلو الكلام هتفضل ماشى مسافة بتاع 50 كيلو لغاية لما توصل كمين سندوب ودة كمين عادى مش بيوقف حد هتعدى الكمين وبعدة بحوالى 150 متر هتلاقى كوبرى اطلعة وافضل ماشى بس خلى بالك هتلاقى مبانى على اليمين بتاعة جامعة خلى بالك عندها مطبين جامدين وبعدهم بحوالى 1كم هتلاقى مطبات وانت فى طريقك عادى جدا هتلاقى كوبرى فى وشك اطلعه وانزل من علية هتلاقة كوبرى عرضى على الطريق خش من تحتة على الطريق اللى فى وشك على طول لا تروح يمين ولا شمال مسافة 49.5كم بس نصيحة خلى عنيك فى نص راسك ومحدش يسخنك علىالجرى الطريق حلو ومفيش لة امان الملفات بتاعة مميتة هتلاقى الطريق الدولى الساحلى فى وشك يمين دمياط وراس البر وبورسعيد وشمال اسكندرية وبلطيم ومرسى مطروح وتاخذ يوترن وتلاقى بوابة جمصة هتطلع واحد بندق للى واقف على البوابة وبعدين تدخل جمصة لو حاجز مفيش مشكلة لو مش حاجز ممكن تحجز فى نفس اليوم عادى جدا وجمصة مش كبيرة ان حد يتوة فيها واجازة سعيدة

ثانيا اللى قادم من طنطا والمحلة لو من طنطا هتاخذ الدائى بتاع طنطا لغاية المحلة وبعدين طريق المحلة المنصورة ومتطلعش الكوبرى بتاع المنصورة انت تلف من تحتة وتدخل الطريق بتاع جمصة
يارب اكون قدرة افدكم زى ماانا بتعلم من نايل موتورز واى حاجة انا فى الخدمة بجد والله اللى عايز يسال انا تحت امره ........... محمد حامد

ملحوظة الشرح دة حصرى لنايل موتورز اللى عايز ينقله اى مكن تانى بس بسرط يقول المصدر

شباب معلش انا حاليا برة مصر والموضوع دة ياريت يتقفل لان رقم الموبايل خلاص معدش معايا