الموضوع: للي عاوز يتنقط معايا ...... عروض نيسان في السعودية

We r not living in Egypt,

we deserve better living ,

better cars and beter living

المشاركة الأصلية كتبت بواسطة Terrible_DaRsH

طب و فيها ايه ؟

ما احنا فى مصر بتدفع 99 % من قيمة العربية مقدم و قسط 50000 جنيه كل شهر على الباقى ..

بالظبط كده ماشاء الله عليك حافظ الأسعار مظبوط

المشاركة الأصلية كتبت بواسطة mohamed_elsabah1977

لأ وإية كمان
دول بيقولو إن التوكيلات في السعودية حرامية زي هنا كده
وعجبي

وده بيوضح الفروقات في أنظمة السرقة
يعني السرقة هنا غير هناك
حتى في السرقة ياربي

المشاركة الأصلية كتبت بواسطة romeo_6887

يعني انت بتدفع القسط ده من غير مقدم
و لا ايه النظام ؟ عشان انا مش فاهم ؟

فيه بدون مقدم وهو نظام التمويل التأجيري
اما لو نظام قسط أن بيبقى فيه مقدم وبرضه حاجه تعبانة يعني

التقسيط بدون مقدم احيانا كتير بيعملوه التوكيلات على انه عرض انه قسط بدون مقدم و بدون كفيل غارم .......... لكن في العادة انا رحت سألت مرة عالشفروليه كروز و قالي عايز تدفع كام!!!قلتله أي حاجة قالي عشرة في المية يعني !! قلتله يعني قالي طيب كويس عشرة في المية علشان اقل من كده هيبئى قليل أوي و ممكن البنك ما يوافقش (في تلميح لأني مصري مش سعودي) المهم اني لو دفعت 10 في المية بس القسط تحبه على كام سنة!!................عارف اللي هوه كأنك رايح تتغدى مثلا.....و الجرسون بيسألك تحب ملح خفيف ولا لأ و تحب البيبسي مع الأكل و لا بعده.........كده يعني............

المهم الفايدة كانت بتاع خمسة في المية كده و خلاص و لا أقل....و ممكن تدفع الباقي كاش في اي وقت بدون أي فوايد.........

مش هنا بنك اسكندرية ده مرة كنت هأقسط مع أبو غالي و طلع تبع بنك الأسكندرية و ياربي على سألة الناس بتوع الاستعلام....جه البيت و عايز يتفرج عالشقة و الله كأنه هيشتريها...و بيسأل في كل التفاصيل حتى الأسانسير انتو ليه معندكوش أسانسير و عندكو كام بلكونة عالشارع و كام بلكونه عالممر!!!!!!!! انا مشيته و سحبت الحجز من أبو غالي....و اتعاملت مرتين مع سيتي بنك على أساس الاجراءت أسهل و بتوع الاستعلام يا دوب ييجي يتأكد انك ساكن هنا و مجرد ما تفتحله الباب لابس الشبشب و البيجاما و ماسك وصل النور بيأخد منك شوية بيانات و يمشي على طول...............

في الامارات كنت عايش هناك و كان بيع المستعمل بالتقسيط عن طريق الوكلاء و السيارات مضمونة من الوكيل كمان بفائدة حوالي 2.5 % فقط....يعني حتى لو معاك كاش وفره احسنلك بدل ما تحط تحويشة عندهم لأنك لو زهقت في اي لحظة ممكن تتنازل عن العربية و تكملة أقساطها لأي حد براحتك...........

بس بالله عليكم ينفع الكلام ده يتعمل في مصر...و كم عدد السيارات اللي هتتباع يوميا!!! وبعدين مصر متشابكة و معقدة و صعبة مش زي الخليج لو ما دفعتش هيجيبك في خمس دقايق......هتروح منه فين لا تقدر تروح يمين ولا شمال وهيطسك حكم أسرع مما تتخيل.........

تحيا مصر يا عم.........و برضه شايف انه انسب رد.....هوه الكلمة الأسكندرانية اللي بتقولوا عليها.............

مش عارف ليه احنا البلد الوحيد اللى متبهدلين كده فى اسعار العربيات ليه

و الله مش لوحدنا بيقولوا الهند و ايران و باكستان و رومانيا و بلاد كده تانية متبهدلين زيينا برضه......يعني احنا من صفوة العالم......

واحد صديقي عايش في المانيا بيقولي في ألمانيا اسبوعيا في جرنال للاعلانات زي الوسيط كده بتلاقي ناس حاطين عربيات للتنازل مجانا لأن بيكون معاد الترخيص مثلا جه و التأمين و كده و هوه معهوش فلوس يجدد فيتنازل عنها لأي حد ببلاش.......و هوه نفسه مره واحدة ادتله عربيتها فورد فيستا هدية عيد ميلاده بس كانت رخصتها هتخلص خلاص ...........يعني تعتبر ما جابتلوش هدية!!!!!!!!!!!!!

شوف احنا العربية والله لو زستافا موديل 60 هتلاقي لها سعر برضه بكام ألف جنيه.........!!!!! أرزاق..........