والله مش شرط
عرض للطباعة
ربنا يستر ونخلص من المشكله دي
قرر عدد من مالكي سيارات "تويوتا كورولا" في مصر التوجه للقضاء ورفع دعوى قضائية ضد وكيل الشركة اليابانية في مصر شركة "تويوتا إيجيبت".
وأعلن 15 شخصاً أنهم يتضررون من وجود بعض المشاكل الفنية في سياراتهم، مؤكدين تمسكهم بالتعويض عن الأضرار التي لحقت بهم بسبب عيوب شملت "الدركسيون" و"تيل الفرامل" و"الطنابير" و"نظام ناقل السرعات"، بحسب صحيفة "اليوم السابع" يوم الأحد.
وسيقوم مالكو "كورولا" بإقامة دعوى قضائية ضد الشركة أمام المحكمة الاقتصادية، للمطالبة باستبدال سياراتهم بأخرى جديدة خالية من العيوب.
كما أكدد عدد من المتضررين، أنهم سيطالبون رئيس مجلس إدارة "تويوتا" الأم أكيو تويودا بالحضور إلى مصر للمثول أمام لجنة النقل والمواصلات في مجلس الشعب لتوضيح أسباب هذه العيوب الفنية الخطيرة، وذلك باعتباره الممثل القانوني للشركة.
واتهم مالكو السيارات المعيبة شركة "تويوتا إيجيبت" بعدم التعامل مع المشكلة بشكل جيد، مشيرين إلى أن الوكيل المصري ترك المستهلك يواجه تلك الأضرار القاتلة وحده.
كذلك سيطالبون رئيس "تويوتا" العالمية باتخاذ إجراءت سريعة ومحددة لإنهاء معاناة المستهلك المصري بسبب إهمال وكلاء السيارات المصريين الذين يتعاملون معه بصورة تتجاهل حقوقه.
هى كل العربيات فيها عيوب !!
مفيش ولا عربية خرجت سليمة من المصنع و لا دى حجة من الناس لاستغلال الموقف ..
و الله اللي يرفع قضية ده حقه
بس ان الراجل ييجي هنا دي واسعة شوية و مالهاش لازمة
طب هو راح الكونجرس "بدعوة"
و بعدين ده الكونجرس ....مش لجنة النقل و المواصلات اللي مش عارفة تشيل و زير
ليهم حق وكمان يرفعوا على الوكيل اللي هنا وطرمخ على المشاكل واعطى للملاك مسكنات
اه والله
و ياسلام لو جاب معاه تلات أربع حتت اسعاف من اللي هم "من الشعب الياباني للشعب للمصري" دول
و بعدين هم باعوا هنا بكام أساسا و باعوا و هايبيعوا في أمريكا بكام ؟؟؟
ده بالظبط زي ما واحد يقوللك احضر حالا من اليابانا و إلا هانخصم منك عشرين جنيه
زي ما قولت من يومين في المنتدى هنا, فيه ناس مستغلة الموضوع ده حلو قوي عشان يعملوا دعاية لنفسهم و أهم أبتدوا يلفوا على وسائل الاعلام :colsmil:
اولا يا بختكو
ليه ؟؟
لانكو معاكو تويوتا
مشكلة الفتيس هاتتحل (شوف اللى معاه نوبيرا وانتو تحمدو ربنا)
مشكلة التيل والطنابير (موجوده فى غالبية العربيات الكورى النترا اكسنت سيراتو وبتتغير ضمان)
مشكلة الدريكسيون (ماعرفش هى ايه بالظبط ؟؟؟)
عندى سؤال بئا
ملاك الافيو يعملو ايه ؟؟؟؟؟؟؟ وليه ساكتين ؟؟
ماعندهمش حاجه مافيهاش مشكله وعادى
ان شاء الله كل واحد بيسعى عشان ياخد حقه هاياخدو