انا حابب دى و فرق القوه خيالى
عرض للطباعة
انا حابب دى و فرق القوه خيالى
و انا شايف سعرها تحفة و مواصفاتها تحفة
و ده رأى شخصى
فعلا ياطنانى
و بالرغم من استهلاك البنزين الأعلى بس القوة تستاهل
راى الشخصى و دة طبعا شخصى
اشترى العربية ال 2000 سى سى الاتوماتيك لان الفرق فى المشى بتاعها فارق جدا
الحاجة التانية مع التكييف العربية ماشية و لا هممها حاجة و مش بتتخنق من حمل الكمبروسور عليها
بس عيبها الوحيد اللون الاسون لانة مقرف فى النضافة بتاعة و عايز فوطة زفرة على طول
خلاصة القول عن الاوبل فى مصر
الاوبل العربية الصح فى البلد الغلط
و دة لانها عربية ممتازة بس عايز تتراعى كويس
و مينفعش تتركب نص نص يعنى يكون عفشة 100 % & كهربا 100 % & تكييف 100 % & صالون 100 % & موتور 100 %
كل دة علشان تحس بطعم العربية و طعم جودة الالمانى
انا شوفت العربية السودا بس بصراحة وهم انا ركبتها تحس بطعم الالماني النظيف اوي ماشية 120 الف كيلو الراجل مخليها زيرو بس الميكانيكي بيخوفني ان الاتوماتيك وحش و اعطالة يامة و بنزينه مفتري لو عاوزها حطلها 80 توفر معاك هل كلامة صح علما انه راجل مفروض فاهم في الاوبل
صباح الخير
بص يا باشا
الاتوماتيك اختراع جميل و ممتع
و تعالى نحسبها
الاتوماتيك : عاوز نضافة الزيت بتاعة و تغييره كل مسافة من 30000 كم الى 50000 كم
و بياخد 4 ك و تمن الكيلو 24 جنية للموبيل او 27 جنية للشل و اهم مزاياه الراحة ليك و للعربية اما بالنسبة لاستهلاك البنزين فهو فعلا استهلاك اعلى شوية من المانيوال و مش بالدرجة المحسوسة لان العربية رشاشات يعنى حقن وقود انا عربيتى اتوماتيك موديل 96 شكل قديم و فى مرة حسبتها على الطريق السريع لقيتها 220 كم / صفيحة و طبعا دة معدل ممتاز على عربية 2000 سى سى زى اللى معايا
بالنسبة لسعره لو عك معاك الفتيس غيرة و بكل سهولة انا لسة مغيرة من حوالى 3 اسابيع و بسعر جميل ب 1900 جنية و بضمان 6 شهور
الفتيس المانيوال : برضوا عايز نضافة و متابعة للزيت . متعب اول للرجل فى السواقة . تمن طقم الدبرياج اللى حضرتك هتغيرة كل سنتين و نص او تلات سنين بالكتر بيكون 850 جنية
يعنى تغيير طقم الدبرياج مرتين هو تمن الفتيس الاتوماتيك
دة راى الشخصى و لحضرتك كامل حرية الاختيار
و سلامى ليك و للجميع
زي ماالرجاله ردوا عليك كل حاجه وليها مزايا وعيوب فالفتيس المانوال ليه متعه خاصه في القياده وصيانته اسهل واعطاله قليله واستهلاكه للبنزين اقتصادي ممكن الصفيحه تعدي 300كم لان موتوره 1600 سي سي ,عيبه الوحيد من وجهه نظري انه متعب في زحمه جوه البلد ..
الفتيس الاوتوماتيك مريح في استخدامه انما صيانته صعبه وغالبا بيتغير قليل لما ينفع معاه تصليح
استهلاكه للبنزين عالي لان موتوره 2000 سي سي بس بيمتعك بهورس باور عالي وكذلك ضريبته في المرور عاليه وموتوره مليان حساسات ,البطاريه لو نامت العربيه تقف مكانها لغايه ماتغير بطاريه انما ماتتزقش تدور زي المانوال ..
بس لو انا مكانك هختار الاوتوماتيك بمزاياه وعيوبه . بس لي ملاحظه .. اعتقد ان فتحه السقف في ال97 بكره مش كهربا ؟؟ لو انا غلطان ياريت اللي معاه العربيه يصححلي وربنا يوفقك :ask:
الحمد لله انا معايا 2000 مانيوال
ايوه ياباشا فتحه السقف في ال97 بكره بس فيه ناس بتقلبها كهرباء وماتكلفش 800 جنيه زي مانا معمول عندي