برجاء الافادة يا شباب مازدا

**punto759** · 22-02-2010 04:14 PM

ارجو الافادة من شباب مازدا اريد شراء مازدا 3 مو 2008 وبجد الناس كلهم بيخوفونى من التوكيل وقطع الغيار لغلوها المبالغ فيه و العافشة الناشفة ارجو الافادة بجد وايضا اذا وضع احد فى اختيار بين المازدا3 و الانسر الشارك و النيو سيراتو فماذا تختار ولماذا !

**himaz** · 22-02-2010 04:37 PM

طبعا الكلام ده غير صحيح ومعروف المازدا فين فى مستوى اليابانى

التوكيل حاليا هو غبور وان شاء الله غبور هيفتتح قريبا مراكز الصيانة الخاصة بمازدا

العفشة مش ناشفة خالص
قطع الغيار مفيش منها مضروب زى العربيات اللى انت قولت عليها

اما تيجى تقارن قارن اسعار قطع الغيار الاصلى
هو المازدا هتلاقيها اعلى بس بتقعد اكتر

شوف الموضوع ده هيفيدك http://www.nilemotors.net/Nile/125148-3.html

**punto759** · 22-02-2010 05:28 PM

طبعا الكلام ده غير صحيح ومعروف المازدا فين فى مستوى اليابانى

التوكيل حاليا هو غبور وان شاء الله غبور هيفتتح قريبا مراكز الصيانة الخاصة بمازدا

العفشة مش ناشفة خالص
قطع الغيار مفيش منها مضروب زى العربيات اللى انت قولت عليها

اما تيجى تقارن قارن اسعار قطع الغيار الاصلى
هو المازدا هتلاقيها اعلى بس بتقعد اكتر

تمام يا باشا بس بردو سمعت انها بتخصر جامد فى ال resale دة صح ولا اية وانت يا باشا عربيتك معاك من امتى و ماشى بيها اد اية و اية المشاكل الى ابلتك معاها

**himaz** · 22-02-2010 08:53 PM

هو انت لو جبت مازدا مش هتبيعها اصلا يا باشا

بس لو انت مصمم تبيعها يبقى متجيبشى مازدا سعرها بينزل فى اعادة البيع بس ده حاليا , قريب اوى سعرها حيبقى احلى من العادى

من ناحية المشاكل , مفيش اى مشاكل غير انها ضيقة شوية من الخلف
و قارن المشاكل بين العربيات ممكن اركب عربية قطع غيارها ارخص اه بس السؤال بتتغير كل قد ايه و بتبوظ بسرعة و لا لأ

**punto759** · 26-02-2010 12:15 AM

معلش يا مزداوية سوءال تانى
مازدا 2008 ماشية 27000 ايرو لون اسود فابريكة برة و جوة اخرها مع صاحبها خالص
100.000 جنية
برجاء الافادة دى غالية ولا كويسة برجاء الاجابة السريعة

**nightmare_9595** · 26-02-2010 07:07 AM

المشاركة الأصلية كتبت بواسطة punto759

معلش يا مزداوية سوءال تانى
مازدا 2008 ماشية 27000 ايرو لون اسود فابريكة برة و جوة اخرها مع صاحبها خالص
100.000 جنية
برجاء الافادة دى غالية ولا كويسة برجاء الاجابة السريعة

+111111

هي كده تمام بشرط سلامه العربيه يعني ترفعها و يبص عليها من تحت و ياريت لو تاخد معاك ميكانيكي يكون افضل,و ممكن تروح مركز سمارت كار تعمل كشف عليها و هايفيدوك جامد و حصل الموضوع ده قدامي كتييييير في سمارت و بيكون رايهم الفصل فيه و بكل امانه,تقريبا بيتكلف 200 او 300 جنيه مش فاكر,

و يا باشا بالنسبه للعربيه فا هي بسم الله ما شاء الله زي الفل,في ناس الحمد لله وصلت بيها لل 90000 كيلو و ماشتكوش من صوت تزييقه!! ولا خامات مش عارف عامله ازاي!!ولا المالتي بيعلق!!ولا عفشه ناشفه!!

و دي اول مره اسمعها,طول عمر المازدا 3 انضف عفشه في فئتها,طريه و الحمد لله ثابته جدا.,و اما مش عايز اقول هنا عيوب العربيات الي انت بتقارن بيها عشان لو حد من اصحابها او مالكيها دخل و شاف اللي مكتوب هتقوم حرب.!!!!!!
اتوكل علي الله و الحمد لله مفيش خوف منها خالص و برده تصلي استخاره و هات اللي قلبك مستريحله,

و لو حضرتك تحب تكلمني و نتقابل و افرجك المازدا ممكن تعمل ايه

و عفشتها عامله ازاي

مفيش مشكله و ده رقمي 0110903312
محمد حامد و اي سوال انا جاهز,و ان شاء الله تكون عضو مازداوي جديد

**himaz** · 26-02-2010 06:59 PM

المشاركة الأصلية كتبت بواسطة punto759

معلش يا مزداوية سوءال تانى
مازدا 2008 ماشية 27000 ايرو لون اسود فابريكة برة و جوة اخرها مع صاحبها خالص
100.000 جنية
برجاء الافادة دى غالية ولا كويسة برجاء الاجابة السريعة

سعر مناسب جدا
بس غريبة بيبيعها ليه , اساله يا باشا و اكشف عليها لزيادة التأكيد فى سمارت

**punto759** · 27-02-2010 12:01 AM

يا محمد باشا تسلم انا واخدها بكرة انشاء الله سمارت علشان اكشف عليها الكشف ب 200 قالولى ربنا يسهل و تطلع حلوة لو انشاء الله جبتها حقولكم

**nightmare_9595** · 27-02-2010 12:43 AM

المشاركة الأصلية كتبت بواسطة punto759

يا محمد باشا تسلم انا واخدها بكرة انشاء الله سمارت علشان اكشف عليها الكشف ب 200 قالولى ربنا يسهل و تطلع حلوة لو انشاء الله جبتها حقولكم :e_braces[1]:

حبيبي انا ان شاء الله رايح سمارت بكره,ممكن اقابلك و نروح سوا او اقابلك هناك لو معندكش مانع و يكون ليا شرف مقابلتك و اقدر اقدملك اللي اقدر عليه. و ده رقمي 0193511948 او 0110903312
مستني ردك.
تقبل تحياتي
محمد حامد

**punto759** · 28-02-2010 02:49 PM

محمد ياشا معلشى انا رحت ياسين وكشفوا على كل حاجة فيها و الحمد لله اشترتها بس هيا عايزا تيل امامى و فلتر هواء و فلتر بنزين بس للاسف حالتى المادية مافيش لانى حطيت كل اللى معايا فيها لو فية حد بيبعهم برا التوكيل وسعرة مريح ونظيف مش ضرب ارجو ان حد يقولى بكام وفين