ايه الحاجات اللى ابص عليها لما استلم عربيه زيرو؟؟؟؟

**waelkaramany** · 22-02-2010 09:38 PM

السلام عليكم انا ان شاء الله هستلم عربيتى الزيرو الاسبوع الجاى وهى عربيه لانوس 2010....بس انا معنديش خبره وعايز اعرف ايه الحاجات اللى اشيك عليها وابص عليها قبل ما استلم العربيه

**waelkaramany** · 22-02-2010 10:04 PM

متابع

**NoRmAl** · 22-02-2010 11:12 PM

المشاركة الأصلية كتبت بواسطة musiccairo

بس هو عموما تجرب التكييف وتبص كدا على جسم العربيه الخارجي
وتأكد خلوه من اي خدوش وياريت لو تستلم الصبح
وتمشي ايدك على عتب العربيه من تحت
وتفتح الكبوت وتشوف مستوى الزيوت في العربيه وتفتح الريادتير وتبص عليه
وتشغل الكاسيت وان كان في مالتي فانكشن تشغلها بردو
وتجرب الراديو
وتشغل النور عالي وواطي وتقلب نور والاشارات والانتظار
والمساحات الاماميه والخلفيه
وطبعا نور الفرامل والشبوره
ويستحسن يكون معاك حد يتابع الحاجات اللي بتعملها
ولو كرسي السائق بيطلع وينزل جربوا والكنبه الخلفيه لو بتتني جربها
وطبعا تانك البنزين لو بفتخ من الداخل افتحوا وكذلك الشنطه
واتأكد من العده اللي بتيجي مع العربيه والاستبن كمان
وتستلم على خير ان شاء الله
ومبروك عليك مقدما
بعد الاستلام تطلع على بنزينه تفول عربيتك وتظبط ضغط الاطارات
وطبعا تظبط مراياتك وتلبس الحزام
وتوصل على خير ان شاء الله

**Abdm** · 22-02-2010 11:13 PM

تبص على الخدوش أو أذا كانت متجرحة وكتاب الدليل للسيارة وكتاب الضمان وشنطة العدة ,وتعمل تشيك على كل حاجة ذى التكييف والمية للردياتير والبنزين والزيوت كلها , والآنوار والمساحات وكل حاجة تراجع عليها وتشفها شغالة كويس ولآ لآ والآستبن يكون موجود ونفس المقاس للكاوتش .وتحاول نصيحة تركبها وتمشى مسافة وتشوف فى مشاكل فى أى حاجة ذى الفرامل أو رعشة دريكسيون مع الفرامل بالذات على سرعة 50 أو 60 كيلو علشان دة عيب بيظهر فى التيل والطنابير والديسك من التخزين أحيانا ,وتختبر الكاسيت والتكييف وكل حاجة,وربنا يسترها علينا جميعا . وربنا يوفقك

**N.a.j.d** · 22-02-2010 11:25 PM

حضرتك بتجرب العربيه شوف عامله ازاي زاقبل ما تفكر تشتري عربيه اسال الناس اللى عندهم النوع دا متلا عامله ازاي ف المصاريف والقطع وتبات العربيه يعني حاجات زي دي ياباشا
وربنا يوفقك