عليا ب 50 جنيه للرقم
وعليه العوض :fdsa:
عليا ب 50 جنيه للرقم
وعليه العوض :fdsa:
انا عاوز بس اسأل الاعضاء اللى بيقولو 7000 و8الاف و25الف
حد فيكم حافظ رقم اى موبايل عندة على الموبايل
انا عن نفسى مش حافظ ومش فاكر اى رقم من اللى بيتصلو بيا عشان انا حافظهم فى الموبايل بالاسامى
فبصراحة مش هاخد بالى او مش هتفرق معايا انة رقم مميز ولا لأ
وحتى لو نمرة غريبة ومميزة جدااا اتصلت بيااا
فمش هخاف مثلااا انى ارد او هفترض مثلااا انة شخصية مهمة
عشان الشخصيات المهمة بجد فى بلدنا مبتفرقش معاها الحاجات دى
تحياتى
لا حول ولا قوة الا بالله
هو ايه الكلام (00000) ده ايه 7 و8 الاف ، ليه ان شاء الله ، والله ادارة الموقع المفروض تدخل فى الكلام الاستفسازى ده ، ناس مش لقيه تاكل ولا تتعلاج وناس بتشترى خط موبيل ب7 الاف جنيه ،
يا جماعة
ده عرض و طلب ..... و كل سلعة و ليها زبونها
عمركم ما شفتم في فاترينة محل فستان و السعر مكتوب عليه 30 الف و حاجات زي دي او جزمة ب 5000 و غيره؟
و اللي بيركب زينون اصلي بعشر الاف مثلا .... و لا اللي شايل موبايل ب 5000 جنيه
او اللي بيلبس ساعة او نضارة دهب
كل واحد و ليه ذوقه ...... انا اعرف استاذ جامعي محترم ربنا يديله الصحة و طولة العمر ..... لبسه أي كلام و عربيته فولكس بيتلز سبعينات ..... و هو ما شاء الله غني جدا ...... بس ممكن يصرف 10 الاف جنيه في الشهر على كتب ..... ايوة كتب !!!! .....
الخلاصة كل واحد و اهتماماته
و بالنسبة للعضو اللي بيقول الادارة تشيل الموضوع و استفزاز و بتاع .... انا رأيي الموضوع يفضل ..... و كل واحد حر طالما محدش خالف القواعد ..... و لو على خط الموبايل و الناس مش لاقية تاكل و تتعالج ..... طب انزل الشارع - اي شارع - و عد العربيات البي ام دبليو و المرسيدس كام عربية و تمنهم كام !!
أعلن عنها في الوسيط وانا متفق مع أستاذ أحمد كمال في اللي قاله وانا مره كنت وسيط بين رجل اعمال وصديق ليه كان معاه خط فيه ستة اصفار وكان عايز يبعه ورجل الأعمال كان حطله سعر 30 الف جنيه وصحبي مرضاش وتوسط بينهم وخليته يبعهوله 35 الف جنيه والراجل كان مبسوط يعني فيه ناس معاها فلوس بتحب التمييز في كل حاجه وهماحريين في فلوسهم
وبعدين ياجماعه مش كل واحد ميعجبهوش الموضوع يطالب بقفله الموضوع مطروح لطلب رأينا مش اكتر
ياباشا انت تبدل الاربع ارقام في عربيه فيرنا وتريح دماغك :)
ى جماعة الناس اللى مدايقة من الاسعار انا معاهم فعلا وانا وضحت وجهة نظرى وقولت لو كان قدامى رقم واحد بس من الارقام دى مكنتش هشتريه لان تمنه فعلا كتير على خط موبايل بس لما لقيت اربع ارقام فكرت فيها بشكل تانى انى اجيب خط مميز ليا وابيع الخطوط التلاتة التانية وبالتالى مش هكون خسران وانا معاكم ان الاسعار للارقام المميزة غالية ومستفزة ليا انا شخصيا بس الارقام تمنها فى السوق كده ومش موجودة وهى من وجهة نظرى متتبعش غير لشركات او لناس معاها تمن الارقام دى عشان كده انا قلت عاوز ابيع التلاتة مع بعض لشركة او لحد عاوز هو يستفيد من الارقام دى زييى يعنى ياخد رقم مثلا ويبيع اتنين او ناس ربنا مديها عاوزة ال3 ارقام لنفسهم وصدقنى لو حد زييى كده جه قالى انا عاوز رقم ب 20000 الاف جنيه انا هكون مش مرتاح وانا ببيعه وانا قلت الارقام دى تروح لشركة افضل وهتبقى مكسب ليا ومكسب ليهم او لمحل موبايلات كبير هيقدر يكسب ضعف التمن اللى هيشتريهم بيه او رجل اعمال قادر على تمنهم .الموضوع مفهوش استفزاز منى لاى شخص
أنا قلت بدام مش هاشتري اجرب
هتقولولي إزّي
اقولكم رنيت عليهم كلهم
0165888888 غير متاح
0163777777 بيرن (رنة وقفلت - اام متصل بيه)
0163444444 غير متاح
0165999999 غير موجود بالخدمة أساسا
ياله أهو كده الشغل والله بلاش