ممكن حد يقولى ترتيب الاسلاك بتاعة البوجيهات من جهة البوبينة و ايضا الموتور و لو فيها رزالة صورة تخلص الموضوع.
واية هى علامات تلف البوبينة
عرض للطباعة
ممكن حد يقولى ترتيب الاسلاك بتاعة البوجيهات من جهة البوبينة و ايضا الموتور و لو فيها رزالة صورة تخلص الموضوع.
واية هى علامات تلف البوبينة
علامات تلف الموبينه
هتتلاقي السحب قل و العربيه بتنتش معاك
حوار ترتيب الاسلاك ده اسمها التقسيمه
هتعمل الاتي
لو عربيتك امامي هترفع العجله الي قدام ولو عربيتك خلفي هترفع العجله الي ورا
هتجيب مفك طويل وهتفك اول بوجيه وهتدخله لغاية لما يوصل للبستم
هتلف العجله هتلاقي المفك بيطلع لفوق اقعد لف شويه شويه لغاية لما توصل لاعلي نقطه
شيل المفك ونزل البوجيه مكانه واربطه
ركب وش الاسبراتير وركب السلك الاولاني في البوجيه رقم واحد وركب الباقي بنفس الترتيب
كده ظبطت التقسيمه
في ناس تاني بقي بتحط العربيه علي الرابع بدل حوار رفع العجل
بس ده هيبرجل العربيه معاك وهتحسها مش مظبوطه
موضوع بقي انه الموبينه تبوظ
زي ما قالك روميو بس اضيف انها لو باظت خالص العربيه هتقطع خالص ومش هتدور اصلا
A.Yakout
الاول حنرقم البساتم بالترتيب من ناحية سير الكاتينة الى البطارية 1 و 2 و 3 و 4
و بعد كدة حنرقم فتحات البوبينة من فوق لتحت (او من صدر العربية للرادياتير لو نوبيرا او ليجانزا) 1 و 2 و 3 و 4
الترتيب الصح حيبقى:
سلك رقم 1 من البوبينة رايح للبستم 1
سلك رقم 2 من البوبينة رايح للبستم 4
سلك رقم 3 من البوبينة رايح للبستم 2
سلك رقم 4 من البوبينة رايح للبستم 3
http://i83.photobucket.com/albums/j3...427_9_full.jpg
MMamdouh
شكرا خالص يا استاذ محمد علي طريقة ردك
عموما انا حاولت الاقي مبرر لردك ملاقيتش غير اني رديت في قسم الدايو وكلامي كان علي الي بعمله في عربيتي (504) لما العربيه تخلف تقسيمه او ابقي مغير اسلاك البوجيهات كلها وعايز اوزع التقسيمه من جديد
كلامي كان عام عن تجربه خاصه الاختلاف الي ماخدتش بالي منه اختلاف نظام الاشعال عن الدايو
بس برضه يا استاذ محمد متكونش دي طريقة ردك عليا
وممكن حضرتك تسئل ازاي توزع تقسيمه في العربيات الي اشعالها عادي مش الكتروني
سيبك مني انا او متسئلش علشاني انا
بس اسئل يمكن في مره عربيه تكون واقفه مش عايزه تدور وتلاقي السبب انها خالفه تقسيمه وتقدر تعالجها
انا مش بخترع يا استاذ او يا باشمهندس محمد
A.Yakout
الموبينه بيكون مكتوب عليها ارقام مقابله لمخارج السلوك..
وهي من فوق لتحت:
1
4
3
2
وتوصل للبوجيهات بترتيبها من ناحية فلتر الهواء بترتيب:
1
2
3
4
بالبظط زي ما MMamdouh قال...
مع العلم ان 2 مكان 3 او العكس مابتفرقش.
طيب طالما احنا فى قسم الدايو يبقى ازاى بتعرض اجابة لسؤال عن عربية تانية خالص؟؟؟ خللى بالك ان ممكن اوى واحد يقراء كلامك و يروح ينفذة اعتقادا منه ان دة الصح... و فى الاخر الموضوع حينتهى بالفشل و ممكن تحصل اضرار للعربية او لصاحبها و هو بيعمل كدة... يبقى ليه نقول على حاجة متنفعش او مش صح بالنسبة للعربية دى؟؟؟
و هو الاختلاف دة اللى خللى اجابتك مش صح... بالرغم من ان نفس الكلام لو اتكتب فى قسم بيجو او الورشة كان حيبقى صح و 100%اقتباس:
كلامي كان عام عن تجربه خاصه الاختلاف الي ماخدتش بالي منه اختلاف نظام الاشعال عن الدايو
انا مقولتش حاجة وحشة او مهينة يا استاذى... بالنسبة لاى واحد عارف فى العربيات الدايو حيشاركنى الراى فى ان الوصفة دى "اختراع" لان احنا مش بنتحتاج الى فك عجل او بوجيهات ولا عندنا سبراتير ولا شواكيش اساسا فى العربية... لاحظ انى مقولتش ان كلام غلط لانة مش غلط... هو مش الطريقة الصح للعربيات اللى احنا بنتكلم عليهااقتباس:
بس برضه يا استاذ محمد متكونش دي طريقة ردك عليا
انا عارف الطريقة دى و شوفتها كذا مرة... الطريقة شخصيا صح بس متنفعش عندنا خالص و دة كان سبب تعليقى... خللى بالك ان قبل كدة واحد قال على حاجة و واحد تانى نزل جربها وولع فى ضفيرة عربيتة فا ياريت نتحرى الدقة فى كل كلمة عشان متسببش - بدون قصد - فى مشاكل لحداقتباس:
وممكن حضرتك تسئل ازاي توزع تقسيمه في العربيات الي اشعالها عادي مش الكتروني
سيبك مني انا او متسئلش علشاني انا
بس اسئل يمكن في مره عربيه تكون واقفه مش عايزه تدور وتلاقي السبب انها خالفه تقسيمه وتقدر تعالجها
انا مش بخترع يا استاذ او يا باشمهندس محمد
A.Yakout
MMamdouh
يا شباب اكيد حصل اختلاف فى وجهات النظر او سوء فهم، وامسحوها فيا
انتوا الاثنين حبايبي وعقلكم كبير اكبر من الكلام ده
nabaster: عاوز ييفيد بمعلوماته
محمد ممدوح: راجل خبره واستاذ فى الدايو وما كانش يقصد يضايقك لشخصك يعنى، الراجل اصله مفصص الدايو وفاهمها جدا
روقوا كده واستهدوا بالله
على فكره كان نفسنا نشوفكوا فى مقابله الاسكندريه وتتعرف على الشباب الجدعان بتوع المنتدى
السلام عليكم
معلومات مفيدة جزاكم الله خيرا
طيب بالنسبة للدايو سيلو
الترتيب هيكون ازاى ؟
الاسبراتير دائري مش زي اللى فى الصورة
ملاحظة الفتيس اوتوماتيك
شكرا مقدما