طلب شراء لادا 2107 روسي

**ayad2007** · 23-02-2010 12:05 AM

انا جاد في شراء لادا 2107 روسي تكون كسر زيرو موديل 2007 او 2008 او 2009 و تكون حالتها جيدة . وسعرها مناسب حسب الأتفاق. انا من الفيوم وتليفوني هو 0119770801
ارجو المساعدة في عملية الشراء . وتسعير السيارة ولكم جزيل الشكر...:b4_048:

**ramyiar** · 23-02-2010 03:59 PM

انا عندي عربية 2107 موديل 94 1500 cc لسة عامل عمرة كاملة للماتور و مغير اربع فرد الكاوتش و البطارية و الفرش الداخلي
انا شاريها من سنة ونص من واحد عجوز و تقريا مكنشي بيركبها
انا مكنتش بفكر ابعها بصراحة
بس عاوز اجيب حاجة يكون فيها تكييف
لو عاوز تبص علي العربية ابعتلي و احدد معاك معاد

**a7madramadan** · 24-02-2010 12:22 PM

انا معايا لااااادا 2107 2009 روسي اينجيكشن ماشية 2036 كيلو بالظبط و لسة عاملها صيانة في التوكيل مركبلها كاسيت ال جي سيدي و سمااعات ال جي 400 وات و فرش جلد بني*بيج و شوية كماليات عالسريع اللون بني محروق او زي مابيقولو نبيتي محروق

للأمانة العربية فيها خدش خفيف 5-8 سم عند العجلة الشمال الأمامية مارضيتش احط عليه اي بوية عشان ما العبش في البوية الفابريكة و للأمانة في بوش حوالي 5-7 سم في الدريكسيون عند السرعة +120 و موش عارف السبب قد كده يمكن بسبب العربية الي ريحت على العجلة سنة و عملت خدش خفيف قدام العجلة :) بس البوش غير موجود نهائيا عند السرعة -100

اجمالي مصاريفها :
49.8 الف العربية
2.5 الف كماليات
4 آلاف رخصة 3 سنين بالتامين 3 سنين بعدة الامان (طفاية/عدة طبية/مثلث)

-(2000) جنيه استخدام
-(100) جنيه لتصليح الخدش
اجمالي 54200 هاطلب انا فيها 53 ألف لإني عاوز اشتري عربية اوبل فيكترا لقطة من واحد معرفة اول ما ابيع عربيتي ده لو لقيتلها مشتري بالسعر الي انا طالبه يا اما هاخليها لاني موش مستعد اخسر في تمنها باي حال

المشكلة الي هتقابلك معايا ان السعر موش هيناسبك لإنه غير قابل للتفاوض بالنسبالي و أنا عارف ان السعر غالي :) لو مهتم ابعتلي عالخاص و هاكون في منتهى الامانة معاك السعر غالي حبة بس العربية في حالة الزيرو

**ayad2007** · 24-02-2010 07:35 PM

الي الأستاذ TheDieSeL:
انا كنت في التوكيل الأمل الأسبوع الماضي وسألت عن اسعار لادا2107 روسي و كان ردهم كما يلي:
موديل 2010 48500 ج ومع التفاوض ممكن توصل معاهم ل48000
موديل 2009 46500 ج وممكن توصل ل 46000ج
انا فكرت اجيب كسرزيرو علشان تكون اقل في السعر مش اغلي .

**ahmedemad15** · 24-02-2010 10:02 PM

ايه ياعم انت عاوز 53000 فى عربيه استعملت والجديده عامله 48500 والفرق فى الترخيص والكاسيت والسماعات

**a7madramadan** · 26-02-2010 05:24 PM

انا في ردي قولت اييه التكلفة الي كانت عليا و اني لو هابيعها هابيعها عشان اشتري عربية تانية حاضرة قدامي و عموما انا قولت اييه الاسعار الي شريت بيها و في اسكندرية عندنا سعر اللادا غلى شويتين الروسي 53 ألف جنيه زيرو في توكيل الأمل و في الشركة الهندسية 52و ماعنديش فكرة عن اسعار الوكلاء و الموزعين الصغار...ممكن يكونو اغلى او ارخص و انا قولت السعر الي انا محتاجة و قولت اني عارف ان السعر غالي و انا موش باضحك على حد باسعاري ده لو هابيع و اعتقد ان السعر الي اطلبه حرية شخصية و للشاري حرية الاختيار ...

**Abdm** · 26-02-2010 08:36 PM

أستاذ thediesel سؤال صغير فقط للآستفسار مش قادر أفهم لية هذا السعر 4 ألاف جنية ترخيص أذاى أنا مش فاهم يا ريت حضرتك تشرح السبب أذاى وكيف ولماذا .ولا هو أكتب غلط .وشكرا

4 آلاف رخصة 3 سنين بالتامين 3 سنين بعدة الامان (طفاية/عدة طبية/مثلث)

**a7madramadan** · 27-02-2010 12:59 AM

ده المبلغ الي دفعته لصديق والدي راح خلص كل اجرائات المرور و الفحص و جاب النمر بتاعت العربية و تأمين 3 سنين و ترخيص لمدة 3 سنين و طفاية كبيرة موش على بالي حالا كام كيلو ..+المثلث + عدة الاسعافات ... انا كنت قاعد في بيتي و هوه نزل من الساعة 7 و جالي الساعة 1:40 بالعربية بالنمر بكل حاجة :d دفعناله 4000 جنيه...انا موش فاكر ان كان في فرق كبير كعمولة يعني ... انا معظم اجرائات المرور باخلصها و انا فالبيت ... حتى رخصة القيادة جيبتها و انا في بيتي دفعتله 1000 جنيه جابهالي خلال اسبوع منغير ما ادخل المرور غير بس روحت اتصورت بس و اخدتها بعدها ب 10 دقائق و روحت ولا عملت لا امتحان كمبيوتر ولا عملي... (من مرور ابيس / الاسكندرية) ...

**ahmedemad15** · 27-02-2010 02:59 AM

ياعم وانت فاكر فى حد ممكن يدخل الامتحان وينجح
كله بيقضيها كوسه كوسه
بس فى فرق (فى كوسه وسايط وفى كوسه فلوس)
معظمنا بيخلص كله كوسه وسايط وطبعا بندى اكراميات بتاع 50 الى 100 جنيه
لكن تقلى ان رخصه قياده ب1000 ج يبقى لمواخذه انت اضحك عليك ولا تقلى واسطه ولا كوسه
دا هيا كلها بالكوسه بالاكراميات ب210 جنيه بالكتيييييييييييييييير
وبعدين ربنا يوفقك فى عربيتك دى والجديد مافيش احلى منه