-
اوبترا جديده
السلام عليكم
اعضاء المنتدى المحترمين
انا محمد اخوكم في المنتدى
لسه مستلم النهارده الاوبترا نبيتى مانيول 2010
عايز اسال سؤال لما بدور العربيه في رجه في الفتيس مع الدوراه وبعدين بيروح
هل ده طبيعى ولا عادى
قلقت لما قريت هنا في المنتدى عن رجه الفتيس
اسف علي الاطاله واتشرفت بمعرفتكم
-
الف مبروك
و ربنا يسترلك طريقك و يباركلك فيها و يديك خيرها و يكفيك شرها و شر المرور !!!
بالنسبه لرجه الفتيس هي عند قريبي عادي بترج اول ما بتدور و بعدين تختفي,يتهيالي عادي,استني برده باقي الشباب يفيدوك و ممكن تحط الموضوع ده في الورشه عشان الشباب كلهم يشوفوه و يردو عليك.
الف مبروك مره تانيه.
تقبل تحياتي
محمد حامد
-
هو تقريبا عادي
انا شوفت مواضيع كتير عن رجه في الفتيس و المحرك
و التوكيل يقول عادي
-
السلام عليكم و رحمة الله وبركاته
الف مبروك علي السيارة الجديدة ربنا يديك خيرها و يبعد عنك شرها
انت كده بقيت ابو زمل نفس اللون ومانيوال ونفس رجة الفتيس يبقي ليه عندك فطيرة هههههه
انا مستلم السيارة يوم 11/2 و عندي موضوع رجة الفتيس و انشاء الله حاحجز في التوكيل و اشوف السبب ايه و انشاء الله اقولك علي اللي وصلتلة انشاء الله
والف مبروك مرة تانية
-
مبروك الأوبترا ,, واللون جميل واحسنت الإختيار ,,
-
شكرا علي الردود يا جماعه
بس برضه معرفناش هل ده عيب صناعه ولا ايه
بس علي فكره مش ماثر في سحب العربيه نهائى
-
الف مبروك
ربنا يديك خيرها و يكفيك شرها
-
مبروك يا باشا يديك خيرها ويكفيك شرها وان شاء الله ملاك الاوبترا وخصوصا الاستاذ حسام يفيدوك
-
الف مبروك علينا انضمام اوبتراوى جديد وربنا يباركلك فيها ويكفيك شرها
انا معايا اختها فى اللون ومانوال بردو بس 2009 ومفيهاش اى رجه فى الفتيس بس الموضوع ده بدأنا نسمعه كتير هنا فى المنتدى اليومين دول
يمكن يكون الانتاج الجديد كله كده ؟ مش عارف الحقيقه
-
حضرتك تانى واحد يقول حكاية الرجه دى
الأفضل تروح التوكيل تكشف على الموضوع دا
بس سؤال
الرجه دى بتبقى الصبح بدرى والعربيه بارده ؟ وهل الموتور بيكون بيترج جامد هو كمان ولا لأ ؟
الغرض من سؤالى
ان اوقات فى بعض العربيات لما تيجى تسخن العربيه الصبح وتكون الدنيا برد او البنزين اللى فى التانك مش نضيف او فيه رواسب او نسبة زيت الموتور مش مظبوط
ال 3 اسباب دول ( البرد - البنزين - الزيت ) ممكن تؤدى الى اهتزاز الموتور ( كأنك راكب نصل نقل ) وبالتالى بيرج العربيه كلها جامد وبالتالى الفتيس كمان بيترج
بعد دقيقتين لما العربيه تسخن الهزه بتروح
ياريت تجرب انك تدورها بعد ماتكون سخنت وتشوف هاتعمل ايه ( يعنى مثلا بعد ماتخرج بيها الصبح وتوصل مشوارك بطل العربيه وبعدين دورها تانى وانت واقف وشوف هايحصل ايه )
انا عارف ان الحاجات اللى باقولها دى ممكن ماتكونش السبب بس انا باحاول ادور معاك على السبب وان شاء الله تبقى حاجه بسيطه وماتستاهلش مشوار التوكيل
Content Relevant URLs by
vBSEO 3.6.0 PL2