شويه شغل فى لانسر بومه استعدال اكصدامات وتركيب فرش جلد

من فتره وانا عندى الاكصدام اللى قدام متشلفط من كتر الترييحات والخبطات والزقات لدرجه ان الدهان كان متقشر تماما من منتصفه وغطا الفوج اليمين وقع وعايز يتلحم والاكصدام اللى ورا مريح لتحت لدرجه انك ممكن تدخل ايدك كلها تحت الفانوس

المهم خدت القرار انى اعمل الحاجات دى فى فتره اجازه من الشغل

الاول الاكصدامات كنت متخيل ان الموضوع على قد كليبسات بس لكن بعد ما فكيت اتضح ان الاسلحه اللى ماسكه الاكصدام اللى قدام من الجنبين متكسره ومش نافعه ولو هيركب تانى بيها هيبقى مش مظبوط

اشتريت سلاحين للأكصدام جداد ب 150 جنيه و البلاستيك اللى بيقعد عليه الاكصدام الواحده ب 20 ولحمت الودن اللى بيتربط فيها الصواميل والمسامير كلها علشان كانت مخلعه وكذلك لحمت وش الفوج وكل اللحامات كلفتنى 50 جنيه

الاكصدام اللى ورا كعاده كل البومه القواعد اللى شايلاه بتريح وبعد ما فكيته استعدلتها فى وضعها الطبيعى وتم تركيبه من غير اى تكلفه زياده وبعدين تم تجهيز الاكصدام اللى قدام ورشه

نصيحه اللى عنده الاكصدامات مريحه كدا يعملها وميسكتش عليها علشان كتر اهمالى فيها فتحت معاى مصاريف كتير فى الاخر واتضح انها كانت متماسكه منظر بس لكن من تحت متبهدله

الفرش بقا عملته عن جينز كار اللى عامل عرض فى قسم بروتون هنا , انا مبحبش الجلد بس وبيضايقنى فى الحر فركبت نص الفرش قماش مربعات زى بتاع الفابريكا بالظبط ويعنى يمكن احسن شويه كمان وباقى الكرسى كله جلد , دى الصور

http://img196.imageshack.us/img196/5...0669resize.jpg

http://img706.imageshack.us/img706/827/lancert.jpg

http://img706.imageshack.us/img706/2550/lancer3q.jpg

http://img109.imageshack.us/img109/3508/lancer1.jpg

http://img683.imageshack.us/img683/3151/lancer2z.jpg

http://img85.imageshack.us/img85/7464/lancer4h.jpg

الفرش كان متاح ليه خياطه بألوان مختلفه او اى تعديل احبه بس انا لقيته كدا هادى اظرف

كل الفرش اتكلف 1000 جنيه بعد الفصال الشديد :S_thum1[1]: دى افضل خامه جلد متوفره عند المحل حسب ما اتعرض على العينات وبصراحه التقفيل وجوده الشغل على الحقيقه ولا الفابريكه

( الميه اللى على المسند اللى ورا دى كانت زى ملمع وقت التركيب بس انا كنت قافل المسند وفتحته ساعه التصوير بس فملحقتش تنشف )

مبروك يا باشا وعقبال ما أفرش اللينيا

مشاء الله الشغل جميل جدا جدا .. المحل دة شغله نظيف جدا جدا .. فعلا ولا الفابريكة

ربنا يباركلك فيها ..


و احييك بشدة شديدة -واخد بالك .. شدة شديدة :)- على توقيعك .. فعلا بجد حقيقي عجبني :)

مشاء الله الشغل جميل جدا جدا

ربنا يباركلك فيها

ماشاء الله الشغل روعة ونظيف نظيف جدااا

الف مبروك يا ريس

مبروك على الفرش, وشكرا على نقل تجربتك فى حورا الاكصدمات, اصل انا عندى الاكصدمات فعلا خنقانى و عايز اظبطهم بس كنت ساكت عليهم, معلش ممكن بس تحسبلى تكلفه فك و ظبط و تركيب و رش الاكصدمات عملت كام ! و انت رشيت قدام بس ولا ورا و قدام ؟
شكرا.

اقتباس:

---

المشاركة الأصلية كتبت بواسطة yoko

مبروك يا باشا وعقبال ما أفرش اللينيا

---

الله يكرمك يا ابو حميد وعقبالك عن قريب ان شاء الله , وقت ما تحب قولى ونروح مع بعض هظبطك معاهم

اقتباس:

---

المشاركة الأصلية كتبت بواسطة kareemhisham

مشاء الله الشغل جميل جدا جدا .. المحل دة شغله نظيف جدا جدا .. فعلا ولا الفابريكة

ربنا يباركلك فيها ..


و احييك بشدة شديدة -واخد بالك .. شدة شديدة :)- على توقيعك .. فعلا بجد حقيقي عجبني :)

---

كريم بيه , الله يكرمك وفعلا الناس شغلها مفيهوش غلطه بصراحه واسلوبهم رائع فى التعامل

وسعيد جدا جدادا بقا - واخد بالك - جدا جدادا على ان التوقيع عجبك , اصلى مؤمن قوى ان 70% من النجاح فى الصغر

اقتباس:

---

المشاركة الأصلية كتبت بواسطة aftam

ما شاء الله الشغل جميل جدا جدا

ربنا يباركلك فيها

---

الله يباركلك يا باشا وشكرا على ردك

اقتباس:

---

المشاركة الأصلية كتبت بواسطة ahmed2000

ماشاء الله الشغل روعة ونظيف نظيف جدااا

الف مبروك يا ريس

---

الله يبارك فيك با استاذ احمد

اقتباس:

---

المشاركة الأصلية كتبت بواسطة nfs

مبروك على الفرش, وشكرا على نقل تجربتك فى حورا الاكصدمات, اصل انا عندى الاكصدمات فعلا خنقانى و عايز اظبطهم بس كنت ساكت عليهم, معلش ممكن بس تحسبلى تكلفه فك و ظبط و تركيب و رش الاكصدمات عملت كام ! و انت رشيت قدام بس ولا ورا و قدام ؟
شكرا.

---

الله يبارك فيك يا باشا , الاكصدامات كان ظاهريا تبدو ان الامامى محتاج رش والخلفى محتاج يترفع فوق بس لكن لما فكيتهم طلع الدنيا تحت ملعبكه قدام

انا اللى قدام كنت واخد فيه خبطتين محترمين قوى يعنى ومع انهم مش داخلين لجوا ولا حاجه بس كان الدهان واقع منه فى كذا حته

الفك والتركيب بس السمكرى هياخد فيه مش اقل من 100 , الاكصدام اللى قدام لو فكيته لازم هتغير فيه البلاستيك اللى هو قاعد عليه لأن بيبقا غالبا ضعف او اتشرخ او اتكسر وده الواحده بعشرين وهتجيب اثنين

وبعدين لو احتجت هتجيب السلاحين اللى شايلينه من فوق ورابطينه فى العربيه ودول بيعملو 150 جنيه , غير كدا بقا اجره ايد بتاع الفايبر اللى هيلحملك الودن اللى مكسره او خلافه

انا رشيت اللى قدام بس وكلفنى رش 200 جنيه ولو كان اللى ورا رشيته كان هيبقى نفس التكلفه بس كان حالته نضيفه فسيبته

إن شاء الله وإحتمال أروح بكره (هكلمك لو رايح)

اقتباس:

---

المشاركة الأصلية كتبت بواسطة yoko

إن شاء الله وإحتمال أروح بكره (هكلمك لو رايح)

---

تمام لو رايح بكره كلمنى

اقتباس:

---

المشاركة الأصلية كتبت بواسطة Ahmed0Nouh

الله يبارك فيك يا باشا , الاكصدامات كان ظاهريا تبدو ان الامامى محتاج رش والخلفى محتاج يترفع فوق بس لكن لما فكيتهم طلع الدنيا تحت ملعبكه قدام

انا اللى قدام كنت واخد فيه خبطتين محترمين قوى يعنى ومع انهم مش داخلين لجوا ولا حاجه بس كان الدهان واقع منه فى كذا حته

الفك والتركيب بس السمكرى هياخد فيه مش اقل من 100 , الاكصدام اللى قدام لو فكيته لازم هتغير فيه البلاستيك اللى هو قاعد عليه لأن بيبقا غالبا ضعف او اتشرخ او اتكسر وده الواحده بعشرين وهتجيب اثنين

وبعدين لو احتجت هتجيب السلاحين اللى شايلينه من فوق ورابطينه فى العربيه ودول بيعملو 150 جنيه , غير كدا بقا اجره ايد بتاع الفايبر اللى هيلحملك الودن اللى مكسره او خلافه

انا رشيت اللى قدام بس وكلفنى رش 200 جنيه ولو كان اللى ورا رشيته كان هيبقى نفس التكلفه بس كان حالته نضيفه فسيبته

---

شكرا

ماشاء الله الف مبروك يا استاذ احمد

الفرش شكله شيك والشغل النضيف باين

الف مبروك شغل جميل

الف مبروك على الفرش فعلا شكله تحفه

ماشاء الله ألف مبروك ع الفرش الجديد
‏"موش عارف توقيع حضرتك بيقرأ إللي ف دماغي إزاي? بس الحمد لله الناس قايمين معايا بواجب التحطيم وموش عارف أبتدي منين!"

مبروك ياجميل

ربنا يبارك لك فيه..جميل بجد


والمحل الي انت عامل عنده ..اشهر من ناااااار على علم
في اعضاء كتير عملوا عنده

ما شاء الله جميل قوي ... ربنان يباركلك في الفرش. و يطول في عمره معاك .

شيك اوي الفرش ربنا يباركلك فيها

الف مبروك يا باشا شغل جميل جدااااااا

الفرش شكلة شيك

الف مبروك يا باشا ووالله مواضيعك بتجيب من الآخر دايماً (من ايام الديفيدي وانا متابع :C_laugh[1]: )

يا ريت تقولي عملت الاكصدامات فين عشان عندي الاكصدام الخلفي واقع ودهانه متقشر ومعرفش سمكريه كويسين وكان في واحد عملهولي بمسمار وصدى وبقى شكله مقرف
بالنسبه للفرش جينز كار ملهومش حل في التعامل مع الناس والنضافه في الشغل

ما شاء الله
ربنا يباركلك فيها و يكفيك شرها

بس ممكن اعرف فين جينز كار ده

الف مبروك يا زعيم
الفرش عندي نفس لون القماش اللي حضرتك ركبتو مع الجلد ونفس لون فرش الابواب
وكنت عايز اركب فرش جلد فوق الفرش الاصلي وعايز اغير اللون للون تاني بس محتار في اللون اللي يمشي مع لون فرش الابواب تنصحوني بايه
وايه رايكم في اللون الجلد الاورانج فاتح ؟ ولا مينفعش

بالنسبة للاكصدامات
عندي الاكصدام الخلفي مريح .. ممكن اعملو بنفسي وايه هي الادوات اللي استخدمها

اقتباس:

---

المشاركة الأصلية كتبت بواسطة Hosam_Optrawy

ماشاء الله الف مبروك يا استاذ احمد

الفرش شكله شيك والشغل النضيف باين

---

اقتباس:

---

المشاركة الأصلية كتبت بواسطة MAZMAZ

الف مبروك شغل جميل

---

اقتباس:

---

المشاركة الأصلية كتبت بواسطة turch

الف مبروك على الفرش فعلا شكله تحفه

---

اقتباس:

---

المشاركة الأصلية كتبت بواسطة A7MED_PHARMA

مبروك ياجميل

ربنا يبارك لك فيه..جميل بجد


والمحل الي انت عامل عنده ..اشهر من ناااااار على علم
في اعضاء كتير عملوا عنده

---

اقتباس:

---

المشاركة الأصلية كتبت بواسطة mgasser

ما شاء الله جميل قوي ... ربنان يباركلك في الفرش. و يطول في عمره معاك .

---

اقتباس:

---

المشاركة الأصلية كتبت بواسطة Kareem Khattab

شيك اوي الفرش ربنا يباركلك فيها

---

اقتباس:

---

المشاركة الأصلية كتبت بواسطة frankshtin000

الف مبروك يا باشا شغل جميل جدااااااا

---

اقتباس:

---

المشاركة الأصلية كتبت بواسطة tigernet

الفرش شكلة شيك

---

ربنا يبارك فيكم جميعا وشكرا على ردودكم الجميله وتشريفكم الموضوع

اقتباس:

---

المشاركة الأصلية كتبت بواسطة Xander2010_Evo

ماشاء الله ألف مبروك ع الفرش الجديد
‏"موش عارف توقيع حضرتك بيقرأ إللي ف دماغي إزاي? بس الحمد لله الناس قايمين معايا بواجب التحطيم وموش عارف أبتدي منين!"

---

الله يبارك فيك يا باشا , عايز تنجح ؟ متبصش على الناس وكمل فى الطريق اللى بتحبه طالما انك واثق وشايف انك عمليا وفعلا مش مجرد غرور انك قوى فى مجالك

انا قعدت اربع سنين بحاول فى المجال اللى بحبه وانا مش عارف اساسا هدخل الطريق اللى انا بحبه ازاى وفى يوم وليله لقيت نفسى فى قلب الحلم بسبب اجتهادى الفتره دى كلها فى الوصول , طور من نفسك وطول ما انت شايف انك صح متحسبش الوقت اللى بيضيع وصدقنى احيانا هتبقى بتحاول بشكل مش عملى بس هو ده اللى هيوصلك المهم انك تبقى مؤمن بنفسك

اقتباس:

---

المشاركة الأصلية كتبت بواسطة Mostafa_Elhussain

الف مبروك يا باشا ووالله مواضيعك بتجيب من الآخر دايماً (من ايام الديفيدي وانا متابع :C_laugh[1]: )

يا ريت تقولي عملت الاكصدامات فين عشان عندي الاكصدام الخلفي واقع ودهانه متقشر ومعرفش سمكريه كويسين وكان في واحد عملهولي بمسمار وصدى وبقى شكله مقرف
بالنسبه للفرش جينز كار ملهومش حل في التعامل مع الناس والنضافه في الشغل

---

اوعى تقولى انك البشمهندس مصطفى safeeagent

مش هرد عليك الا لما تقولى انت مين :ma:

اقتباس:

---

المشاركة الأصلية كتبت بواسطة Ahmed Assem

ما شاء الله
ربنا يباركلك فيها و يكفيك شرها

بس ممكن اعرف فين جينز كار ده

---

الله يبارك فيك يا استاذ احمد , هو فى مدينه نصر ودى خريطه للمكان

http://img691.imageshack.us/img691/7995/mapd.jpg

معلش هى بدائيه شويه بس اهى تنفع , انت خليك مع البرتقالى الموازى للشوارع وهو يوصلك

لو جاى من عباس العقاد وطالع فى اتجاه مصطفى النحاس يبقى يمين الشارع اللى فى وش جاد اللى هو يعتبر اخر شارع يمين قبل مصطفى النحاس وبعدين ادخل فى اول تقاطع يقابلك بعد الشارع شمال فى اول يمين اللى هو محمد يوسف موسى لأخره وبعدين يمين اللى هو اجبارى فى اول يمين هتلاقى المحل على يمينك على طول

وطبعا لو جاى من حسنين هيكل هتدخل من جنب جاد وتلف اليوتيرن من عباس وتدخل تكمل باقى الوصفه

لو جاى من الطيران او يوسف عباس او الشارع اللى فى وش المنصه هتدخل من جنب منطقه الازهر التعليميه وبعدين يمين فى شارع الطيران وبعدين ثالث يوتيرن شمال هتلاقى شارع فى وشه تدخله وتعدى اول تقاطع هتلاقى المحل على يمينك

اقتباس:

---

المشاركة الأصلية كتبت بواسطة skybird

الف مبروك يا زعيم
الفرش عندي نفس لون القماش اللي حضرتك ركبتو مع الجلد ونفس لون فرش الابواب
وكنت عايز اركب فرش جلد فوق الفرش الاصلي وعايز اغير اللون للون تاني بس محتار في اللون اللي يمشي مع لون فرش الابواب تنصحوني بايه
وايه رايكم في اللون الجلد الاورانج فاتح ؟ ولا مينفعش

بالنسبة للاكصدامات
عندي الاكصدام الخلفي مريح .. ممكن اعملو بنفسي وايه هي الادوات اللي استخدمها

---

الله يبارك فيك يا باشا , على فكره انا برده الفرش عندى كان هو الخامه اللى فى النص دى وعلشان كدا ركبتها تانى فى الفرش الجديد ولكن تقدر طبعا تغيرها زى ما تحب من الخامات اللى موجوده , هو الجلد اللى هتلاقى الوانه محدوده شويه بس كنت سمعت انهم جابو خامات والون جديده

ولو فى لون فى دماغك هو هتلاقى فى صور عنده هناك ممكن يوريهالك وتقيم انت ايه اللى يليق , بس بشكل عام العربيه يحكم لون فرشها الداخلى لونها الخارجى بجانب لون التابلوه والابواب وغالبا كل الوان البومه وشكلها من جوا مش هيليق عليها الاورنج , اللى شوفته وكان تحفه كان الاحمر على عرببه نبيتى لكن مشوفتش قبل كدا بومه بلون فاتح , على العموم حاول تقارن العينات قبل ما تفصل بالعربيه وانت جواها وتخيل هيبقى الوضع ايه بس بلاش تغامر قوى لحسن بعد التركيب ميعجبكش وتبقى متضايق منه كل ما تركب العربيه

الاكصدامات صعب انك تعملها بنفسك لأن فكها وتركيبها شغلانه بجانب ان الاكصدام اللى ورا بيريح من القواعد الصاج اللى هو واقف عليها ودى بتحتاج تترد لوضعها الطبيعى تانى

على العموم هو بيتفك كالاتى , تفك كارتيرات العجل الخلفى وبعدين تفك الفوانيس الاول وبعدين تفتح الشنطه وتفك الفبر اللى على حرف الشنطه من مسامير من تحت الاول وبعدين تشده لبرا من كليبساته براحه , وبعدين هتلاقى فى كليبسات فى الشنطه من تحت دى اللى متعلق عليها الاكصدام تفكها ويبقى كدا الاكصدام حر وبيترد الجزء اللى راكب عليه الاكصدام ويتركب تانى لو سليم ومش محتاج لحامات

ماشاء الله ربنا يباركلك يا استاذ احمد

اقتباس:

---

اوعى تقولى انك البشمهندس مصطفى safeeagent

مش هرد عليك الا لما تقولى انت مين

---

ايوه :w6266d
والله واحشني ايامك وايام الاستاذ احمد الحداد وكل ما اخش على الديفيدي افتكركم :stink[1]:
رد بقى :shine[1]:

اقتباس:

---

المشاركة الأصلية كتبت بواسطة KSA2011

ماشاء الله ربنا يباركلك يا استاذ احمد

---

الله يبارك فيك يا دكتور

اقتباس:

---

المشاركة الأصلية كتبت بواسطة Mostafa_Elhussain

ايوه :w6266d
والله واحشني ايامك وايام الاستاذ احمد الحداد وكل ما اخش على الديفيدي افتكركم :stink[1]:
رد بقى :shine[1]:

---

وانت اكتر والله يا بشمهندس , الله يرحمها ايام بقا راحت علينا خلاص :star1:

اقولك بقا عملته فين , شايف الاعلان اللى فوق على اليمين اللى اسمه العقيد , هو ده يا سيدى

:: نــايــل مــوتــورز:: - :: NileMotors.net ::

عند سياده العقيد خالد واشهد انه شغل رائع رائع رائع بعيد عن اى مجاملات والسعر كان تحفه بصراحه مقارنه بالاسعار اللى سمعتها برا فى الشغل ده

اقتباس:

---

المشاركة الأصلية كتبت بواسطة Ahmed0Nouh

الله يبارك فيك يا دكتور



وانت اكتر والله يا بشمهندس , الله يرحمها ايام بقا راحت علينا خلاص :star1:

اقولك بقا عملته فين , شايف الاعلان اللى فوق على اليمين اللى اسمه العقيد , هو ده يا سيدى

:: نــايــل مــوتــورز:: - :: NileMotors.net ::

عند سياده العقيد خالد واشهد انه شغل رائع رائع رائع بعيد عن اى مجاملات والسعر كان تحفه بصراحه مقارنه بالاسعار اللى سمعتها برا فى الشغل ده

---

الف شكر يا باشا
وان شاء الله لما افضى بعد عمر طويل :majd(4): هبقى اروح
بالمناسبه مش عايز تعملنا مسابقه كده واخش اكسب كل الجوايز :star1:

ما شاء الله الفرش حلو وهادى