عايز اشترى لاب توب اجيب اية؟؟

**elrasy** · 28-12-2007 01:09 AM

عايز اشترى لاب توب اجيب اية؟؟

عايز لاب توب ينفعنى فى شغلى تنصحونى اجيب اية؟؟

-انا عايزة فى حدود من 4000 الى 5000
-انا اغلب استخدماتى عادية , يعنى انترنت و اوفيس و فيديو ,, مفيش شغل جرافيك والكلام الكبير كدة:).
-وياريت يكون الشحن بتاعة بيطول علشان انا اغلب شغلى خارج المكتب.

واشكركم مقدما,,

**modux** · 28-12-2007 02:02 AM

الايسر هيكون تختيار موفق

اما لو البدجد بتاعك اكبر اعمل زيي

هات ديل 1520
ب 8000

تحفة

**Karim_Monir** · 28-12-2007 02:10 AM

احتياجاتك دي بنتيم 3 يكفيها
بس نتكلم بكلام منطقي
انت عايز حجم كويس وبطارية محترمة ووزن خفيف ما يتعبكش في التحرك
hp530 في منه موديلين
سليرون ب 3 وشوية و سنترينو ب 4 وشوية
الجهاز ده ب 4200 وانا طبعا بتكلم عن السنترينو ضمان سنة شاشة 15.4 كريستال الجديدة
بطايرة 6 خلية متوسط شغل عادي من ساعتين الى ساعتين ونص ومش هاتلاقي اكتر الا لو لقيت بطارية 8 خلية او 10
دفيدي وهارد 8- وواي فاي وكل حاجة ما عدا بلوتوث
الجهاز ده 512 رام اول ما تجيبة وقبل ما تستلمة ترفعه ل واحد جيجا ومش هايكلفك اكتر من 175 زيادة بس فرق جامد
ولو عايز مساعدة في اماكن الشراء كلمني وادلك
كريم
0101263030

**Ahmed Samy** · 28-12-2007 05:20 AM

توشيبا
الأجهزة دي روعة
انا بتاعى الحمد لله تماام

**محمد عز** · 28-12-2007 12:37 PM

على فكره انا معايا ايسر Aspire 5584 وهو intel core 2 due وبقاله معايا حوالى 9 شهور وشغال كويس جدا وفيه اوبشن كويسه جدا زى البلوتوث والواى فاى والكاميرا المدمجه وبيشغل الدى فى دى وسعره معقول بس البطاريه مش بتقعد غير حوالى 90 دقيقة
لكن لو عاوز لاب توب والبطاريه بتاعته بتقعد كتير ييبقى dell على فكره انا كان معايا قبل الايسر ديل بيتانيوم 3 وكان حمار شغل

**ehab** · 28-12-2007 02:35 PM

اسمحلي اقولك حاجة عن موضوع اللاب توب انا عندي واحد toshiba المهم في حاجة لازم حضرتك تأخد بالك منها ان اي لاب توب عليه ويندوز vista استهلاكوا بيكون اعلي شوية في البطارية و لو حضرتك عملت بحث علي النت هتتأكد الحكاية دي انا كنت نزلت برنامج جاي من السي دي الي معاه بيحل المشكلة دي نسبيا بس مش بيزيد عن 3 ساعات .و شكرا

**amrrashed** · 28-12-2007 10:38 PM

الايسر كويس البطارية بتاعته تعبانة مع ان معايا ايسر ....الديل ممتاز والبطارية بتاعته ممتازة بس الصيانة وحشة
توشيبا صيانة كويسة بس مش عارف ايه نظام البطارية اعتقد كويسة،
اعتقد كريم منير باشا ممكن يفيدك اكتر واحد فى القصة دى... وابقى قولنا عملت ايه

**Ahmed Anwer** · 28-12-2007 10:49 PM

الأنواع كتير ،،

بس انصحك بحاجة ظريفة ،،

هات واحد شاشته 12بوصة

بيكون شيك و ظريف و خفيف و متميز ، احسن من ال 15 و ال 14 بوصة ،،الضخام

حتي لو لاحظت كل ما اللاب توب بيصغر كل ما سعره بيغلي ،،

انا معايا حاليا سيمنس ،، كويس بس ضعيف و اي خبطة في الفيبر بتعلم ، و بطاريته مبتقعدش كتير ،

و كان معايا قابليه IBM انضف من السيمنس يكتير و حمال اسيه فعلآ بس مش شيك ، لو Leonovo نفس المستوي يبقي ممتاز

عموما انا وجهة نظري الحجم اهم حاجة في اللاب توب و كل ما صغر حجمه قل كل ما حقق الغرض منه ، عشان كده اعتقد حجم ال 12 بوصة هوا المناسب ،،

**elrasy** · 28-12-2007 11:27 PM

اشكر كل اخوانى على الردود والاهتمام,,,هفكر وابقى اقولك ناوى على اية, بس اسمحولى لو افتكرت اى سؤال ابعتلكم,,,,,,:o

الموضوع: عايز اشترى لاب توب اجيب اية؟؟

LinkBack

أدوات الموضوع

عرض

عايز اشترى لاب توب اجيب اية؟؟ - انشر الموضوع فى :

-

-

-

-

المواضيع المتشابهه

عايز اشترى عربيه عائليه ومش عارف اجيب ايه ساعدونى لو سمحتم

عايز اشترى لوجان وعايز اعرف من السادة الملاك احسن مكان اشترى منه

انا عايز اشترى عربيه صغيره ومش عارف اشترى اسبارك ولا سوزوكى سيلاريو

عايز اشترى كارت ميمورى و محتار اجيب ايه ؟؟؟؟

لو سمحتو عايز اشترى تلاجه اجيب نوع ايه ؟

الكلمات الدلالية لهذا الموضوع

المفضلات

المفضلات

ضوابط المشاركة