حد يساعدني في اختيار عربية

**amir2020** · 23-02-2010 02:17 AM

يا جماعة انا محتار عايز اشتري عربية في حدود من 80 ل90 الف وانا اول مرة اشتري عربية ومش عارف اختار بس يهمني جدا الثبات والامان وتكون عربية تعيش لاني مش ناوي اغير بسرعة بصراحة انا محتار بين الصني الاتوماتيك والفيات جراند بونتو الاتوماتيك والبروتون جين تو ولو حد شايف ان في حاجة تانية انسب يقولي. ارجو الرد للاهمية وجزاكم الله خيرا

**M.Osman** · 23-02-2010 02:29 AM

بصراحة لو مكانك هشتري بروتون جين-تو من غير تفكير كتير

ثبات - أمان - محرك محترم - توكيل كويس و بيتحسن - كل الناس بتشكر فيها و ادخل قسم بروتون و شوف

**a7mode** · 23-02-2010 03:10 AM

انا لو مكانك بردو حشترى جين2 بدون تفكير .. ربنا يوفقك يا باشا

**amir2020** · 23-02-2010 03:18 AM

يا جماعة ياريت تردوا عليا بالتفصيل شوية ويكون كلام اكيد وعن معلومات اكيدة وخبرة الله يخليكوا

**mahmoud_magdy** · 23-02-2010 04:28 AM

انا مش هرشحلك عربيه معينه انا معايا جين2 والحمد لله مريحاني
ممكن حضرتك تشوف البيرسونا (نفس شكل الجين2 بس بشنطه)
والاتنين في منهم اوتوماتيك وطبعا اريح كتير من المانيوال خصوصا في الزحمه
ربنا يدلك على اللي فيه الخير ان شاء الله
ادخل كدا على الاقسام واتعرف اكتر على العربيه من خلال ملاكها وان شاء الله هتوصل لنتيجه ومتستعجلش
وياريت يكون عندك اتقان للسواقه قبل ما تجيب عربيه جديد
لو لسه هتتعلم يبقى خليك في حاجه مستعمله كدا تخبط في براحتك وتاخد خبره وبعد كدا هات جديد

واي اسأله تحت امرك

المشاركة الأصلية كتبت بواسطة lambo100

kalam msh mazbooot ... mn aswa2222 el 3arabiat feee masr proton dee ..el safety feha zebalaaa 3arabia wara222 mn el akherrrr..eb3ed 3anhaaa khalis

hat BMW 318 most3malaa

عندك حق بروتون ماركه وحشه جدا والامان فيها زباله

( حضرتك ركبتها مش كده؟؟)

ربنا ما يوعدك بيها ولا يخليك تركبها قادر يا كريم

**amir2020** · 23-02-2010 04:35 AM

اولا شكرا علي الرد
ممكن تديني رايك هي افضل ولا الصني وهل فعلا الصاج بتاعها قوي ولا لا يعني هل هي عربية تعيش وتستحمل لان صراحة دي هاتبقي اول عربية اركبها والافضل الجين 2 ولا البيرسونا

**powerofhelll** · 23-02-2010 05:37 AM

المشاركة الأصلية كتبت بواسطة lambo100

kalam msh mazbooot ... mn aswa2222 el 3arabiat feee masr proton dee ..el safety feha zebalaaa 3arabia wara222 mn el akherrrr..eb3ed 3anhaaa khalis

hat BMW 318 most3malaa

فعلا انا من الموافقين علي رايك جدا جدا بدليل انتي اشتريت عربيه بروتن ساجا
سيبك من الي بيبني اراء من غير ميشوف عربيه او يسمع عنها
من افضل العربيات في الفئه بتاعت 90 الجين 2 و البرسونا و الواجا امان و ثبات و موتور قوي وطبعا الكماليات اكتر بكتير من اي عربيه تانيه
الموتور 1600 cc
110 حصان 148 نيوتن
تطوير شركه لوتس الانجليزيه
فرامل abs-ebd
عفشه بتطوير لوتس
طبعا الكماليات (باور - سنتر - انزار - حساسات ركن خلفيه - شبوره خلفي و امامي - قفل اطفال-التحكم في ارتفاع كرسي السائق -كمبيوتر رحلات -4 زجاج كهرباء- عجلت قياده قابله للتعديل - طاره مالتي فانكشن -2 اير باج-امبليزر - مريات كهربائيه - حامل اكواب -جنوط اسبور 15 انش - كاست سي دي 4 سماعات-زيادت مساحة الشنطه )
متوسط استهلاك البنزين 7.2 لتر 100 كيلو متر

**mahmoud_magdy** · 23-02-2010 05:38 AM

مش هقدر اقولك مين احسن برغم اني معايا العربيه (جين2)
لكن انا معرفش كتير عن الصني لكن من خلال معرفتي بمن يمتلكون الصني فهي عربيه كويسه
القول الفاصل هنا هو رأي حضرتك
لازم تدخل على كل قسم وتقرأ مشاركات الملاك وتعرف ارائهم بالطريقه دي الصوره هتكون واضحه لحضرتك
ادخل على اهم موضوعات القسم واقرأ المشاركات
واعرف اعطال العربيتين ومشاكلهم

الفرق بين الجين2 والبرسونا الشنطه والوسع الداخلي بسيط
هما نفس الشكل مفيش اختلاف يذكر غير الشبكه الاماميه فقط
طبعا حسب احتياج حضرتك للشنطه والوسع البسيط اوي بين الاتنين
وبرده ادخل القسم واقرأ مشاركات الاعضاء
ربنا يدلك على اللي فيه الخير

بعد ما تقرأ المشاركات واراء الاعضاء وتسألهم هتقدر توصل لنتيجه ان شاء الله
اقرأ بس انت ومتستعجلش وخير ان شاء الله

واخيرا قرارك لازم يكون نابع منك وعن اقتناع ودراسه
ورأي الاخرين ما هو الا وسيله للمساعده انك توصل لقرار فقط

**raedegypt** · 23-02-2010 06:02 AM

اركب هيونداى النترا افضل من الصنى بس ذود شويه تركبها اتوماتيك والحق العرض قبل نهايه الشهر. قطع غيار متوفرة للهيونداى وماركه منتشرة فى كل الدنيا واى حد فى بلدك يصلحها ومراكز خدمه متوفرة