للأسف النيو اكسنت سبورت بقي شكلها وحش جداً جداً
عرض للطباعة
للأسف النيو اكسنت سبورت بقي شكلها وحش جداً جداً
تتفوق الجين 2 فى كل الاوجه ما عدا
التقفيل فتقفيل النيو اكسنت افضل
والتوكيل فبالرغم من ان توكيل غبور توكيل سى ء الا أنى ما سمعتش عن توكيل اسوء من عز العرب وربنا يسهمل
اسعار قطع الغيار فى صالح الاكسنت الى حد كبير
بس الجين بدأت تنتشر بصوره كبيره وده هيخلى قطع غيارها تنتشر اكتر واسعارها ترخص
أنا سامع أن توكيل عز العرب بدأ يظبط نفسه شويه
متابعه و باهتمام.... مش عاوزه ااقولكم...بعمل رفريش للصفحة كل قد ايه....
مشتكره جدا على ردودكم....
بس لسه بروح من اليمين للشمال و من الشمال لليمين
اعامل ايه؟؟؟:majd(4):
I think that the accent is good, but the Gen2 is better,
But lets look to it from another angle,
1- resell value, sure Huyndai
2- Operating cost, sure Huyndai
3- expensive agent and spare parts, Abou Ghaly is a very expensive and ireliable agent,I have a couple of my friends that sold the Gen2 because of Abou Ghaly,
Compared to Ghabour,
agents are everywhere
But in fact, the Gen 2 is a very good car,
I like it a lot....
Wallaho a3lam
Thank You
Cheers
كل عربيه ليها مميزات وعيوب
لو فارق معاكى الكماليات وعوامل الامان وقوة الموتور وثبات العربيه وشكل رياضى يبقى اظن ان الجين كافتها مرجحه اكتر
النيو اكسنت ... قطع غيارها متوفره برا اكتر من بروتون
التوكيل انا واحد بتعامل مع عز العرب ... وانا شايف انه توكيل متوسط بيسعى للتغيير للافضل
واعادة الشراء كل العربيات بتخسر فى تمنها وبعد سنتين تلاته كله بيكون زى بعضه ... ودلوقتى الجين 2 بتتباع فى وقت قصير لان ناس كتيره بقيت تقتنع بيها
ولو فى اى استفســـار فى الجين2 انا تحت امرك
وربنا يوفقك للاختيــار الخيــر -ان شاء الله-
تحيـــــــــــــــــــاتـ ـــىhttp://i122.photobucket.com/albums/o.../th_eclown.gif
انا كنت في نفس الحيره ده والحمد لله اخترت الاكسنت سبورت اتوماتيك للاسباب ده
1- سعر قطع الغيار المعقول وتوفرها
2- العزل بتاعها جيد جدا والتقفيل حلو
3- صوت الموتور هادي
4- اداء موتور قوي والعربية ككل ممتازه ما شاء الله عليها
والشكل الجديد عاجبني اكتر من القديم كتير واللون الفضي فيها تحفه والاسود برضو حلو بس عشان التنظيف بعدت عنو وخليتني في الفضي
الي بعدني عن البروتون
عيوب التقفيل المنتشره فيها
عدم انتشار قطع الغيار
صوت الموتور العالي
سعر اعادة البيع
وكل واحد على حسب احتياجاتو برضو استخير ربنا وان شاء الله خير :verygood:
السلام عليكم و رحمة الله و بركاته
اولاعن زيادة السعر ده مش حيحصل لان الكيا ريو سبورت اوتوماتيك ب87000 جنيه وطبعا توكيل كيا افضل و خمس سنوات فطبعا مش حيقدر يبقي اغلي منها
ثانيا الشكل الجديد ميفرقش عن القديم اي حاجة تذكر و نصيحة خليكي في الشكل القديم ب 81900
بالنسبة لاحتاجاتيك هل تفرق معاكي الشد و التسارع و الثبات و السفر الكتير فلو يفرق بيقي خليكي في الجين وهي سيارة محترمة جدا
لو استخدامات حضرتك داخل المدينة و سواقتك هادية يبقي الاكسنت افضل لانها موفرة في البنزين وقطع غيارها متوفرة اكتر و توكيلها علي رغم عيوبه اقوي واكبر وافضل من عز العرب اللي بيفشل اي عربية محترمة يكون هو وكيلها اسألي عنه اصحاب السيتروين
وربنا يوفقك ولا تنسي الاستخارة
انا هقارنلك مقارنة توضيحية من كتالوج العربيتين (الأكسنت والبروتون) من حيث:
1. قوة الموتور
2. الثبات
3. عوامل الأمان
4. الكماليات
5. السعر حسب كونتاكت كارز فى 24/2/2010
6. رأيى الشخصى
1. قوة الموتور:
وهى مرتبطة بالقدرة والعزم الخاص بكل موتور كالتالى
قدرة الموتور:
البروتون 110 حصان / 6500 لفة
الأكسنت 112 حصان / 6000 لفة
عزم الموتور:
البروتون 148 نيوتن.م/4000 لفة
الأكسنت 145.3/4500 لفة
معنى كدة ان قدرة موتور الأكسنت اعلى نسبيا عند 6000 لفة لكن عزم البروتون اكبر يكتيير عند 4000 لفة وده معناه ان الإتنين عربيات حمولة جدا فى السفر (اعتمادا ع القدرة) لكن الشد والتسارع فى البيروتون اعلى بكتير اعتمادا على العزم
2. الثبات فى رايى مرتبط بعاملين هما الوزن وقاعدة العجلات:
الوزن:
البروتون: 1220 كجم
الأكسنت: 1080 كجم
قاعدة العجلات:
البروتون: 2600 مم
الأكسنت: 2500 مم
معنى كدة ان من الوزن والثبات هتلاقى ان البروتون وزنها أعلى وقاعدة عجلاتها اكبر وده اللى بيديها ثبات عالى جدا
3. وسائل الأمان:
البروتون: 2 وسادة هوائية - abs - ebd
الأكسنت: فاضية
معنى كدة ان البروتون اعلى بكتير فى وسائل الأمان من الأكسنت ودى حاجة ليها تمن فى انك تبقى راكبة عربية وانتى حاسة بأن فيها وسائل امان مش توك توك والأوروبيين اكتر حاجة بيهتموا بيها فى سياراتهم هى امان اللى راكبين بصرف النظر عن الكماليات الفارغة اللى بيملا بيها الكوريين والصينيين عربياتهم ع الفاضى
4. الكماليات الأساسية:
البروتون: جهاز انذار - تكييف - باور هيدروليك - 4 زجاج كهرباء - سنتر لوك - ريموت كنترول - راديو cd, mp3 - سماعات - بارك سنسور خلفى - مصابيح صباب امامية وخلفية - سبويلر خلفى
الأكسنت: مفيش جهاز انذار - تكييف - باور - 4 زجاج كهرباء - سنتر لوك - ريموت - راديو cd بس - سماعات - مفيش بارك سنسور خلفى - مفيش مصابيح ضباب - مفيش سبويلر خلفى
5. السعر فى كونتاكت كارز يوم 24/2/2010
البروتون: 90900 اوتوماتيك
الأكسنت: 81900 اوتوماتيك
6. رأيى الشخصى:
البروتون افضل من كل النواحى ما عدا توفر قطع الغيار برة التوكيل ودى مشكلة بتواجه اللى بيجيبها من برة القاهرة والأسكندرية لكن لو ماكنش ده مشكلة بالنسبالك اعتقد ان البروتون هتبقى صفقة محترمة جدا للقيمة مقابل النقود
متهيألى برضه ممكن تفكرى فى البروتون الساجا 68900 - 1300 سى سى - اوتوماتيك لو عاوزة سعر اقل شوية وهى عربية امكانياتها حلوة جدا كقيمة مقابل النقود وفيها وسائل امان برضه
ولو وصلتى بتفكيرك للتسعينات ممكن تزودى شوية وتجيبى نيسان صنى سوبر صالون 100000ج عربية تحفة وأسد ولاتقارن فى وسائل الأمان والرفاهية وكونها يابانى مع ار عربية كورى سواء هيونداى او كيا او شيفروليه
وربنا يوفقك وبتمنى اكون قدرت افيدك
ممنوع استخدام اللون الأحمر فى الكتابه
مشرف القسم