تحفة متحركة في صلاح سالم-كريم منير

إمبارح ماشي في صلاح سالم جنب سور الكلية الحربية رايح على مصر الجديدة والطريق كان واقف
لقيت على شمالي عربية غريبة شوية
ولما كريم يقول عربية غريبة يبقى اكيد ماعرفش يحدد نوعها بسهولة
طبعا وقفت الشارع وكسرت على اللي وراها عشان ارشق وراها لاني كنت عرفت من الجنب بتاعها هيا ايه بس كنت بشكك في نفسي لان ماركة واحدة بس في العالم اللي بتحط العلامة بتاعتها على القايم الخلفي بس ما صدقتش ان العربية اللي ماشية قدامي دي مازيراتي
ايون مازيراتي في شوارع القاهرة صدق او لا تصدق منظر العربية تحفة ولونها حكاية
منظر الاربع فتحات شكمان غير عادي بجد عربية لا تتخيلوها اعتقد ان جنوطها كانت اكبر من 18 بوصة اعتقد كانت 20 بوصة - وعرض لا يقل عن 235 ان ماكنش اعرض
التابلوة بقى اوووووف
انا فعلا وقفت صلاح سالم وانا عمال اجي حواليها يمين وشمال مش متخيل اني ممكن اشوف
مازيراتى Quattroporte Sport GTS في شوارع المحروسة
طبعا ماقدرتش اصور العربية لاني كنت مبهور بيها بس جيبتلكم شوية صور عنها
وشوية معلومات على الماشي
العربية 8 سلندر - 4200 سي سي بنزين - 32 صمام -400 حصان
بتجيب من صفر ل 100 في 5.2 ثانية بناقل اتوماتيك ودفع خلفى
اخر حاجة سعرها برة حوالي 90 الف دولار
الحمد لله انها مش عندي
جرررررررررررررررر

مش حلوة ... شبه البريليانس كدة :P

lol just kidding

يعني علي كدة الموستاج الجي تي و الاودي الA4 2.0 Turbo
الي راكنين تحت بيتي دول تعبانين ؟ :)

لا لا متقولشي :( كان نفسي ابقي معاك :(

الا دي دفعلها جمارك كام :( ولا جمرك ؟

عربيه جميله بتتعرض علي محطه الدش جير وان جميله جدا و حجمها كبير بس عربيه رياضيه

للاسف وغالبا والله اعلم صاحبها يااما حرامى من ابناء بلادنا يااما من الصهاينة اللى ماليين المحروسة وجوازات سفر مختلفة منها خليجى بردة وهذة حقيقة للاسف

اقتباس:

---

المشاركة الأصلية كتبت بواسطة CryptonX

مش حلوة ... شبه البريليانس كدة :P

lol just kidding

يعني علي كدة الموستاج الجي تي و الاودي الA4 2.0 Turbo
الي راكنين تحت بيتي دول تعبانين ؟ :)

---

+10000000000000
مش عاجباني خالص ......... و مش بهزر زي كريبوتون باشا
فعلا شكلها مش حلو ............ دي أذواق يا باشا :(
و ألف شكر كريم باشا على الصور ......... و أنا سعيد إن حضرتك كنت مبسوط لما شوفتها :)

شكلها فعلا مش مبهر زى ماقال الاخوه رغم سعرها الغالى جدا

العربية دى باشوفها فى نادى الجزيرة

عربية تحفة وادى العربيات ولا بلاش
بس فى سؤال ليا بسيط
لية أسمك فى العنوان - دية موضة جديدة وأية بالظبط وهل تسمح بة قوانين المنتدى لأنى أول مرة أشوفها فى المنتديات
مش عايزك تأخد الموضوع مسألة مهاجمة بس هوة أستفسار بسيط وخلاص

اقتباس:

---

المشاركة الأصلية كتبت بواسطة fuad

للاسف وغالبا والله اعلم صاحبها يااما حرامى من ابناء بلادنا يااما من الصهاينة اللى ماليين المحروسة وجوازات سفر مختلفة منها خليجى بردة وهذة حقيقة للاسف

---

انا حاسس من كلام حضرتك ان اى حد معاه فلوس فى البلد يبقى حرامى مع ان فى رجال اعمال كتيير شرفاء و ياريت حضرتك متبقاش تجمع الكل

ماشاء اللة عربية تحغة بجد كفاية قوة الموتور بس فى مشكلة لما يحب يعمل صيانة يعملها فين ...

ايطــــــــــــــــــــــ ــالي
من مجموعه فيات : )
العربيه دي كنت بشوفها في الامارات و ما كن بيركبها غير الشيوخ مش اي حد كان يركبها.
عربيه رياضيه و سيدان ب اربع ابواب و شكلها اكيد تحفه مالهاش حل .
شكرا يا كريم باشا.

اقتباس:

---

المشاركة الأصلية كتبت بواسطة fuad

للاسف وغالبا والله اعلم صاحبها يااما حرامى من ابناء بلادنا يااما من الصهاينة اللى ماليين المحروسة وجوازات سفر مختلفة منها خليجى بردة وهذة حقيقة للاسف

---

متهيالي ان مش كل الناس زي بعضها يا استاذ محمد
و زي ما فيه الشريف برضه في الغير شريف مش في طبقه رجال الاعمال بس لكن في جميع الطبقات

يجماعة أكيد العربية كانت جمرك يعني بالمصري ب 750ألف جنيه بتمن ال E280 خالصة جمارك
وأن شفت منها 3 في مصر وكبعا أكيد شفتوا البنتلي بتاعت الرواس
والفيراري ال F430 السوداء والحمراء بس طبعا كله العربيات دي جمرك
عشان زي محنا عارفين جمارك 210% يعني سرقة الشعب المصري

عربية تحفةةةةةةةة و انا والله مرة شفت رولس رولس فانتوم و مكنتش مصدق نفسى و طبعا من كتر الأنبهار معرفتش اصورها :) و كانت سوداء و كانت جمرك

انا يوم الاربعاء اللى فات شفت واحدة سايقة بنتلى جمرك :s

ربنا يكرمك يا كريم و تجيب أختها

العربية دى تحفة فنية بكل معنى الكلمة
انا كنت قرأت فى مجلة أخبار السيارات ان سعرها 2.5 مليون جنية بس

اقتباس:

---

لية أسمك فى العنوان - دية موضة جديدة وأية بالظبط وهل تسمح بة قوانين المنتدى لأنى أول مرة أشوفها فى المنتديات
مش عايزك تأخد الموضوع مسألة مهاجمة بس هوة أستفسار بسيط وخلاص

---

انا كمان ليا نفس الاستفسار...........................

لو العربية دى لونها جراى والفرش بتعاها من جوا جايب على احمر دم الغزال يبقى تقدر تيجى تصورها عندنا تحت الشركة فيه اختها بتيجى لرئيس مجلس ادارة الشركة بتاعتى دى عربية واحد صاحبه

أرسل أصلا بواسطة fuad مشاهدة المشاركات
للاسف وغالبا والله اعلم صاحبها يااما حرامى من ابناء بلادنا يااما من الصهاينة اللى ماليين المحروسة وجوازات سفر مختلفة منها خليجى بردة وهذة حقيقة للاسف
انا حاسس من كلام حضرتك ان اى حد معاه فلوس فى البلد يبقى حرامى مع ان فى رجال اعمال كتيير شرفاء و ياريت حضرتك متبقاش تجمع الك


لا ياخى اعزذ باللة ربنا يغنى الناس كلهم من الحلال واملى ان نفقوة ايضا فى اشياء نافعة .. ناتى الى حالة العربية
اولا العربيه دى فى بلادها اكيد سعرها معدى ولو فية عدالة لو صاحبها مدخلها مصر ذي الناس يبا لاوم يكون دفع على الاقل 3 اضعاف ثمنها يباى المجموع رقم خرافى وانا لااعتقد ان هناك رجل اعمال شريف ممكن يعمل كدة AND HIS COUNTRY IN THIS HORRIBLE SITUATION ورجال اعمال شرفاء موجودين ولولاهم ...
علينا ..وسوف يبقى الخير موجود الى يوم القيامة
وانا ما زلت عند راىى وهو العربية دخلت بطريق دبلوماسى او طريق غير شرعى وهذا رايى وربما يكون خطا...

انا يا جماعه ساكن فى مصر الجديده و دى صورها الحقيقيه من على الموبابل بتاعى
اصلها كانت راكنه تحت بيتى من حوالى شهر كده


Maserati Quattroporte


http://www5.0zz0.com/2007/12/28/16/85932408.jpg


http://www5.0zz0.com/2007/12/28/16/81461695.jpg

http://www5.0zz0.com/2007/12/28/16/47159548.jpg

http://www5.0zz0.com/2007/12/28/16/56943904.jpg

و جمرك طبعا

بجد عربيه جامده
الف شكر على الصور يا استاذ كريم

معلش صحابها مش حرامى و لا حاجه ده كان عنده جاكور Xj حلو لحد دلوقتى و بعدين كان بيعمل لها صيانة عاديه فى التوكيل راح مهندس فى التوكيل خبط العربيه و يادوب الاكضدام بس اللى اتخبط فرفض يستلمها منهم و طلب انهم يبيعوها بعد ماكان شاريها ب 1.5مليون اتباعت ب 5.مليون وأشترى العربيه اللى شفتها دى يا كريم.
ملحوظه: الكلام ده حقيقه مش تخاريف اخر السنه منى

يا جماعة مساء الخير اصلي لسه داخل من امبارح
بجد انا كنت مش مصدق اصل اول مرة اشوف مازيراتي في مصر مع اني شوفت افخم واغلى منها
هيا لونها كان بقرى كدة على كافية
في درجة منه بتنزل في الافنسيس بش مش هيا
وكانت نمر خضرا غالبا ممكن تكون هيئة سياسية او جمرك قاهرة يعني جاية جووووي
بس احب اقولكم ان الحقيقة حاجة غير الصور هيا فعلا مبهرة
وعربية طلقة 400 حصان يا جماعة على شكل عربية سيدان عادي 4 ابواب
--------------
Segsauer شكرا على دعوتك وان شاء الله جمعا
بس يوم ما احب اركب حاجة بالمنظر ده افضل العضلات الانجليزي لاني بحب المدرسة البريطانية زي بنتلى وجاكوار
وخاصة Xj8 يلا اهي احلام والحمد لله نيد فور سبيد مش حرمانه من حاجة
----------
محمد يا خلف لا موضه ولا حاجة وانا مش ضد قوانين المنتدي في حاجة
وايه المانع اني اكتب اسمي جنب عنوان موضوع انا عملته
وبعدين ايه موضوع هجوم ده يا راجل ماتقولش الكلام ده احنا خوات
على فكرة مش اول مرة اكتبها وحصلت قبل كدة
---------
احمد يا عزت احنا نشوفها بتركن فين ونروح نستاذن صاحبها في لفة ونسيبلة عربياتنا رهن
:D:D:D:D:D:D

اقتباس:

---

احمد يا عزت احنا نشوفها بتركن فين ونروح نستاذن صاحبها في لفة ونسيبلة عربياتنا رهن

---

ههههههههههههههههههههههه
بس للأسف انا ممكن اسيبله ال128 رهن و يشغلي المساحات شوية

ههههههههههههههههههههههههه ههههههههههههههههههههههههه

اقتباس:

---

المشاركة الأصلية كتبت بواسطة eng / AhmeD

ههههههههههههههههههههههه
بس للأسف انا ممكن اسيبله ال128 رهن و يشغلي المساحات شوية

---

ها ها ها
ماعتقدش عايشغل المساحات
اخرة ممكن يخليك تضرب كلاكس مرة ولا اتنين :D:D:D:D:D:D

اقتباس:

---

المشاركة الأصلية كتبت بواسطة fuad

أرسل أصلا بواسطة fuad مشاهدة المشاركات
للاسف وغالبا والله اعلم صاحبها يااما حرامى من ابناء بلادنا يااما من الصهاينة اللى ماليين المحروسة وجوازات سفر مختلفة منها خليجى بردة وهذة حقيقة للاسف
انا حاسس من كلام حضرتك ان اى حد معاه فلوس فى البلد يبقى حرامى مع ان فى رجال اعمال كتيير شرفاء و ياريت حضرتك متبقاش تجمع الك


لا ياخى اعزذ باللة ربنا يغنى الناس كلهم من الحلال واملى ان نفقوة ايضا فى اشياء نافعة .. ناتى الى حالة العربية
اولا العربيه دى فى بلادها اكيد سعرها معدى ولو فية عدالة لو صاحبها مدخلها مصر ذي الناس يبا لاوم يكون دفع على الاقل 3 اضعاف ثمنها يباى المجموع رقم خرافى وانا لااعتقد ان هناك رجل اعمال شريف ممكن يعمل كدة AND HIS COUNTRY IN THIS HORRIBLE SITUATION ورجال اعمال شرفاء موجودين ولولاهم ...
علينا ..وسوف يبقى الخير موجود الى يوم القيامة
وانا ما زلت عند راىى وهو العربية دخلت بطريق دبلوماسى او طريق غير شرعى وهذا رايى وربما يكون خطا...

---

لما ربنا يرزق إنسان بالحلال ليس لنا إعتراض
ولما واحد يشتري عربية بعشرة مليون والعشرة مليون بالنسبة له فكة هو حر
وقد يكون بيطلع أكثر من ثمنها للفقراء وبطلع زكاة ماله وماشي بما يرضي الله
مفيش مانع إنه يشتري حاجة بالنسبة لغيره غالية جداً لكن مناسبة بالنسبة له طالما مباحة وحلال

وربنا يرزقنا ويرزقه من فضله الواسع
ويجعل الجنة خير منازلنا

اقتباس:

---

المشاركة الأصلية كتبت بواسطة Kisho

انا يا جماعه ساكن فى مصر الجديده و دى صورها الحقيقيه من على الموبابل بتاعى
اصلها كانت راكنه تحت بيتى من حوالى شهر كده


Maserati Quattroporte


http://www5.0zz0.com/2007/12/28/16/85932408.jpg


http://www5.0zz0.com/2007/12/28/16/81461695.jpg

http://www5.0zz0.com/2007/12/28/16/47159548.jpg

http://www5.0zz0.com/2007/12/28/16/56943904.jpg

---

في مكانين في مصر الجديدة ممكن تعدي عليهم و تتفرج علي عربيات تشرح القلب ..فيلا في شارع العروبة امام مدرسة مصر الجديدة الثانوية العسكرية مباشرة . و دي شوفت عندها الاسكلايد اول ما نزلت ..
فيلا عند اول نفق الثورة علي يمين مدخل النفق و انت نازله من ناحية الكربة ..
و الغريب في الموضوع ان الاتنين بيحطوا العربيات بره مش في الجراج !!!!!!!!!!1

اقتباس:

---

ها ها ها
ماعتقدش عايشغل المساحات
اخرة ممكن يخليك تضرب كلاكس مرة ولا اتنين

---

ههههههههههههههههههههههههه ههههههههه
علي رأيك
بيييب بييييب.......بس خلاص

اقتباس:

---

المشاركة الأصلية كتبت بواسطة hk_52

في مكانين في مصر الجديدة ممكن تعدي عليهم و تتفرج علي عربيات تشرح القلب ..فيلا في شارع العروبة امام مدرسة مصر الجديدة الثانوية العسكرية مباشرة . و دي شوفت عندها الاسكلايد اول ما نزلت ..
فيلا عند اول نفق الثورة علي يمين مدخل النفق و انت نازله من ناحية الكربة ..
و الغريب في الموضوع ان الاتنين بيحطوا العربيات بره مش في الجراج !!!!!!!!!!1

---

ممكن يكون جراجاتهم مليانه ومفيش حته فبيطلعوا الزياده بره
:D :D

لما ربنا يرزق إنسان بالحلال ليس لنا إعتراض
ولما واحد يشتري عربية بعشرة مليون والعشرة مليون بالنسبة له فكة هو حر
وقد يكون بيطلع أكثر من ثمنها للفقراء وبطلع زكاة ماله وماشي بما يرضي الله
مفيش مانع إنه يشتري حاجة بالنسبة لغيره غالية جداً لكن مناسبة بالنسبة له طالما مباحة وحلال

وربنا يرزقنا ويرزقه من فضله الواسع
ويجعل الجنة خير منازلنا
__________________
م/أحمد

انا اعتقد ان فعلا الاشكال هنا نحن كمسلمين مستخلفين فى المال وسوف نحاسب علية وفيما انفقة يقع تحتها اى انفاق غير ضرورى وخاصة انة ليس ببعيد عنك معاناة الناس من حولك عموماهذا راى خاص بى واعرضة احيانا ربما يصلح لاحد ولاتهتم ويمكنك ان تفعل ما تريد طالما هو مالك

شكرا على الصور

اقتباس:

---

المشاركة الأصلية كتبت بواسطة fuad

لما ربنا يرزق إنسان بالحلال ليس لنا إعتراض
ولما واحد يشتري عربية بعشرة مليون والعشرة مليون بالنسبة له فكة هو حر
وقد يكون بيطلع أكثر من ثمنها للفقراء وبطلع زكاة ماله وماشي بما يرضي الله
مفيش مانع إنه يشتري حاجة بالنسبة لغيره غالية جداً لكن مناسبة بالنسبة له طالما مباحة وحلال

وربنا يرزقنا ويرزقه من فضله الواسع
ويجعل الجنة خير منازلنا
__________________
م/أحمد

انا اعتقد ان فعلا الاشكال هنا نحن كمسلمين مستخلفين فى المال وسوف نحاسب علية وفيما انفقة يقع تحتها اى انفاق غير ضرورى وخاصة انة ليس ببعيد عنك معاناة الناس من حولك عموماهذا راى خاص بى واعرضة احيانا ربما يصلح لاحد ولاتهتم ويمكنك ان تفعل ما تريد طالما هو مالك

---

+ 1

أنا متفق معاك ،،

صاحب شركة ايكيا السويدية خامس او ثالث اغني رجل في العالم

و مع ذلك عربيته فولفو موديل الثمانيات و بيشافر بالطيران الإقتصادي ،،

شكرا جزيلا يا كريم على الموضوع و الصور :)
ربنا يزيده و يباركله فيها.
الحمد لله.

ربنا يخليلى عربييتى الأرجنتا
اللهم لا اعتراض

اقتباس:

---

محمد يا خلف لا موضه ولا حاجة وانا مش ضد قوانين المنتدي في حاجة
وايه المانع اني اكتب اسمي جنب عنوان موضوع انا عملته
وبعدين ايه موضوع هجوم ده يا راجل ماتقولش الكلام ده احنا خوات
على فكرة مش اول مرة اكتبها وحصلت قبل كدة

---

شكرا على التوضيح - بس أنا شايف أنة لما الواحد يكتب أسمة جنب الموضوع مش منطقية لأن كدة كدة أسمة بيبقى مكتوب تحت العنوان وموضوع كتابة الأسم دية مشفتهاشى فى إى منتدى تانى - وعلى رأيك طالما لا تخل بقوانين المنتدى تبقى مفيشى مشكلة وكل واحد ودماغة
أشوفك على خير يوم الجمعة