الموضوع: أرجوكم يا جماعة كفاية حرام كدة

المشاركة الأصلية كتبت بواسطة houbaz

كلام جميل كلام معقول مقدرش اقول عنه حاجة بس لو ربنا وسع رزقك و رزقى قول امين يا رب :) ، هنجيب الالمانى مش عشان علامة و الله بس عشان فعلا الالمانى المانى وعندكو حق ان احنا مضحوك علينا فى اسعاره و اسعار قطع غياره، و برضه بعد 3 او 4 سنين هنغير و نركب زيرو، معانا فلوس كتير بقى بس فى ظل رزق دلوقتى اللى باحمد ربنا عليه كتير و بقول احنا احسن من ناس غيرنا كتير، الكورى هو افضل اختيار للاسباب اللى سيادتك ذكرتها.. اشكرك و تقبل تحياتى..

الله يخليك يا باشا علي ذوقك - الالماني طبعا من عربيات القمة وربنا يوعدنا ويوسع الرزق علينا - الفكرة اني بحاول افكر بعملية في ظل ظروف البلد والشوارع - هية دي بس الفكرة - السيراتو او الكوري يقدر يحقق المعادلة دي عندنا - بس الناس مصرة علي انة وحش !!!!!!!
لية وحش عشان قدر يحقق كل متطلباتي وفي حدود السعر المعقول ؟؟؟ حتي لو مبالغ فية فهو برضوا مش قوي زي الالماني مثلا -

الفكرة هنا في المبالغة في سعر الالماني وقطع غيارة علي اساس انة جزء من المنظرة والطبقية اللي في البلد مش اكتر - تجار مصر بيعرفوا يلعبوا علي الحتة دي قوي - سعر الالماني مبني في كل حتة في العالم علي جودته طبعا - وعندنا بنحط زيادة 20 او 30% زيادة عشان المنظرة :) -

لو سعرنا زي برة اكيد حنجيب الالماني لاسباب كتيرة لا حصر لها - لكن احنا بنتكلم من ارض الكنانة مصر - ههههههههههه

المشاركة الأصلية كتبت بواسطة Atrees

يا باشا محدش قال ان الاماني واليباني وحش - بالعكس - بس اية اللي يخليني اروح اشتري عربية الماني مثلا بسعر مضحوك عليا فية مقابل حجم استخدامي وطبيعة بلدي ؟؟؟

انا ممكن اجيب عربية بسعر اقل وفيها نفس الكماليات ويمكن اكتر وتوفرلي في كل حاجة للاستخدام اليومي سواء بنزين او قطع غيار او او او - وبعد 3 او 4 سنين اغيرها واجيب زيرو احدث ومخسرش كتير - نظرية استخدار السيارة علي انها سلعة معمرة بقي شيئ خاطيئ - وبعدين انا بعد 3 او 4 سنين حبقي راكب زيروا تاني ولسة بتوع الالماني والياباني عايشين علي الامل - بلدنا دي عايز تركب فيها عربية - يبقي لازم تركب عربية عملية في احتياجاتها وسعرها - انا مش بشتري علامة تجارية - انا بشتري علامة عملية

مع احتر امى ليك يا اخ atrees كلام حضرتك فى جزء من الخطئ بالنسبة للسيارات الالمانية واليابانية فى الاستخدام اليومى اوقات كتير جودة الفرامل بتفرق فى بسبب ثوانى معدودة وثبات العربية بيفرق على الطريق وطبعا جودة الخامات وقطع الغيار بتفرق انها بتكون معمرة دا طبعا فى اليابانى والالمانى والاوربى عموما فا يعنى لو انا وانت طلعنا بعربيتين على الطريق الدائرى وبنجرى (فى بعض الحالات الاضطرارية) كل واحد فينا 180 مثلا وحبينا نوقف العربية لاى سبب او اى ظرف ايهما اسرع فى الوقوف الالمانى ام الكورى
ثانيا اذا كنت ماشى 180 بردو وظهر ادامك حاجة مفاجأه فى الطريق وحاولت تفاديها هل تساعدك العربية على دا وهتسعفك فى الموقف دا ولا لقدر الله وربنا ما يجيبش حاجة وحشة لاى حد هيحصل حاجة
انت تتكلم من مبدأ انة كل بيستخدم وبيستهلك بعد 3 او 4 سنين مع احترامى لحضرتك دا كلام خاطئ
لو احضرنا عربيتين احدهما المانى بتعادل النيو سيراتو والنيو سيراتو وخلينا شخص واحد يركب العربيتين فهل هستكون النيو سيراتو فى نفس حالة السيارة الالمانية فى حين ان المستخدم للسيارتين واحد
الى حضرتك ما تعرفهوش ان بلد حضرتك هنا محتاجة عربيات حديد عشان تستحمل الطرق الى هنا يعنى مثلا لو رجعنا بالذاكرة ل5 او 7 سنوات ايام ما كانت موجة حر شديدة فى الصيف مش حصل ان اغلب العربيات الكورى سخنت بسبب الحرارة وعطلت فى حين ان الالمانى واليابانى ما حصلوش حاجة ودا عن تجربة فا انت راكب عربية ربنا يباركلك فيها بس بردو على اد ما بتدفع على اد ما بتاخد والعربية مش منظر وكماليات بس العربية حاجات كتير تانية وليها حسابات تانية يابااشا واسف على الاطالة

المشاركة الأصلية كتبت بواسطة Atrees

الله يخليك يا باشا علي ذوقك - الالماني طبعا من عربيات القمة وربنا يوعدنا ويوسع الرزق علينا - الفكرة اني بحاول افكر بعملية في ظل ظروف البلد والشوارع - هية دي بس الفكرة - السيراتو او الكوري يقدر يحقق المعادلة دي عندنا - بس الناس مصرة علي انة وحش !!!!!!!
لية وحش عشان قدر يحقق كل متطلباتي وفي حدود السعر المعقول ؟؟؟ حتي لو مبالغ فية فهو برضوا مش قوي زي الالماني مثلا -

الفكرة هنا في المبالغة في سعر الالماني وقطع غيارة علي اساس انة جزء من المنظرة والطبقية اللي في البلد مش اكتر - تجار مصر بيعرفوا يلعبوا علي الحتة دي قوي - سعر الالماني مبني في كل حتة في العالم علي جودته طبعا - وعندنا بنحط زيادة 20 او 30% زيادة عشان المنظرة :) -

لو سعرنا زي برة اكيد حنجيب الالماني لاسباب كتيرة لا حصر لها - لكن احنا بنتكلم من ارض الكنانة مصر - ههههههههههه

احترم فيك يا اخ atrees رؤيتك للامور دى بطريقة صحيحة وكل كلمة انت قولتها انها حققت معادلة بس الفكرة هنا فعلا فى ان السعر الغالى والاستهبال الى عاملينة التجار بس الحمد لله على كل شيئ وربنا يباركلك ياباشا فى عروستك وعقبال يارب ما تركب الالمانى (مرسيدس - بى ام دبليو ) وتنفض للسيراتو

والله الناس هنا زي الفل - انا اقصد بتوع الاوروبي

هوا فعلا كلامكم صح - الالماني طبعا معمر اكتر ودة مفيهوش كلام - انا مش معترض والله - ههههه - انا قصدي في حتة الاستخدام ل 3 او 4 سنين مش ان انيهي عربية حتكون حالتها احسن - المقصود ان بعد الاربع سنين لو الكوري بقي يتشال في مشنة مش حزعل ومش حخسر كتير - بالعكس حكون استهلكتها تماما وبالتالي حشتري زيرو من اول وجديد

المبدا هنا اني في حالة وجود عربية الماني معايا حيبقي اصعب عليا التغير بسبب افارق في نسبة الخسارة ولاني مش حتنازل اني اركي الماني برضوا فحدخل في دوامة السعر المبالغ فية تاني



الفكرة جتلي بطرقة غريبة شوية حوضحها :بالنقاط

كل ما هو زائد بنقطة واحدة وكل ما هو قبلة ناقص يخسر نقطة في المعادلة


الكوري
+سعر اقل + كماليات كثيرة +سعر قطع غيار + سعر اعادة بيع + تكاليف تشغيل - عمر افتراضي - معدل امان - جودة خامات = 2 (محصلة المعدلة )

الالماني
+جودة خامات + عمر افتراضي + معدل امان - سعر اقل - سعر قطع غيار - تكاليف تشغيل + كماليات كثيرة + سعر اعادة بيع = 3 ( محصلة المعدلة )

من هنا نعرف ان الالماني اعلي بنقطة ودة اكيد ومحدش يختلف فية - نقطة واحدة فقط حتحدد انت حتجيب اية وهي معاك كام تدقعة دلوقتي مقابل النقطة الزيادة في المعادلة ؟؟؟؟؟؟؟؟


ومحدش يعترض علي المعادلة عشان طلع عيني فيها عشان اعملها - هههههههههههههههه

المشاركة الأصلية كتبت بواسطة Atrees

والله الناس هنا زي الفل - انا اقصد بتوع الاوروبي

هوا فعلا كلامكم صح - الالماني طبعا معمر اكتر ودة مفيهوش كلام - انا مش معترض والله - ههههه - انا قصدي في حتة الاستخدام ل 3 او 4 سنين مش ان انيهي عربية حتكون حالتها احسن - المقصود ان بعد الاربع سنين لو الكوري بقي يتشال في مشنة مش حزعل ومش حخسر كتير - بالعكس حكون استهلكتها تماما وبالتالي حشتري زيرو من اول وجديد

المبدا هنا اني في حالة وجود عربية الماني معايا حيبقي اصعب عليا التغير بسبب افارق في نسبة الخسارة ولاني مش حتنازل اني اركي الماني برضوا فحدخل في دوامة السعر المبالغ فية تاني



الفكرة جتلي بطرقة غريبة شوية حوضحها :بالنقاط

كل ما هو زائد بنقطة واحدة وكل ما هو قبلة ناقص يخسر نقطة في المعادلة


الكوري
+سعر اقل + كماليات كثيرة +سعر قطع غيار + سعر اعادة بيع + تكاليف تشغيل - عمر افتراضي - معدل امان - جودة خامات = 2 (محصلة المعدلة )

الالماني
+جودة خامات + عمر افتراضي + معدل امان - سعر اقل - سعر قطع غيار - تكاليف تشغيل + كماليات كثيرة + سعر اعادة بيع = 3 ( محصلة المعدلة )

من هنا نعرف ان الالماني اعلي بنقطة ودة اكيد ومحدش يختلف فية - نقطة واحدة فقط حتحدد انت حتجيب اية وهي معاك كام تدقعة دلوقتي مقابل النقطة الزيادة في المعادلة ؟؟؟؟؟؟؟؟


ومحدش يعترض علي المعادلة عشان طلع عيني فيها عشان اعملها - هههههههههههههههه

مفيش قول بعد قولك يا استاذ atrees هو ربنا يستر طريق كل واحد ماشى سواء صينى او المانى او حتى هندى او حتى كارو والمعادلة الى انت عملتها معادلة كويسة ممكن ندرسها للاعضاء هنا فى المنتدى بس قشطة ويشرفنى ياباشا انى اطلب منك انى اكون صديق ليك داخل المنتدى وخارجة

المشاركة الأصلية كتبت بواسطة temoon

مفيش قول بعد قولك يا استاذ atrees هو ربنا يستر طريق كل واحد ماشى سواء صينى او المانى او حتى هندى او حتى كارو والمعادلة الى انت عملتها معادلة كويسة ممكن ندرسها للاعضاء هنا فى المنتدى بس قشطة ويشرفنى ياباشا انى اطلب منك انى اكون صديق ليك داخل المنتدى وخارجة

ياباشا الشرف ليا في معرفتك - ذوقك ووسع افقك ينم عن ادراك عالي لحضرتك - بس انا متهيالي المعادلة دي فشلة - محتاج ندرسها انا وانت عشان تكون شاملة وتكون قادرة علي تقيم السيارات داخل المنتدي - وربنا يستر وما نلاقيش مدرس رياضة او فيزياء ينتقدها - هههههههه