يا ترى فى اية ؟

**zeyad1810** · 28-12-2007 06:59 AM

انا عربيتى بونتو 94 انجكشن انا بيحصل عندى الاتى:
امبارح دورت علشان تسخن وبعدين زودت مية فى الرياداتير ويا دوب مشيت بتاع 100 متر وببص لاقيت مؤشر الحرارة عدى النص بشوية وانا عمرة ما بيعمل كدة معايا وكمان انا كنت لسة ماشى بالعربية والمروحة شغالة طبيعى بس بردة المؤشر فوق النص بحبة المهم بعد ما مشيت بالعربية على سرعات قوق التمانين لقيت المؤشر نزل لوضعة الطبيعى ولما اقف شوية بالعربية او امشى بالراحة فى اى زحمة يعدى النص تانى
يا ترى فى اية بالظبظ علشان اعرف اروح امين ميكانيكى ولا بتاع رياديرات

**piezo** · 28-12-2007 09:30 AM

بص ياسيدي الفاضل
اول حاجه تعملها علشان تريح نفسك و تمشي الموضوع خطوه خطوه
هل المايه بتقل ولا زي ماهي علشان لو فيه تسريب او ترشيح مايه في العربيه عندك
ده اهم حاجه في الاول لاقيت مافيش تسريب ولا اي ترشيح علي خرطوم
روح نضف دورت التبريد بتاعت العربيه علشان لوفيه وساخه في الدوره بتاعة التبريد وده طبعا سهل جدا جميل كده بي 10 او 15 جنيه + المايه الي هاتجيبها لو موبيل او الاسباني او السعودي و المايه السعودي تركيزها اعلي منهم كلهم
وشوف ايه الي هايحصل لاقيت المشكله زي ماهي
تشوف المروحه كويسه ولا لا ممكن تكون المروحه تعبت ومش قادره تعمل شغلها فعلشان كده وانت واقف بتلاقي العربية سخنت وانت ماشي لا ليه علشان الهواء الي بيخوش من الشبكه الي في وش العربيه تمام كده
وشوف ايه الي جري بعد كده
وان شاء الله يكون هو ده الحل

**ahmedezzat78** · 02-01-2008 12:13 PM

المشاركة الأصلية كتبت بواسطة piezo

بص ياسيدي الفاضل
اول حاجه تعملها علشان تريح نفسك و تمشي الموضوع خطوه خطوه
هل المايه بتقل ولا زي ماهي علشان لو فيه تسريب او ترشيح مايه في العربيه عندك
ده اهم حاجه في الاول لاقيت مافيش تسريب ولا اي ترشيح علي خرطوم
روح نضف دورت التبريد بتاعت العربيه علشان لوفيه وساخه في الدوره بتاعة التبريد وده طبعا سهل جدا جميل كده بي 10 او 15 جنيه + المايه الي هاتجيبها لو موبيل او الاسباني او السعودي و المايه السعودي تركيزها اعلي منهم كلهم
وشوف ايه الي هايحصل لاقيت المشكله زي ماهي
تشوف المروحه كويسه ولا لا ممكن تكون المروحه تعبت ومش قادره تعمل شغلها فعلشان كده وانت واقف بتلاقي العربية سخنت وانت ماشي لا ليه علشان الهواء الي بيخوش من الشبكه الي في وش العربيه تمام كده
وشوف ايه الي جري بعد كده
وان شاء الله يكون هو ده الحل

تمام كده اتاكد كويس من المروحة بتشتغل عند درجه كام و كما شوف الثرموستات الميكانيكى ممكن يكون فيه صداء و بيعلق على وضع القفل

**zeyad1810** · 02-01-2008 04:01 PM

انا روحت لبتاع الريادتير كان فى خرم لحمة وغسل الردياتير ودورة التبريد وخد عشرين جنية وكلة بقى تمتم العربية رجعت طبيعى والسخونة راحت فالمشكلة كانت فى الريادتير وراحت والحمد للة

وشكرا للرجلة اللى بيساعدوا ويردوا على المشكلة لان فعلا الردود دى بتخلى الواحد يعرف هو هيعمل اية

**أبو عبدالله** · 02-01-2008 04:30 PM

معروفه في الفيات

ساعة التموستات بتاعت الرادياتير
ودي في كل عربيات فيات حاجه تنقط بجد

هتلاقيها باظت فطبعا لا تعطي امر للمراوح بتاعت الرادياتير انها تشتغل علشان تبرد

**ahmedezzat78** · 02-01-2008 07:08 PM

المشاركة الأصلية كتبت بواسطة zeyad1810

انا روحت لبتاع الريادتير كان فى خرم لحمة وغسل الردياتير ودورة التبريد وخد عشرين جنية وكلة بقى تمتم العربية رجعت طبيعى والسخونة راحت فالمشكلة كانت فى الريادتير وراحت والحمد للة

وشكرا للرجلة اللى بيساعدوا ويردوا على المشكلة لان فعلا الردود دى بتخلى الواحد يعرف هو هيعمل اية

لا شكر على واجب ما تطمنش للحام و خللى عينك على المياه الايام الجايه و اتاكد انها مش بتنقص

الموضوع: يا ترى فى اية ؟

LinkBack

أدوات الموضوع

عرض

-

الكلمات الدلالية لهذا الموضوع

المفضلات

المفضلات

ضوابط المشاركة