انا ركبت الفيرنا و الجيتز كتير جدا و بصراحة فرامل و ثبات على الطريق
معلش يا باشا أنا قريت المشاركة من اولها ووصلت للجملة دي ركبني 100 عفريت ... فـاعذرني لو فهمتك غلط
سبرانزا منتشرة طب ليه دى بالذات ؟
يعنى محدش سأل نفسه ليه السبرانزا دى منتشرة كدة ؟
ماهى أكيد عشان العربيه كويسه و راضيه صاحبها و بتفى بالغرض وسط شوارع مصر المكسرة و المطبات و غيره و غيره
طب محدش قال هيا منين العربيه دى ؟ هتلاقى نفسك بترد على نفسك وبتقول صنع فى الصين
طيب طلاما دى منتشرة كدة و حققت الهدف المطلوب منها و هيا أرضاء العميل بأفضل الأسعار طيب ماندى فرصة لموديلات و ماركات تانيه بنفس الجودة دى تدخل بلدنا تانى ولا أحنا خلاص السبرانزا دى دخلت صدفة مثلا و أتوزعت كدة صدفة ؟ أكيد برضة لازم كل حاجة تتعقل
سورى ياباشا انا اه متحيز لليابانى بس انا من غير تحيز
الصينى لو هتتكلم فيه هنقول البرلينس لكن مش معنه ان الاسبرانز منتشره تبقه حلوه على كده انته شايف ان الفيرنا كويسه وان اللانوس حلوه عموما هى وجهات نظر
بس فى مصر الى بينتشر علشان سعره وليس امكانياته ولا استحمال
وبلاش تقول دى عربيه بقالها كام سنه شوف فى الكام سنه بتتصلح كام مره وبتغيير ايه وايه واخر عمرها كام ما تقولى كمان ان ال 504 تمام ما هى بقالها نص قرن وزياده عمرها ماتتقاس بالانتشار فى مصر
أخ medo
مبيعات الاسبرانزا في السعودية اد ايه
مش معنى إنها موجودة هناك إنها كده تبقى عدت وكده يبقى تمام .... وبرده اللي بيجيبها هناك بيجيبها علشان هو رايح هناك يحوش ...مش حيصرف على عربية ...
أما موضوع الرجعية ... فـأنا مليش في الكلام الثوري ده ... أنا راجل مهندس وراجل بحب العربيات وراجل محايد ... ومعنديش حاجة عايز اثبتها ... إنما دا مش معناه إني ارمي فلوسي في الأرض ... وآه اللي اشتروا العربيات دي تعبانين في فلوسها ... إنما للأسف ودي حقيقة مش مجرد رأي ... اشتروا التروماي....
وللمرة المليون.... أنا معاك للصبح في أي نقاش علمي منهجي هندسي تجاري في العربيات دي ... بس حضرتك حدده ... قل احنا حنتكلم عن النقطة x وال نقطة y وال نقطة z .... إنما من النقاش مع حضرتك كذا مرة ... أنا مشوفتش نقاش منطقي ولا مرة ... وكل مرة تقول الجملة دي ...
أنا مستني ومعاك للآخر
انا معاك فى الكلام دة لان الصينى ماينفعش يتقارن بالاسماء اللى مذكورةاقتباس:
مع اعترافى بان بعض العربيات الصينى قد ادت اداء جيد فى السوق ولكن لا يمكن مقارنتها باى حال من الاحول مع الماركات المذكوره اعلاه على سبيل المثال لا الحصر
الخلاصه : الصينى بدا يبقى معقول وله زبونه - اللى معاهوش يجيب غير صينى
لكن ليس هناك سبب منطقى يخلى اى حد يدفع مبلغ كبير فى عربيه صينى تحت اى مسمى
مثال : سبرانزا الكبيره و البرليانس
احنا نقدر نقارن عربيات صينى مع كورى او اى عربية تانية لحد فئة 90000 مثلا
لان بعد كدة فئات مافيش وجة مقارنة بينهم وبين بعض.... لان الالمانى واليابانى ولا حتى الكورى هما اللى هيكسبو مش الصينى
استاذ ايهاب قبل ما اقول ردى هعلق على نقطه واحده يس من كلامك بان الفيرنا ثبات وفرامل على الطريق لو انت راجل زى ما حضرتك بتقول بتتناقش بمنهجيه وراجل مهندس - مع ان دى مالهاش علاقه ممكن واحد مش متعلم يفكر احسن منك- مش هتقول كدا لان معلومه ان الفيرنا والجيتز ثبات وفرامل وحش مفروغه منها
وزى ما انت قلت احنا اتناقشنا قبل كدا ومعجبكش النقاش لانى فعلا ما كملتش معاك لانى شايف النقاش معاك مع احترامى ليك مالوش لازمه-بدون ذكر اسباب عشان منعملش زى العيال الصغيره- ومش مستعد اتناقش معاك تانى
ياريت متزعلش من كلامى وتحياتى اليك
أنا مقلتش إن الفيرنا والجيتز.... ثباتهم وفراملهم كويسين ... ولو تحب أقولك ليه الفيرنا في مشكلة أقولك .... أنا مقدرش أحكم على الجيتز على فكرة لأني ماسقتهاش غير مرة واحدة ... وكان في ظرف طارق فـمكنتش مركز معاها ... ولو حضرتك رجعت كام مشاركة ورا حتلاقي إني انفعلت على الراجل علشان افتكرت إنه بيقول الفرنا ثبات وفرامل كويسة...
وعلى العموم ... أنا ممكن اناقش من هنا للصبح لأني مقتنع باللي بقوله ... وعندي العلم اللي يخليني أجادل بيه .... ولأني بأقول اللي بيريح ضميري .. ومكسبي الوحيد إن حد ينتفع بال كلامي ... فـمعنديش مشكلة إني اناقش مرة وإتنين وتلاتة .... حتى لو أنا شايف إن اللي أدامي ... مش حيقتنع زي حضرتك بالضبط ..يمكن حد بيتفرج هو اللي يقتنع
وفي الآخر هي قناعات ... ومبدأ بدافع عنه
تحياتيليك يا أخ mido
كانت هذه هي العبارات الشائعه في هذه السنوات
1980 (انت اتج ننت تجيب عربيه ياباني؟ هات بيجو اوفيات)
1995 (انت اجننت تجيب عربيه كوري؟ هاتلك حاجه ياباني)
2007 (انت اتجننت تجيب عربيه صيني؟ هاتلك عربيه كوري)
من الواضح ان الصيني هيثبت نفسه ومش هيموت.
هذا مع الحفاظ على وجهة نظري اني مش هحط عشرات الالاف من الجنيهات الا في عربيه مضمونه واعادة بيعها مضمون لاني مش معايا عشرات الاف كتير :) فممكن اجيب صيني بعد 5 سنين تكون الرؤيا اتضحت مين الكويس ومين الوحش.
مع أحترامى للجميع و أسف أنى مردتش على كل رد لوحدة كعادتى فى المواضيع إلى بنشرها بس كلها وجهات نظر و كان باين من العنوان يا جماعة و أنا مقولتش أشتروا انا قولت إنها بجد هتبقى متربعة فى خلال سنوات قليلة على المركز الأول فى المبيعات المصريه
رديت على مشاركتك لأنك متفهم وجهة النظر صح و أسف لو مقدرتش أرد على الناس كلها وجهة نظرها على راسى
فعلا دا إلى أنا عايز أوضحه من الصبح لكن حبيت أضيف وجهة نظرى للنقاش
ناس كتير شايفة الصينى لا يصلح و أنا واحد مش منهم
ناس كتير شايفة الصينى أفضل الماركات و أنا مش منهم
أنا شايف ان الصينى جودتة معقولة و مقبولة لكن مش الأولى فى العالم بس برضة أذواق و سعرها مقبول كتير جدا فأنا واحد من إلى هنتظر أشوف الصينى عامل أية و دا إلى عايزكم تعملوه لكن مش بفرض عليكم لأن زى ماقولت لولا أختلاف الأذواق لبارت السلع
و شكرا جزيلا لوساعة صدركم فى النقاش
ماهي دي المشكلة يا باشا ... إن عينك تبدأ تتعوض على الردئ, ويبقى عادي إنك تشوفها وتبدأ تقتنع .... وتبدأ تدافع عن الحاجة ... حقولك حقيقة ميعرفهاش كل اللي بيدفعوا عن الاسبرانزا , إن لما ابن ابوالفتوح بدأ التوكيل .. كان كل واحد من أصحاب ابوه , بيشتري عربيتن واحدة A516 , و A620 .... لإن لازم الناس تشوف العربية ... وتتعود عليها , لحد ماتلاقي الناس بتشوفها ويبدأ واحد ولا اتنين يشتروها ..والعملية بتمشي ..
في نقطتين حكون واضح فيهم :
1- الجملة اللي إنت قلتها صحيحة ...
1980 (انت اتج ننت تجيب عربيه ياباني؟ هات بيجو اوفيات)
1995 (انت اجننت تجيب عربيه كوري؟ هاتلك حاجه ياباني)
2007 (انت اتجننت تجيب عربيه صيني؟ هاتلك عربيه كوري)
أيوه بس الحاجة الواحدة اللي كانت صح هو كانت الياباني , بس علشان ده يحصل اليابان , عملت ايه ؟ , وهل حضرتك شايف إن الكوري و الصيني مشيوا نفس السكة اللي الياباني مشي فيها , أشك .
الياباني عمل اللي عليه , هل الكوري بجودة الياباني هل الصيني بنفس جودة الكوري .... هو حضرتك مش ملاحظ إن العملية بتنزل ... مش بتطلع ... اليابان من 30 سنة بدأوا يعملوا تكنولوجيا .. ويقلدوا اوروبا ..... أكبر مصنع كوري لسة بدأين يعملوا تكنولوجيا .... وآخر اللي عملوه عربية ولا إتنين ولا تلاتة ....وبس .. ومعلومة لحضرتك في فجوة بين الاوروبي والياباني , حوالي 5 سنين .يا ترى الفرق بين الكوري والاوروبي اد ايه .... طب الفرق بين الاوروبي والصيني قد ايه؟
2-النقطة بتاعت إن جودته معقولة ... هو ده اللي أنا كنت بأقول عليه التعود على الرديئ , والدفاع عنه , والتحجج إنها وجهة نظر مش حيغير حاجة ... في علم و standard بيحدد الكلام ده ... مش وجهات نظر.... فوراق الجودة المقبولة هي اللي فيها وجهات نظر... إنما في level ماينفعش نقبل بعديها .... وال مفروض إن هنا ييجي دور الناس اللي عندها علم ...إنها تنصح .....وتوضح العلم .... و تقف قصاد الكلام الغلط .... لإن احنا بندفع فلوس كتيرة في عربياتنا ... فـحرام ناخد زبالة الدنيا ... ونقعد نقول استنوا حيبقى كويس ..... بفلوسنا ...
ناس تغتني وتاخد فلوس على قفانا وتركب أحسن حاجة واحنا ناكل زبالة ... مش ده برده غلط...ولا ايه ؟