والله لوسعرها زاد ل 80000 كده
يبقى البروتون واجا برقبتها الف مره
عربيه محترمه جدا جدا
ومش متقفله فى مصر
عرض للطباعة
والله لوسعرها زاد ل 80000 كده
يبقى البروتون واجا برقبتها الف مره
عربيه محترمه جدا جدا
ومش متقفله فى مصر
السعر زاد كنتيجة طبيعية لزيادة الطلب علي العربية ....وواضح ان الاعداد المحجوزة ماكنتش معمول حسابها...
هو بزيادة السعر هايعمل حاجتين:
1-هايقلل الطلب علي العربية علي الاقل لحد ما يسلم ايلي اتحجز فعلا...
2-ايلي مُصر انة يشتري العربية بعد الزيادة هايساعد في تغطية مصاريف الضمان للاعداد المهولة ايلي اتحجزت...وايلي غالبا هاتكلفهم شوية فلوس في الضمان الطويل (100 الف كيلو)...
اعتقد بروتون واجا نفس السعر وطبعا احسن مليون مرة من افيو مفيش مقارنة اصلا
المشكلة بس فى توكيل عز العرب الفاشل
اكيد قصدكم الجين 2 مش الواجا ،، و حتي الجين 2 أغلي منها بكتير
حكاية الدهان دي مفيش أي مصدر ليها ،، دول كانوا كاتبين كده في حملة الدعاية ليها مش أكتر ، إنهم هيستخدموا كابينة دهان حديثة ،،
بعدين كابينة دهان ايه اللي هتغلي السعر ،، هوا هيدهن بيها 100 عربية ده هيدهن الافات
كل الحكاية الناس دي أذكية بيعرفوا إزاي يعملوا حملة دعاية صح ،، تعمي عيون الناس و يبيعوا بأسعار عالية بعد كده ،،
و الأفيو دي كانت مرمية في المعارض كوري و مش لاقية اللي يشتريها ،، و تستلم تاني يوم و بنفس السعر المحلي
دي مالهاش غير تفسير واحد ،، إنه هيضرب فرق الجمارك في جيبه ،،
لو غلاها عن كده هتخش في منافسة هتضيعها مع الياريس و اللانسر و السيتي و الجين 2 و الماتريكس و النيو اكسنت ،،، مش في مصلحتها إطلاقا ،، و كمان شوية تبقي أغلي من الأوبترا ،،،
أختها الكبيرة
و اللي يشتريها غلطان ،،
الفكرة كلها ،، إن الناس تتخلص من سيطرة فكرة السيارة المنتشرة ،، هوا اللي رايح يشتري عربية زيرو ،، يفكر من دلوقتي في أسعار قطع الغيار و هيبيعها بكام بعد اد ايه
العربية اللي ليها توكيل معقول و منتشرة إنتشار معقول تبقي كويسة مش لازم العربية يبقي موجود منها خمسة في العمارة عشان ابقي مستريح نفسيا
اسمحلي اختلف معاك, هو مش الطبيعي ان الحاجه ترخص لما الطلب يزيد عليها, فاكر الاريكسون 688 ( لو انت قديم شويه في الموضوع ده) كان تمنه 2500 جنيه تقريبا, لاكن بزياده الطلب عليه اسعاره نزلت, انا شايف ان ازدياد السعر ده استمرار للمسلسل الممل للجشع اللانهائي لراسبي معهد النصب و الاحتيال في ظل الغيبوبه المتأصله لاي جهه تحمي المستهلك في مصرنا العزيزه علينا الرخيصه عليهم
و ربنا يستر علي اللي جاي
يا جماعه العمليه عرض و طلب و اللى مش عاجبه السعر الجديد يروح يشترى حاجه تانيه وأحسن ومستورده زى النيو أكسنت .
ده ما يعتبرش جشع لأن السوق مفتوح و البدائل الأرخص و الأحسن موجوده و الوكيل له حق تحديد السعر زى ماهو عايز و المشترى من حقه الرفض ...... ده مش سكر و لا زيت .
اللى انا حسه فعلا أن السعر القديم كان مخسر معاهم نتيجة أعطال العربيه و تكلفة تغيير الأجزاء التالفه مجانا فى فترة الضمان الطويله (3 سنوات / 100000كم ) و ده أدى الى تعلية السعر و صدقونى اللى يعمل كده فى ظل منافسة الهيوناى (أكسنت و الفيرنا) و الفيات البونتو (72000) و الكيا الريو و الرينو الميجان يبقى غصب عنه و مش عارف يعمل حاجه فى التكلفه .
أسف الرينو الكليو مش الميجات
أرتفاع فى الاسعار ليه؟
مش لما يظبطو الدهان بتاعهم الاول
كل الناس بتشتكى من دهان الافيو المصرى
المفروض فعلا أن العربيه لما يزيد أنتشارها ترخص لكن ده مابيحصلش في مصر العربيات اللي بتنتشر بيزيد سعرها لزيادة الطلب عليها لكن رأيي الشخصي في الأفيو من ساعة ماقرر منصور أنه يجمعها في مصر ويبيعها بنفس السعر أنه كده بيقول للناس أن اللي عاجبه عاجبه واللي مش عاجبه يخبط دماغه في الحيط هي صحيح عربيه حلوه بس لما تبقى مصري بنفس سعر الكوري يبقى مع السلامه بعتبر أنها عربيه كويسه بس مالهاش قطع غيار مثلا وأفكر في البديل على طول وخليها تخلل عنده والبدائل كتير
( النيو أكسنت (كوري برضه) والياريس والرينو كليو والهيونداي ماتريكس والنوبيرا والجين 2 والبيجو 405 والفيرنا والفيات باليو وبونتو ....الخ)