الجيزة تقرر وقف ترخيص "التوك توك"

أعلن د.مصطفى الخطيب رئيس المجلس الشعبى المحلى بالجيزة، أنه لن يتم الموافقة على ترخيص مركبات توك توك أخري، وسيتم مصادرة جميع المركبات غير المرخصة، والمخالفة لخطوط السير، موضحا أنه تم ترخيص حوالى 5 آلاف توك توك وهذا عدد كاف على المحافظة.

جاء ذلك خلال اجتماع المجلس الشعبى المحلى مساء أمس الاثنين بحضور نائب المحافظ والسكرتير العام، وشدد الخطيب على أعضاء المجلس الشعبى المحلى بعدم الوساطة لدى إدارة المرور، والأحياء عندما يتم سحب توك توك مخالف.

وكلف الخطيب عماد آدم رئيس حى بولاق الدكرور بالتنسيق مع الإدارة العامة لمرور الجيزة بإزالة جميع الإشغالات من أمام محطة مترو فيصل لأنها تعوق الحركة المرورية بالمنطقة.

ووجه الخطيب للواء محمد ياسين نائب المحافظ بمخاطبة وزير الصحة لإغلاق الصيدليات التى تبيع الأقراص المخدرة، خاصة أنه تم ضبط 4 صيدليات بحى الوراق تقوم ببيع الأفراص المخدرة للشباب، ولم يتم غلقها.

ومن جانبه قال اللواء محمد ياسين نائب محافظ الجيزة، إن مركبات التوك توك لا تيسير وفقا لخطوط السير المحددة لكل مركبة وفقا للترخيص، مشددا على رؤساء الأحياء وإدارة المرور بإلزام أصحاب مركبات التوك توك بالسير وفقا للخطوط المحدده لهم، ومصادرة جميع المركبات غير المرخصة

توك توك أيه و كلام فاضى خليهم يروحوا يشتغلوا فى أماكن محترمه مثل قاطعى طرق أو مروجى مخدرات أو حتى نشالين .......... عليه العوض

معلش هو مش التوك توك دا فاتح بيوت شباب مش لاقي شغل مش هتبص ان فيه ناس بتسرق بيه ولا بتخطف يعني كل بتوع التاكتك حراميه لا طبعآ ولا كل بتوع التكاسات حراميه لا طبعآ بس المشكلة ان فئة استغلت التوكتوك استغلال سئ بس حرام عليهم يلغو ترخيصه طيب هما استوردوه من الاساس ليه ولا مصالح للسيد الوزير المبجل يوسف بطرس غالي عندما قام بزيارة الهند المشئومة ابان لما كان وزير التجارة واستوردلنا التوك تك

هو من امتي التوكتوك بيترخص اصلا ؟ :majd(4):

اقتباس:

---

المشاركة الأصلية كتبت بواسطة romeo_6887

هو من امتي التوكتوك بيترخص اصلا ؟ :majd(4):

---

المقصود ترخيص المحافظه او الحي التابع ليه وليس ترخيص مرور وعقبال محافظه القليوبيه لأن بقي أكترهم قطاع طرق وبلطجيه وبيوقفوا الناس علشان يسرقوهم بالأكراه خصوصا لو ماشي في مكان فاضي وهادي باليل ده غير الأفعال الفاضحه اللي بتحصل فيه باليل وده انا شفته بعيني

والله احسن قرار اخدوه لان اللي معترض على القرار ده ييجي يشوف المنظر ويشوف المشي عكس الاتجاه سبحان الله بيروح عكس وبيرجع عكس من الناحيه التانيه !! طيب ايه النظريه مش عارف؟؟
وانا شفت قدام عيني تكتك خبط عربيه وصاحبها جه يكلمه نزل فتح عليه مطوه وقاله امشي من وشي انا مش فايقلك :L_bhuhhh[1]:

اقتباس:

---

المشاركة الأصلية كتبت بواسطة romeo_6887

هو من امتي التوكتوك بيترخص اصلا ؟ :majd(4):

---

ايوه بيترخص وعاملينله نمر جديده حروف وارقام زي بتاعت التاكسي بالظبط بس صغيره على قده
وكانو قافلين مرور فيصل من كتر التكاتك اللي كانت بتفحص :36_9_4:

حاسين نفس الاحساس اللي انا حاسه ؟؟؟


مصر بتتقدم بينا :U_thin1[1]:

اقتباس:

---

المشاركة الأصلية كتبت بواسطة mahfouz1983

معلش هو مش التوك توك دا فاتح بيوت شباب مش لاقي شغل مش هتبص ان فيه ناس بتسرق بيه ولا بتخطف يعني كل بتوع التاكتك حراميه لا طبعآ ولا كل بتوع التكاسات حراميه لا طبعآ بس المشكلة ان فئة استغلت التوكتوك استغلال سئ بس حرام عليهم يلغو ترخيصه طيب هما استوردوه من الاساس ليه ولا مصالح للسيد الوزير المبجل يوسف بطرس غالي عندما قام بزيارة الهند المشئومة ابان لما كان وزير التجارة واستوردلنا التوك تك

---

والله لو شفت منظر اللي بيسوقوه هتروح تولع في البيوت اللي خرجت الاخلاق دي :_Alshmokh08[1]:
يعني الشغل خلص من البلد ؟؟

يعني كلها سنة ولا حاجة ونمرة التوكتوك توصل خمسين ألف جنية زي نمر التاكسيات ما بقت بمبالغ

يدوب الحق ابيع العربية واشتري توكتوك

لما عربيتك تتخبط او تتكحت من الاربع ابواب والرفارف والاكصدام هتعرف كويس هما بيشتغلوا ايه؟؟
هما فعلا قطاع طرق وبلطجية وبيكسبوا مكاسب رهيبة تعالى الهرم وفيصل وشوف كمية الاكسسوارات على التوك توك قد ايه وماركات السيارات(اللوجو) المسروقة السماعات و عدة الصوت والنفير الاستانلس ...
يا راجل ده بيحطوا بالعشرين مراية على الجنبين ....
ربنا يسترها علينا احنا منهم