-
العربيه 128 بقت نصفين
يا جماعه ارجو المساعده
الموضوع انى رحت اربط عفشه العربيه العفشجى قالى علبه الدكسيون بتخبط والعربيه فيها كسور
لما بيهز الدركسيون يمين وشمال ورانى النص الامامى بيلعب شمال ويمين مع حركة الدركسيون وده بيبان من الرفارف
عاوز اعرف اللحامات دى علشان تتعمل الموتور لازم يتشال ولا فى حل تانى
تانى حاجه انا لسه عامل العفشه وضبط زوايا ، والعجل الخلفى قافل من تحت يا ترى ده من الزوايا وللا تكون السوست محتاجة تتقنطر
-
السمكري هو الي يقدر يحدد اذا كان الموتور لازم يتشال علشان يلحم و لا لا و دة حسب بعد او قرب الشروخ عن الموتور.
موضوع العجل الخلفي لاو قافل من تحت دة يعني السوستة متعلية زيادة, لاو عايز تعدلة لازم تفك القنطرة الخلفية (السوستة) و تقلل الدوران بتاعها عند اي حداد او بتاع عفشة.
-
-
خللى بالك لو تقدر تشيل الموتور يكون افضل علشان السمكرى يقدر يشتغل براحته ويعمل الشغل على نظافه ولو فى شروخ مش واضحه تبان
لان ليا واحد صاحبى كان عنده نفس المشكله فى bmwمو 79 وراح لسمكرى قالو لازم اشيل الموتور وراح لواحد تانى قالو لا ممكن اشتغل كده وفعلا بدأ يشتغل من غير ما يشيل الموتور وللاسف بعد مطلع عينه برضه العربيه متظبطتش غير لما شال الموتور
فرايى رغم ان الموضوع حيكون مكلف وفيه شويه وجع دماغ انما علشان تعمل الحاجه صح يبقى تشيل الموتور
-
يفضل تشيل الموتور علشان العربية تتعمل بنضافة
وياسلام بقى لو تخلع الرفرفين الامامين علشان تلحم القوايم كويس واى برومة تحتهم تظبطها
وبالتوفيق ان شاء الله
وبالنسبة للعجل اللى قافل من تحت دة لو العربية عالية من ورا يبقى دة عادى وانت ممكن كمان تروح لواحد بتاع سوست يوطهالك لو انت حمولتك مش كبيرة
-
مفيش كلام بعد كلام الناس دية
شيل الموتور وشد العربية صح
هيكلفك 150جنية تقريبا
وشوف المساعدين عشان ممكن يكونوا هما سبب الشروخ اللي في الشاسية
-
الف شكر لكم جميعا على الاهتمام وربنا يقدم ما فيه الخير
Content Relevant URLs by
vBSEO 3.6.0 PL2