الموضوع: أفضل انواع الاطارات في مصر

المشاركة الأصلية كتبت بواسطة hazem ali

انا مقدرش احدد نوع واحد واقول انو كويس لكن في الغالب يعني الحاجه الالماني والياباني بتبقا غالية وجودتها كويسه لكن فيه ناس بتحب تجرب انواع تانيه وده مش غلط بس ممكن بيغير الكاوتش على كيلومترات اقل بشوية


النقطه الى عايز اقولهالك خلي بالك من ضغط الكاوتش شوف عندك في الكتالوج او لما تفتح باب العربية هتلاقي ضغط الاطار المناسب للعربية ياريت تلتزم بيه عشان تقدر تحافظ على الكاوتش وعشان متحسش انو الكاوتش شديد وانته بتطلع المطب ولازم تزويد الهوا يكون والعربية بارده مش ماشية اكتر من 1.5 كيلو عشان تدي قياس صح

وبالنسبة لتعريض الكاوتش هتلاقي الكتالوج بيديك مقاس انش زياده شوف مقاسوا ايه وهات زيوا لكن متعرضش بأي مقاس ...لكن تقريبا كده هتحتاج تغير الجنوط

شكرا اخي الفاضل
بالنسبة لشراء جنوط جديدة -- غير متاح لي حاليا بسبب السعر عشان لو تجيب يبقي حاجة نضيفة --- بس ملحوظة كده بالنسبة للناس اللي مجنطة دايما بلاقي الكاوتشات الامامية بتحك -- حاسس كده ان العربية دي ليست مثالية في موضوع الجنوط خاصة العريضة

المشاركة الأصلية كتبت بواسطة م.احمد زكريا

حد جرب الهانكوك

منشر جدا في الخليج

السلام عليكم
و الله يا سيدي الفاضل --- عندي استعداد اجرب اي حاجة بتنزل الخليج حتي لو كانت تصنيع موزمبيق -- لان فعلا في فرع حتي في الماركات العالمية ما بين هنا و هناك

مساء الفل على الأعضاء المحترمين
أنا عايز أشترى فردتين كاوتش 205/55/16 لسيارة اوبل فيكترا c
و مش عارف أشترى إيه - يا ريت إفادتكم إيه أحسن حاجة من حيث النعومة و الثبات و الصوت علما بأنى ما بجريش كتير و أنا فى المنصورة
شكرا ليكم

المشاركة الأصلية كتبت بواسطة ma7souboz

مساء الفل على الأعضاء المحترمين
أنا عايز أشترى فردتين كاوتش 205/55/16 لسيارة اوبل فيكترا c
و مش عارف أشترى إيه - يا ريت إفادتكم إيه أحسن حاجة من حيث النعومة و الثبات و الصوت علما بأنى ما بجريش كتير و أنا فى المنصورة
شكرا ليكم

معلش المقاس طلع r16/55/215

الحمد لله اشتريت 4 كاوتش بريدجستون gr90 205 /55 r16 يابانى كان فيه عرض الفرده ب755

بصراحة .... ان مجرب دانلوب فى 3 مرات تغيير الأربع عجلات
عشرة على عشرة
بيعملوا 80 الف مستريح .... وعمره طويل والصلاحية ممتدة
بس هو قليل شوية ... مش منتشر فى السوق
وفيه منه ألماني وياباني وجنوب أفريقي