سؤال ومحتاج اجابه
عرض للطباعة
ناس بتشكر فى كونتننتال المانى وانا برشحة كأرخص من المشلان والبريدجستون واحسن من الصينى والتايوانى وبالتوفيق
طيب ايه رايكم فى مقاش 16*205*55 انا ادامى كونتنتال المانى 675 , وفى ماركه اسمها اكسليرا 525 وفالكون يابانى 700 ووبيريلى رومانى 800 ,
ايه الاختيار الامثل انا عاجبنى كونتننتال
بس نسيت اقول لك
الأحسن منهم بقى الميشلان الفرنساوى والبريدجستون اليابانى
بعد أذنكم يا جماعة انا عندى رأى
مع أحترامى لكل أسامى الشركات ذات السمعة مثل بريدجستون وميشلان.. الخ
أن المهم هو مواصفات المنتج
وبالنسبة للإطارات المواصفات بتبقى موضحة فيما يسمى الملصق الأوروبى EU LABEL اللى بيحدد 3 نقاط وهى
1-wet grip محدد برموز من A الى G
2-fuel efficiency محدد برموز من A الى G
3- noise levels محدد برقم كلما قل كان أفضل
الموقع ده يساعدك على فهم الملصق الأوروبى Energy: Tyre labelling - European Commission
أيضا المواصفات الخاصة بالآتى:
Treadwear محدد برقم كلما زاد كان أفضل يعنى 420 افضل من 400 مثلا
Traction محدد برموز أفضلها AA
Temperature محدد برموز أفضلها AA
والحمولة ومحددة برقم له جدول بيوضح كم كجم حمولة الأطار
ورمز للسرعة له جدول بيوضح أقصى سرعة يتحملها الأطار ولوقت قصير
وفى ناس بتهتم بعدد طبقات المداس Tread
وطبعا تاريخ الأنتاج لأن كلنا عارفين أن عمر الأطار حتى لو لم يستخدم 5 أو 6 سنوات
والله أنا ليه تجربة واكتشفت أن اللى ناس نصحتنى بيه وشكرت فية كان أقل فى مواصفات الجودة
لدرجة أن البريدجستون كان مواصفاتة أقل فى هذا المقاس!
محدش يجرى ورا الأسم المهم المواصفات اللى مكتوبة ومطبوعة على الأطار
أرجو أن تقتنعو وتقبلو رأى المتواضع
والله يوفق الجميع لحسن الأختيار
Yokohama c drive
جي تي. ولا ماكسيس. ولا. جودير. المقاس. ١٨٥/٧٠/١٣. هوندا سيتي
مقاس السيتي ٨٠/١٦٥/١٣ لانه مش موجود وقليل ركبت المقاس البديل ٧٠/١٨٥/١٣ وركبت الجودير عجله نعمه كويسه جدا الحقيقة
السلام عليكم
محتاج اغير كاوتشات التو 2013 -- اللي راكب فيها هو جوديير المقاس 145/70 r13
بالنسبة لكاوتش الجوديير --- هي فردة حلوة بس ناشفة في المطبات و كمان صوتها عالي جدا علي الطريق --- محتاج اغيرها و ياريت لو ينفع اجيب اعرض شوية مثلا 155 --- تنصحوني ايه ل التو
كونتيننتال فرده طريه جدا و مواصفاتها عاليه اوي بس عيبها انك لو سقت على تراب ناعم كانك سايق على زيت
ContiCrossContact™ UHP
السلام عليكم
التو 800 2013 -- السيارة جاية بكاوتش جودييير -- عايز اغير الاربع فرد -- ال جود يير كويس بس مشكلته انه ناشف شوية في المطبات و كمان ليه صوت مسموع علي الطريق --- المقاس
145/70 13
ايه افضل نوع لهذا المقاس --- و كمان ينفع ازود شوية المقاس يبقي 155 == و اللا لا- - و اللا اخليني في الجود يير -- انا عملت بيه 41 كيلو - و التوكيل قاللي الاربع فرد عايزين يتغيروا -- بدلت الكاوتشات لحد ما اشتري
ارجو الرد
انا مقدرش احدد نوع واحد واقول انو كويس لكن في الغالب يعني الحاجه الالماني والياباني بتبقا غالية وجودتها كويسه لكن فيه ناس بتحب تجرب انواع تانيه وده مش غلط بس ممكن بيغير الكاوتش على كيلومترات اقل بشوية
النقطه الى عايز اقولهالك خلي بالك من ضغط الكاوتش شوف عندك في الكتالوج او لما تفتح باب العربية هتلاقي ضغط الاطار المناسب للعربية ياريت تلتزم بيه عشان تقدر تحافظ على الكاوتش وعشان متحسش انو الكاوتش شديد وانته بتطلع المطب ولازم تزويد الهوا يكون والعربية بارده مش ماشية اكتر من 1.5 كيلو عشان تدي قياس صح
وبالنسبة لتعريض الكاوتش هتلاقي الكتالوج بيديك مقاس انش زياده شوف مقاسوا ايه وهات زيوا لكن متعرضش بأي مقاس ...لكن تقريبا كده هتحتاج تغير الجنوط
حد جرب الهانكوك
منشر جدا في الخليج
مساء الفل على الأعضاء المحترمين
أنا عايز أشترى فردتين كاوتش 205/55/16 لسيارة اوبل فيكترا c
و مش عارف أشترى إيه - يا ريت إفادتكم إيه أحسن حاجة من حيث النعومة و الثبات و الصوت علما بأنى ما بجريش كتير و أنا فى المنصورة
شكرا ليكم
الحمد لله اشتريت 4 كاوتش بريدجستون gr90 205 /55 r16 يابانى كان فيه عرض الفرده ب755
بصراحة .... ان مجرب دانلوب فى 3 مرات تغيير الأربع عجلات
عشرة على عشرة
بيعملوا 80 الف مستريح .... وعمره طويل والصلاحية ممتدة
بس هو قليل شوية ... مش منتشر فى السوق
وفيه منه ألماني وياباني وجنوب أفريقي