هل بتستفيد من عربيتك بقدر الفلوس ال دفعتها فيها؟
لان انا اعرف ان في بعض النا س عندهم العربيه واستعمالهم بسيط
علي سبيل المثال اناممكن تقعد اسبوع و2ما لمسهاش
عرض للطباعة
هل بتستفيد من عربيتك بقدر الفلوس ال دفعتها فيها؟
لان انا اعرف ان في بعض النا س عندهم العربيه واستعمالهم بسيط
علي سبيل المثال اناممكن تقعد اسبوع و2ما لمسهاش
انا وضعي زيك بالظبط
ممكن اروح بيها مشوار 30 كيلو بالكتير
مره كل اسبوع او حتي 10 ايام
فى ناس العربية عندها لها احتياج قوى زى الناس اللى بتسافر كتير او الناس اللى بين سكنها و بين شغلها مسافة كبيرة نسبيا..... و الناس دى لازم يكون معاها عربية اعتماديتها عالية و بالنسبة لهم شراء الزيرو مهما كان متعب بس له ما يبرره.....و فى ناس استخدامها للعربية بسيط و بالتالى مش شرط العربية تكون زيرو..... يكفى عربية تكون حالتها كويسة و بتقضى الغرض..... و فى ناس مش مهم الاستخدام بتاع العربية انما المهم البرستيج اللى بتديه العربية لصاحبها و بالتالى المهم هوالماركة و النوع و السعر و مثل هذه الاشياء لزوم الوجاهة و الفشخرة الاجتماعية..... و دول غالبا مش بتكون الفلوس فارقة معاهم اصلا......
انا مابستخدمش العربية الا فى المشاوير المهمة فقط
سفر اومشوار بعيد او معايا العيلة
يعنى استخدام خفيف
المفروض كده في الأيام دي بالذات ومع ارتفاع البنزين المتوقع والزحام الرهيب قصر الخروج بالسيارة للضرورة القصوى
يعني انا بستعملها كتير حتى ف المشاوير القصبره
حبيبتي مقدرش استغنى عنها
انا مشواري كل يوم 70 كيلو والمواصلات قليله جدا وغير ادميه
يعني انا ممكن اخد في المواصلات 2 ساعه بس في العربيه نص ساعه بالكتير ده غير الراحه
دلوقتي بقت العربيه هي رجلي مقدرش امشي من غيرها
فى الفترة الحالية بسبب ظروف الشغل العربية يادوبك بروح بيها مشوار ولا اتنين و ارجع اركنها
علشان كده هى مناسبة ظروفى ولو جبت حاجة احدث هتتركن نفس الركنة
كل يوم مشوار الشغل (50 كيلو × 2) بالاضافة لمشاويري الشخصية فأكيد مستفيد بيها
كل يوم مشوار الشغل (25 كيلو × 2) بالاضافة لمشاويري الشخصية فأكيد مستفيد بيها , و في المستقبل ان شاء الله لما ابقى فاتح بيت هابقى محتاجها اكتر
انا استخدام بسيط للعربية بس مقدارش استغنا عنها