عرض للطباعة
ازيكم
مبدئيا مبروك ليا عشان اقرب اخلص تشطيب الشقه اللى طلعت عينى
المهم بقى
انا كنت بفكر اجيب حوض سمك و احط فيه كام سمكاية كدة زينة و بيبقى منظرهم حلو بصراحة
بس المشكله انى مليش فى الموضوع دة خالص
مش عارف اروح فين و اجيب او اسال على اية
انواع السمك...اكلهم...الحوض...الخ الخ الخ
يا ترى حد هنا غاوى الموضوع دة يقدر يفيدنى؟
شاكر ليكم
انت ساكن فين و انا ادلك
في محل مشهور جدا في غمرة في شارع رمسيس ومتخصص في اسماك الزينه فقط اسمه انطوان عزيز عنده كل مستلزمات اسماك الزينه من احواض ومواتير زفلاتر بس يمكن اسعاره تكون غاليه شوية بس بصراحه بضاعته كويسه
المحال التجارية الخاصة بالهواة في القاهرة :
- سوق الجمعة (سوق التونسي) وهو سوق أسفل كوبري التونسي على الأوتوستراد.
- محلان لـ أنطوان عزيز بشارع رمسيس: وهما : ناجي أنطون ( 191 شارع رمسيس ) والآخر بعده بحوالي 300متر ( أسماك الماء العذب والمالح والأحياء البحرية ومستلزماتها).
- محل نبيل صبري بشارع رمسيس ( ويقع بين محلي أنطوان عزيز ) ، (أسماك الماء العذب وطيور ).
- محل كوكتيل (شارع الدويدار بحدائق القبة).
- أربعة محلات بشارع جسر السويس ومنهم : محل إسلام ، ومؤمن ، (بداية من روكسي وحتى السبع عمارات ).
- محل كريزي فيش (بين إشارة روكسي وكوبري التجنيد).
- محل دولفين (خلف السلاب بمدينة نصر).
- محل ثروت (شارع عدلي بوسط البلد بجوار شارع الشواربي)،(أسماك وحيوانات أخرى بكافة أنواعها).
- محل فى مدينة نصر فى تقاطع يوسف عباس مع خضر التوني.
- محل بجوار كنتاكي في مصطفى النحاس بين عباس العقاد ومكرم عبيد.
- مدينة الرحاب بالقاهرة الجديدة بالسوق التجاري بجوار الشبراوي.
- محلان في ميدان النعام في عين شمس.
- محل في ميدان الألف مسكن .
- القناص تقاطع شارع رياض وعبدالرحمن - حلوان
- عالم البحار تقاطع شارع لطيف على شارع فيضي - حلوان
أما محال المستوردين المخصصة للتجار حيث البيع بالجملة فقط في القاهرة:
- محمد شكيب (أسماك).
- سمير شوقي (مستلزمات تربية الأسماك و أكل الأسماك بالجملة ).
- محمد سمير (مستلزمات تربية الأسماك ).
- مراد الدمرداش (أسماك).
- دكتور واصف (أسماك و مستلزمات تربية الأسماك ).
- دكتور نظمي السيد (مستلزمات تربية الأسماك).
- محمد السلحدار (أسماك و أكل الأسماك بالجملة).
العناوين في الإسكندرية:
- سوق الجمعه كرموز.
- محل أمام فتح الله المنتزه.
- محل سيدي بشر (آخر كوبري جمال عبدالناصر باتجاه المنتزه على اليمين).
- محل بقرب مستشفى مبره العصافرة .
- محل في سوق زنانيري .
- محل في شدس علي الترام (بين شدس و صفر).
- محل في أسبورتنج على شارع بورسعيد.
- محل في الشاطبي أمام كلية طب اسنان.
- محل في سموحه أمام السوبر جيت.
- محل في سموحة ميدان فيكتورعمنويل.
- محل في كليوباترا -شارع بورسعيد (الوسعاية).
- محل في سيدي جابر (شارع متفرع من سوق زنانيري).
- محل امير فى الشارع المقابل لمحل تاكى بشارع جمال عبد الناصر قبل مشويات حسنى ( بواسطه mr_ref )
العناوين في دمياط:
- ميدان سوق الحسبة بجوار صيدلية والى ( الموجى - دولفين ).
- ش التجارى بجوار جامع البحر ( بديع العاصى ).
- سوق الحسبة بجوار مكتبة القدس ( شريف ).
منقول للافادة
المعادى شغال و حلوان شغالاقتباس:
المشاركة الأصلية كتبت بواسطة Nile_Storm
دول اقرب حاجة ليا...ان شاء الله هروحلهم و اجيبلكم سمكة معايااقتباس:
المشاركة الأصلية كتبت بواسطة amr5500
:hat::burnout:
انا اسمع ان تربية السمك غالية دة فية سمكة هبلة صغيرة غالية اوي بتمسح الزجاج بتاع الحوض علي
العموم لما تعرف الاسعار ابقي قولنا
ومبروك عليك تشطيب الشقة
مش غالية و لا حاجة دى سعرها يبدأ من 7 جاقتباس:
المشاركة الأصلية كتبت بواسطة hemeds82
السمكة اللى بتمسح الحوض كنت بجيبها ب2 جنية صغيرة ، وفى اللى بتنضف الجرش بحوالى 5 جنية
والأهم أنك تشوف السمك اللى بيعيش مع بعض (هتلاقى سمك صغير هيقولك خدوا ببلاش أو بجنية أو بأتنين متشتريهوش ، حتى لو قالك بيولد كتير ) لأنه بيموت السمك
معلش يا باشا سؤال هو سعر الحوض كام ومتهيالي بيبقي فية موتور لتجديد المياةاقتباس:
المشاركة الأصلية كتبت بواسطة gemino
لاني فعلا نفسي اجيبة لانة بيريح الاعصاب جدا :36_1_50[1]:
وشكرا
حسب الحجم انت ممكن تعمل حوض بسمكه ب 150 جنيه و انت طالع
سؤالاقتباس:
المشاركة الأصلية كتبت بواسطة م/مصطفى محمود
يعنى اية بتمسح الحوض و بتنضف الجرش؟؟؟
بيبقى على الزجاج بقايا شوائب عالقة ، السمكة دى بتفضل تتغذى على العوالق دى (هتلاقيها لازقة على طول فى الأزاز)
http://upload.wikimedia.org/wikipedi...leco_vetro.jpg
http://home.comcast.net/%7Emyrddraal...mon_Pleco.jpeg
ودى اللى بتنضف الجرش (القاع) وبتاكل البواقى والمُخلفات
[IMG]file:///C:/Users/moos/AppData/Local/Temp/moz-screenshot.png[/IMG][IMG]file:///C:/Users/moos/AppData/Local/Temp/moz-screenshot-1.png[/IMG]http://www.petfish.net/pix/arts3/albinocory-mickel.jpg
http://www.sydneycichlid.com/gallery...as-melanistius
يا جماعة أنا عندي حوض سمك (جولد فيش - ليون جولد فيش - ريد تيب شارك فيش - كات فيش و كووي فيش ) أنا بقالي كتير أوي بدور على كلاون فيش (سمكة جميلة أوي, مخططة برتقالي وأبيض) زي اللى في فيلم نيمو ... حد يعرف ألاقي الكلاون فيش دي فين؟؟
الكلاون فيش الي بتقول عليها دي سمكه بحريه
يعني عاوزه حوض مالح عاوز تشوفها هتلاقيها دايما في محلات انطوان عزيز برمسيس
شكراً يا باشا على المعلومة .. أنا بفكر أغير الحوض الى مالح لأن سمك الملح أحلى من العذب
وانا بفكر بس ده عاوز احترافيه عاليه لتوفير بيئه مناسبه زي البحر زائد انه مكلف جددددددا عن العذب علي الاقل هتخش في الف جنيه
فعلا مكلف جدا و عايز مكان هادى فى البيت مافيهوش حركة كتيير علشان ابدى العبث و خصوصا الاطفالاقتباس:
المشاركة الأصلية كتبت بواسطة nile_storm
و كفاية ثمن البروتين سكيمر و ال r.o فيلتر
ربنا يوفقك يا باشا انا متابع الموضوع ده
بس عايز الاول اجيب قفص عصافير كخطوه اول وبعدين نفكر فى السمك
الاولى بلاك ستوماساقتباس:
المشاركة الأصلية كتبت بواسطة م/مصطفى محمود
والتانية كات فيش
نصيحة لو مالكش في تربية السمك بلاش
لازم تكون غاوي وتستحمل الارهاق اللي بيجي من وراه مقابل استمتاعك بيه
السؤال دلوقتى لما رحت اتفرج
لقيت احواض باغ ولقيت احواض زجاج
كشكل الباغ اشيك واحلى
لكن اية اللى عملى اكتر مش عارف
يا ترى حد عنده عيوب لاى نوع من النوعين؟ ويقولنا نفضل اية
ازيك يا بشمهندس كريماقتباس:
المشاركة الأصلية كتبت بواسطة karim_monir
انا بصراحة مليش فى تربيه الاسماك بس عندى دافع انى اتعلم
يا ترى اية الارهاق اللى ممكن يجيلى من وراه؟
واية الحاجات الدورية اللى الواحد المفروض يعرفها كمبتدىء
الارهاق فى متابعة ورعاية الاسماك من ناحية الطعام والحفاظ على البيئة
المثالية للمياه ومتابعة الاكسجين ودرجة الحرارة ومعرفة الادوية
الخاصة بالاسماك و طبيعة الامراض ...الخ
ده غير الرابطة بيه وما تعرفش تسافر لمدة طويلة الا اذا كلفت حد برعايته
والحرص على نظافة الحوض ومكوناته وده عمل ممل ومرهق
خصوصا بعد ما تتعود عليه ويبتدى يقل مقدار استمتاعك بيه