السلام عليكم ......اولا ارجو منكم الدعاء لوالدى بالرحمه ..توفاه الله منذ شهر ان لله وان اليه راجعون
ثانيا : حبيت احكى لكم عن تجربه مرت بى مع رشاشات الدايو . عربيتى لانوس 99 تقفيل مصرى تكييف_ باور منذ شهرين غيرت الرشاشات و جبت رشاشات دايو استيراد ..اللى عجبنى فى الموضوع الطريقه اللى جرب بيها الميكانيكى الرشاشات الجديده ...
1:شال المسطره و طلع الرشاشات القديمه و ركب الجيده
2:ركب فيش الرشاشات وو صل خرطوم الببنزين
3:الواد الصبى دخل العربيه و دور ثانيه و بدأت الرشاشات تبخ البنزين و بعدين بطل العربيه
النتيجه ان بعد تبطيل العربيه شوفنا بواقى بنزين على الرشاشات و قالى كده الرشاشات دى بتسيل
غيرناها وجبت رشاشات غيرها و عملنا نفس الطريقه و الحمد لله مفيش ولا نقطه بعد تبطيل العربيه
قالى كده ميه ميه ... عجبتنى الفكره قلت اقولكم عليها .
بس اللى حصل بعد كده ان لقيت العربيه لازم تسخن اوى الصبح عشان اعرف امشى بيها و فكرتنى بالادا اللى كانت معايا طنشط شهرين و بعدين فكرت اجرب التجربه تانى و اكشف على الرشاشات بنفس الطريقه . روحتله مكنش فاضى ماشاء الله اكثر من 7 عربيات منتظرين دورهم .المهم روحت لواحد تانى قولتله اعمل اللى حقولك عليه ده طبعا مكنش مقتنع خالص و قالى ده لازم كمبيوتر اللى يكشف على الرشاشات قولتله بس اشتغل . المهم الراجل سمع كلامى و هو مش مقتنع و اول مبدأ التجربه لقيته مبسوط جدا منها و المفاجأه ان لاقت رشاش مش بيشتغل اصلا يعنى مش بيطلع بنزين خالص اقلى انت كنت ماشى بتلاته سلندر المهم غيرته و الحمد لله دلوقتى ادور واسخن فتره بسيطه و امشى على طول ..... اسف على الاطاله و اتمنى انى اكون قدمت شيء مفيد