نفسى اعرف لية كل ما ادخل على قسم لانوس الاقية العناوين كلها مشاكل رغم انى باعشق العربية دى
عرض للطباعة
نفسى اعرف لية كل ما ادخل على قسم لانوس الاقية العناوين كلها مشاكل رغم انى باعشق العربية دى
وياترى ايه هوالقسم الجميل اللى انت دخلته وملقتش فيه مشاكل :44:
علشان منتشره جدا ومش معقده
وناس كتير بتفهم فيها
ومعانا هنا ناس فى المنتدى فاهمين كويس و مبتتأخرش فى المساعده
خش على اي قسم تاني برده هاتلاقي فيه مشاكل في كل عربيه مش اللانوس بس
انا كمان لاحظت الموضوع ده وبعد شوية تدقيق لاحظت ان اللى عندهم مشاكل اصحاب عربيات موديل 99 و 2000 يعني عربيات بقالها 10 سنين ومنها ماشي 140 الف وبصراحه كتر خيرها قوي قوي لو هي دي بس المشاكل اللى بتحصل فيهابعد 10 سنين
تسريبات زيت وميه وحاجات مش قويه زي عمرات موتور او تغيير موتور او صدا او بارومه لا قدر الله.
بصراحه عربيات بقالها 10 سنين وماشيه فوق ال140 الف وتبقى ديه حالتها يبقى برافو.
وحاجه تانيه حلوه ان لو قابلتك اي مشكله هتعرفها من المنتدى وهتعرف حلها وممكن تعملها بنفسك او حتى توديها لميكانيكي بس هتبقى فاهم ومش هييشتغلك.
احنا البلد الوحيده اللي اتقلبت فيها الهامرر وكمان عطلت فيها على كوبري اكتوبر, يبقه اللانوس مش هتتعب مننا ياجماعه
:C_laugh[1]: :C_laugh[1]: :C_laugh[1]: :C_laugh[1]: :C_laugh[1]: :C_laugh[1]:
يا جماعة دة قسم الدايو يعنى كل واحد فية بيعرض مشكلتة و الخبراء زى: م.محمد ممدوح و م.سمير او اى حد تانى عاصر المشكلة دى فابيحاولو يساعدو وانا اظن ان حضرتك مش حتلاقى غير مشاكل و اتحلت او لسة بيحاولو فيها و على فكرة دة كل الاقسام فيها الحوار دة فيها الجزء المستفيد(زيى) وفيها الجزء اللى بيفيد(الخبراء) ,, ياريت اكون قدرت افيدك
طب وإيه المشكل؟
أنا بحس إن العربية دي بتجبرك تحبها أساسا .
دي هي اللي عرفتني على كل الناس الحلوة دي.
شكرا لكل الاخوة اللى ردو على الموضوع وفعلا اى نوع فى مشاكل