مشكلة فى الفتيس و التوكيل بيرفض تغير الفتيس

**Waleed_Fathy** · 23-02-2010 08:54 PM

من فترة حوالى 15 يوم روحت اعمل صيانة و اشتكى من علو صوت السيارة الزائد عن الحد الطبيعى

بعد الكشف تبين ان السيارة مشيت 30 الف كم و الفتيس ناقص 2 كيلوا زيت

المهم كملوا الزيت و قالوا كله هيبقا تمام كده ان شاء الله

مش اطول عليكم المهم بعد كده ابتديت اسمع كمان صوت ونه و الصوت زى ما هو
روحت امبارح مركز الخدمه المعتمد فى جسر السويس
المهندس هناك قال هاتها فى يوم تانى نفك الفتيس و نشوف ايه اللى فيه و لو محتاج حاجه هنغيرها
قلت ليه مش من حقى انكم تغيرو الفتيس العربيه لسه فى الضمان قال لاء

تانى حاجه العفشه بتخبط جامد و مهندس الورشه هناك مصر على ان ده الطبيعى بتاع العربيه

رايكم اعمل ايه؟؟؟؟؟؟؟؟

**aelhossan** · 23-02-2010 10:50 PM

هوه العربيه نوعها ايه

**Waleed_Fathy** · 23-02-2010 11:09 PM

المشاركة الأصلية كتبت بواسطة aelhossan

هوه العربيه نوعها ايه

تيجو 2000 سي سي مانيوال

**nogafoda** · 23-02-2010 11:17 PM

عليك وعلى حماية المستهلك هيجبولك حقك

**romeo_6887** · 24-02-2010 02:52 AM

صوت ونه في الفتيس ده موضوع خطير نوعا ما
انت لازم تروحلهم تاني عشان الموضوع ده

بالنسبه لموضوع التخبيط
روح لاي عفشجي و خليه يبص علي العفشه
لو كله تمام
ربط العفشه و شوف
و ان شاء الله بسيطه
و خليك وراهم لغايه ما تحل موضوع الفتيس

**mameen** · 24-02-2010 10:18 AM

روح ابو رواش احسن من اللي في جسر السويس

**echonight** · 24-02-2010 04:11 PM

ولله يا جماعه انا معجب جدا بالتيجو بس من كم المشاكل الي بسمعها عنها هنا و في النتديات التانيه مخوفاني قوي.انا عاوز اشتري عربيه تريحني مش تحرق دمي انا مش عارف ليه التوكيل ميتاكدش الاول من العربيات بتاعته قبل ما يبعها .انا قرات علي موقع كونتاكت كار ان أغلب الشكاوي الي بتروح لحمايه المستهلك معظمها في السيارات الصيني.وعلي فكره انا مش ضد الصيني لاني فاكر اول ما الكوري نزل كانت الناس بتتحك "هو فيه حد بيشتري عربيه كوي" و اتفرج دلوقتي علي العربيات الكوري و سعرها وصل كام.يلا لما نشوف التوكيل حيحسن حاله لو ده حصل انا حشتري التيجو علي طول

**Waleed_Fathy** · 24-02-2010 04:50 PM

المشاركة الأصلية كتبت بواسطة romeo_6887

بالنسبه لموضوع التخبيط
روح لاي عفشجي و خليه يبص علي العفشه
لو كله تمام
ربط العفشه و شوف
و ان شاء الله بسيطه
و خليك وراهم لغايه ما تحل موضوع الفتيس

العفشة متربطو مرتين ورا بعض بينهم 1000 كم فقط
و مع ذلك الخبط مش راح

المشاركة الأصلية كتبت بواسطة mameen

روح ابو رواش احسن من اللي في جسر السويس

و الله اجرب يمكن يكون افضل فعلا

المشاركة الأصلية كتبت بواسطة echonight

ولله يا جماعه انا معجب جدا بالتيجو بس من كم المشاكل الي بسمعها عنها هنا و في النتديات التانيه مخوفاني قوي.انا عاوز اشتري عربيه تريحني مش تحرق دمي انا مش عارف ليه التوكيل ميتاكدش الاول من العربيات بتاعته قبل ما يبعها .انا قرات علي موقع كونتاكت كار ان أغلب الشكاوي الي بتروح لحمايه المستهلك معظمها في السيارات الصيني.وعلي فكره انا مش ضد الصيني لاني فاكر اول ما الكوري نزل كانت الناس بتتحك "هو فيه حد بيشتري عربيه كوي" و اتفرج دلوقتي علي العربيات الكوري و سعرها وصل كام.يلا لما نشوف التوكيل حيحسن حاله لو ده حصل انا حشتري التيجو علي طول

انا هقول لحضرتك بمنتهى الامانه
السيارة ممتازه جدا ثبات هايل و فرامل كويسه جدا و ثباتها فى المناورات تحفه و سحبها انا شايف انه كويس جدا

لكن كل المشاكل اللى بتظهر اغلبها عيب تقفيل و مشاكل بسبب العماله المصرية الغير ملتزمه

**romeo_6887** · 24-02-2010 05:14 PM

المشاركة الأصلية كتبت بواسطة waleed_eissa

العفشة متربطو مرتين ورا بعض بينهم 1000 كم فقط
و مع ذلك الخبط مش راح

يمكن البطاحات الاماميه محتاجه تشحيم

**evram** · 25-02-2010 01:16 PM

لالالالالالالالالالالالال الالالالالالالالالالالالا لالالالالالالالالالالالال الالالالالا بلاش لبو روااش اقرا الموضوع دة و انت تفهم http://www.nilemotors.net/Nile/127193-a.html و بعد ماروحت تقرير العربية ولا مسا الخير عليكم ثانيا انا حتي لما بدوس علي الفرامل بحس ان هي مش هتوقف بخاف و ارف الهند بريك المهم اناكنت قولت الي التوكيل الحرامي قالو لية روحت لواحد بتاع تظبيط زويا و ترصيص الهم حكيتلة علي الي حصل و قالي علي فكرة لو المقص مكسور مش هتمشي انتين متر علي بعض و دة مش اول واحد يقولة لية نزل تحت العربية و قالي متظبطة و زي الفل ولا حتي ترصيص قلت لية طيب و الحدفة قالي الكاوتش الي راكب اولا مش حلو ثانيا دة سهم لازم كل واحدة في مكانة و انا ملخبط الدنيا و كمان الكاوتش عندي بايظ قالي هات كاوتش نظيف و املاة نيتروجين و صوت تزيقة العفشة دة قالي خالي البنزينة تغسلة بالجاز المهم قلت لية في صوت رفة لما بجري قالي دي البلي بتاع الكاوتش دة شغل ميكانيكي يعني احمد مهران و في النهاية بقول منهم للة بس ياريت تساعدوني و تجيبو لية انواع كاوتشات نضيفة و اسعارة حتي لو بالتقريب