كيف أصل إلى التجمع الخامس

**elhamra2006** · 23-02-2010 09:00 PM

أنا جاى من إسكندرية صحراوى ، كيف أدخل بعد بوابة الرسوم كى أصل إلى مركز شباب التجمع الأول بمنطقة التجمع الخامس - رجاء الرد سريعاً حيث أننى مسافر غداً ليلاً إن شاء الله

**otefa** · 23-02-2010 09:06 PM

قبل بوابات القاهرة بشوية هتدخل 6 اكتوبر وتنزل علي الدائري من اوله ها تفضل ماشي لغاية ما توصل كارفور وبعدين ها تركز مع المكتوب علي الطريق ها تلاقي الموضوع مايتوهش وتوصل بالسلامة

**AMIRELGOHARY** · 23-02-2010 09:17 PM

البوابة- ميدان الرماية- ش الهرم- المنصورية او المريوطية الى الدائرى.
خليك على الدائرى - ثانى نفق بعد كارفور المعادى من فوق متنزلوش ( اكادمية مبارك للامن )
. تدخل يمين حوالى 500-600 م وبعدين شمال لحد البنزينة
ومركز الشباب خلفها

**galalology** · 23-02-2010 09:38 PM

المشاركة الأصلية كتبت بواسطة AMIRELGOHARY

البوابة- ميدان الرماية- ش الهرم- المنصورية او المريوطية الى الدائرى.
خليك على الدائرى - ثانى نفق بعد كارفور المعادى من فوق متنزلوش ( اكادمية مبارك للامن )
. تدخل يمين حوالى 500-600 م وبعدين شمال لحد البنزينة
ومركز الشباب خلفها

وممكن كوبرى 6 اكتوبر لغاية مدينة نصر لو مش عايز تمشي في توهان الطريق الدائري ومن مدينة نصر اسأل اى حد هيقولك ميت الف واحد(توصل بالسلامة انشاء الله)

**masryxt** · 23-02-2010 11:07 PM

واسهل من كدة
تعدي البوابة وتكمل لحد ماتوصل الدائرى هاتلاقية معدي من فوق الصحراوي قبل ماتوصل الرماية بشوية
اول ماتشوفة تخليك ماسك يمين وتاخد المطلع اللي هاتلاقية اول ماتعدي من تحت الدائري وهاتلاقية بياخدك لفة كاملة لحد ماتطلع فوق الدائري تفضل ماشي طوالي لحد ماتلاقي يافطة علي اليمين بتقول المعادي القاهرة الجديدة التجمع الخامس تخليك ساعتها ماسك يمين ودي بقة وصلة المريوطية الجديدة
افضل بعدها مغ الطريق لحد ماتلاقي يافطة مكتوب عليها مدخل التجمع الخامس

اوعي تزهق المسافة من البوابة لمدخل التجمع حوالي 50 كيلو

مع تحياتي
وتحت امرك في اي سؤال

**M.ABDEEN** · 24-02-2010 11:09 AM

بعد ما تعدي البوابة وتعدي من بعدها تحت كوبري المحور كمل على طول لغاية ما تلاقي كوبري عالي وقبله يافطة الطريق الدائري يمين تطلعه وتمشي بتاع 4 كيلو وهتلاقي يافطة على اليميين مكتوب عليها المعادي والقاهرة الجديدة تدخله وتفضل ماشي بتاع 30 كيلو تقريبا لغاية ما تلاقي اكاديمية مبارك للامن على اليميين متنزيلش النفق اللي قصدها وتدخل يميين وتمشي بجانب صور الاكاديمية للاخر وتعمل يو تيرن وتدخل يميين كده انت بقيت في التجمع الاول

**ahmedsamir79** · 24-02-2010 11:22 AM

المشاركة الأصلية كتبت بواسطة masryxt

واسهل من كدة
تعدي البوابة وتكمل لحد ماتوصل الدائرى هاتلاقية معدي من فوق الصحراوي قبل ماتوصل الرماية بشوية
اول ماتشوفة تخليك ماسك يمين وتاخد المطلع اللي هاتلاقية اول ماتعدي من تحت الدائري وهاتلاقية بياخدك لفة كاملة لحد ماتطلع فوق الدائري تفضل ماشي طوالي لحد ماتلاقي يافطة علي اليمين بتقول المعادي القاهرة الجديدة التجمع الخامس تخليك ساعتها ماسك يمين ودي بقة وصلة المريوطية الجديدة
افضل بعدها مغ الطريق لحد ماتلاقي يافطة مكتوب عليها مدخل التجمع الخامس

اوعي تزهق المسافة من البوابة لمدخل التجمع حوالي 50 كيلو

مع تحياتي
وتحت امرك في اي سؤال

انا شايف ده احسن حل

**elhamra2006** · 24-02-2010 11:51 AM

والله ياجماعة انا شاكر لكم جميعاً وإن شاء الله يكون الموضوع سهل وكتر خيركم كلكم

**El.Hossieny** · 28-02-2010 12:10 PM

يعني يا جماعة ممكن من بوابات اسكندرية اطلع الدائري في اتجاه كارفور المعادي بس من غير ما اعدي علي الرماية و المنصورية ... ممكن وصف تفصيلي من ساعة لما الواحد يعدي بوابات القاهرة ؟