عاوز اشترى جولف 2

**dragon_devil** · 03-03-2010 04:37 PM

المشاركة الأصلية كتبت بواسطة mmffor

فعلا انت مش حتلاقي جولف ب 25 الف موديل 90 او حتى 86 ! انا مش تاجر على فكره انا كنت بدور على جولف ليا اليومين اللي فاتوا دول و قابلت صحاب جولف و اتكلمت مع سماسره. الجولف 2 السليمه بتعدي ال 33 الف. اللي حالتها في المتوسط من 29 الى 31 و التعبانه خالص و دي منصحكش تشتريها حتلاقيها ب 26 احد 28 لأن دي حتصرف عليها جامد و لما حتبيعها مش حتلاقي حد يشتريها! ثم ازاي تقارن جولف ب بولو ولا سيات ابيزا! زي مبتقارن كامري بكورولا او ماكسيما ب صني . الجولف فئه اعلى بجودة تصنيع اعلى بفئه سعريه اعلى بمواصفات رياضيه افضل! صالون اكبر عفشه احسن.

ياحبى وجهة نظرك ونحترمها بس مش معنا كدة انة مينفعش تتقارن العربيتين ببعض لاء طبعا يعنفع ال 2 يتقارنوا ببعض لائنهم قريب جدا جدا من بعض اولا الابيزا بيتركب عليها كل حاجات الجولف ومواتير الجولف يبقى ازاى مينفعش تتقارن ولو الجولف زى ما انتة بتقول يبقى انا بجد حد جامد جداااا فى شراء العربيات على الاسعار الى جبت بيها لصحابى عربيتهم والف شكر على ردك ياجميل

**mmffor** · 04-03-2010 09:41 AM

المشاركة الأصلية كتبت بواسطة dragon_devil

ياحبى وجهة نظرك ونحترمها بس مش معنا كدة انة مينفعش تتقارن العربيتين ببعض لاء طبعا يعنفع ال 2 يتقارنوا ببعض لائنهم قريب جدا جدا من بعض اولا الابيزا بيتركب عليها كل حاجات الجولف ومواتير الجولف يبقى ازاى مينفعش تتقارن ولو الجولف زى ما انتة بتقول يبقى انا بجد حد جامد جداااا فى شراء العربيات على الاسعار الى جبت بيها لصحابى عربيتهم والف شكر على ردك ياجميل

انت اللي حبي و روحي و حبيب قلبي و نور عيني. بس انا مش جميل قوي يعني عموما متشكر على دلعك ليا مع اني مش قد الكلام الحلو ده .

بص يا سيدي انت طبعا سهل جدا تسقط موتور اي عربيه لأي عربيه ده مش معناه ان العربيتين ممكن يتقارنوا ببعض . في اخ هنا مسقط موتور ميتسوبيشي دفع رباعي 2000 سي سي في عربيه اسبيرانزا 516 ! ده مش معناه ان الاسبيرانزا تتقارن بالجيب! و في ناس اعرفها بتسقط موتور الريجاتا 1400 في ال 128 ده معناه ان الريجاتا نفس فئة ال 128؟ دي نقطه .
النفطه التانيه حكاية السعر, في حاجه اسمعا لقط يعني عربيه لقطه, صاحبها مستعجل على بيعها لسبب حقيقي!! مش الحوارات يعني. ده بيوافق على البيع بسعر اقل من السوق لأنه معندوش وقت يستنى لحد ميجيلوا السعر اللي هوا عاوزه! او عربيه صاحبها ملوش في عوارات السوق و اللف و الدوران و انه ينزل مره و اتنين و تلاته غالبا بيكون مرتاح و مش فارق معاه الف واللا اتنين بس بيشتري دماغه من الوش و القرف. في الحاله دي السعر بيكون لقطه! لما حضرتك بتشتري عربيه بالسعر ده مره مثلا واللا حاجه ده مش معناه انك لازم تكون محظوظ دايما خصوصا لو كنت مستعجل على الشراء و معندكش وقت تستنى على الشراء 4 او 5 شهور لحد متيجي قدامك عربيه سعرها لقطه زي ما قولت.
انا من رأيي العربيه تكون لقطه لو حالتها فابريقه مش لو سعرها اقل الف او اتنين.
اساسيات سليمه و عارف انت راكب ايه, و لما تيجي تبيع حتلاقي الف مين يشتري. ده رأيي و شكرا على ذوقك
بس على فكره لو انت محظوظ كده انا ممكن اكلمك تشوفلي عربيه لما اكون ناوي و برضه ليك الحلاوه لو جبتلي حاجه لقطه بسعر لقطه. انا بفكر حاليا لمراتي في عربيه ماروتي مستعمل او حاجه في نفس الفئه السعريه و تكون حلوه. حاجه من 16 لحد 22 الف ياريت يكون قدامك حاجه بس اهم حاجه الحاله و حلاوتك محفوظه