الحكم بحبس سائق لمدة شهرا وتغريمه 5‏ آلاف جنيه لإلقائه قمامة في الشارع

نقلا عن مصراوى
أصدرت محكمة الجمالية بالحبس شهرا وغرامة ‏5‏ آلاف جنيه تدفع لصالح هيئة النظافة بالقاهرة‏ ضد قائد سيارة ألقى بمخلفاتها بالشارع.
وقال محافظ الدكتور عبد العظيم وزير معلقا على الحكم ، والذي يعد الأول من نوعه، أن حكم محكمة الجمالية سيعمل علي الحد من إلقاء المخلفات بالشوارع‏،‏ وسيساعد علي تشديد الرقابة علي السيارات المحملة بمخلفات الهدم‏،‏ واتخاذ إجراءات قانونية ضدها في حالة قيامها بإلقاء حمولاتها بالشوارع بدلا من توصيلها الي المقالب المخصصة لهذه المخلفات‏ ويتم خلالها تدوير المخلفات حسب عناصرها وإجراء عملية الدفن لها‏.
وطلب المحافظ من هيئة النظافة بعدم الممانعة في إعطاء المصالحة بعد تشديد الغرامة التي قررتها المحكمة‏،‏ وذلك تسهيلا علي المواطنين‏.‏
وكانت محكمة الجمالية بالقاهرة قد أصدرت حكما في القضية رقم‏ 2580‏ ضد قائد سيارة ألقى بمخلفات سيارته بالشارع‏، وبعد السداد يتصالح مع الهيئة وفي حالة عدم سدادها يتم التجديد بالحبس لمدة شهر آخر‏.:wink::S_thum1[1]:

يعنى دى عربية ملاكى ورمة ورقة ولا نص نقل وشيلة ردش ورمتة فى الشارع

فى مرة كان فى موقف جامد فى جسر السويس
ظابط سايق بوكس وبيجرى ورا عربية كاروا شايلة ردش
الراجل بتاع الكارو كان عمال يحدف البوكس بالطوب و كان بيرمى الاشولة امام العربية بتاعت البوكس والبوكس مش عارف يفاديها وعمال يدوس عليها وكانت حاجة اخر مسخرة والظابط كان شكلة وحششششش جدا
وفى الاخر الظابط ولا عرف يمسكة

والله بدأنا نحس ان فى تقدم فى البلد

ابتدوا ينضفوا بس فى مشكلة الناس بتوع العربيات النقل اللى بيرموا الطوب دول منهم لله ولازم يكون فى حل لان البوكس مبيعرفش يجيبهم

من كتر النضافه في الشوارع

اقتباس:

---

المشاركة الأصلية كتبت بواسطة eng_mostafa_89

فى مرة كان فى موقف جامد فى جسر السويس
ظابط سايق بوكس وبيجرى ورا عربية كاروا شايلة ردش
الراجل بتاع الكارو كان عمال يحدف البوكس بالطوب و كان بيرمى الاشولة امام العربية بتاعت البوكس والبوكس مش عارف يفاديها وعمال يدوس عليها وكانت حاجة اخر مسخرة والظابط كان شكلة وحششششش جدا
وفى الاخر الظابط ولا عرف يمسكة

---

لو المطارده دي اتصورت و اتحطت في فيلم كوميدي هتعمل ايرادات

مش موضحين اذا كان ملاكي ولا نقل ..وهل العقوبه على قد كميه القمامه ولا كله هياخد شهر سجن

الكلام ده هيتطبق على الناس كلها؟
يعنى لو عيل صغير رمى كيس شيبسى اهله هيدفعو 5الاف؟

الحمد لله اول الغيث قطرة

طب وايه الاثبات هيبقي كلام الضابط مسلم بيه ولا ايه

اقتباس:

---

المشاركة الأصلية كتبت بواسطة eng.mostafa mahran

الكلام ده هيتطبق على الناس كلها؟
يعنى لو عيل صغير رمى كيس شيبسى اهله هيدفعو 5الاف؟

---

أه طبعا أكيد
أهو منه نعلم العيال آداب يمكن الناس نسيت تعلمهلهم
شوفت بقى دلوقتى كل الناس هتعلم العيال مترميش حاجه من شباك العربيه علشان الفلوس :))
هيقولوا للعيال أبقوا أرموا من شباك البيت لكن شباك العربيه لأ :)))

اقتباس:

---

المشاركة الأصلية كتبت بواسطة NoRmAl

أه طبعا أكيد
أهو منه نعلم العيال آداب يمكن الناس نسيت تعلمهلهم
شوفت بقى دلوقتى كل الناس هتعلم العيال مترميش حاجه من شباك العربيه علشان الفلوس :))
هيقولوا للعيال أبقوا أرموا من شباك البيت لكن شباك العربيه لأ :)))

---

كلامك صح والى يعوز يرمى حاجة من العربية يخليها معاه لحد ما يروح و يرميها من شباك البيت:C_laugh[1]:

اقتباس:

---

المشاركة الأصلية كتبت بواسطة Eng_Mostafa_89

يعنى دى عربية ملاكى ورمة ورقة ولا نص نقل وشيلة ردش ورمتة فى الشارع

فى مرة كان فى موقف جامد فى جسر السويس
ظابط سايق بوكس وبيجرى ورا عربية كاروا شايلة ردش
الراجل بتاع الكارو كان عمال يحدف البوكس بالطوب و كان بيرمى الاشولة امام العربية بتاعت البوكس والبوكس مش عارف يفاديها وعمال يدوس عليها وكانت حاجة اخر مسخرة والظابط كان شكلة وحششششش جدا
وفى الاخر الظابط ولا عرف يمسكة

---

loooooooooooooooooooool:S_thum1[1]:

الحوار ده فاشل جدا فى مصر
اذا كان عربيات شركات القمامه هى اكتر حاجه فى الدنيا بتبهدل الشوارع وانا ماظنش انهم هايعملوا معاهم حاجه زى كده

وبيتهايالى مافيش حد راكب عربيه ملاكى او تاكسى وهايرمى حاجه فى الطريق


انا شايف انهم يعملوا قانون لحاجات تانيه كتير اهم من الموضوع ده

خطوه كويسه

يا جماعه انا بكون سايق وقدامى عربيه وفجاه هووووووب القى مثلا علبة كانز راحت مرميه واكيد انك لازم هاتدوس هاتدوس عليها ومش بعيد انها ممكن تلخبطك وربنا يستر بقي...

علبة كانز تسببت في انقلاب عربية بسبب محاولة تفاديها

القرار سليم ومُحترم وكلنا لازم ندافع عنة ، علشان منرجعشى نقول (يبقى أنت ؟أكيد فى مصر)

وأن كانت العقوبة كبيرة ، فلأن الموضوع زيادة أوى برضوا

وبخصوص أن فى حاجات أهم ، فده بقى اللى المفروض نطالب بية (بعد ما نُشيد بالحكم )

فعلا لو العقوبة أقل من كده شوية حتكون أكثر قابلية للتطبيق
بس هي فعلا مهمة جدا