رسالة للى بيعدى الشارع وبيخش على العربيات وينط بلاش تعمل كدة علشان ببتعرض نفسك للموت وخير دليل الفيديو دة لشاب مستهر فاكر نفسة بيتمشى فى الجنية لغاية لما التاكسى سلم علية
عرض للطباعة
رسالة للى بيعدى الشارع وبيخش على العربيات وينط بلاش تعمل كدة علشان ببتعرض نفسك للموت وخير دليل الفيديو دة لشاب مستهر فاكر نفسة بيتمشى فى الجنية لغاية لما التاكسى سلم علية
يستاهل علشان ماشى مسطول
باين ان سواق التاكسي قاصد انه يخبطه
حرام عليه
وهو فعلا شكله كان قاصد يخبطه وهو اصلا حود نحيت الواد ده غير ان في حد بيصور من جوه التكس
اي نعم انا بكره الناس الي بتتمرقع وهي بتعدي باستهتار
بس مش معني كده انو يخبطهم
حرام عليه بجد
لولا ان القتل حرام .. كان زماني دهست كمية كبيرة اوي من اشباه البشر اللي بيعبروا الطريق
و الله فيهم كتير اوي يستاهلوا الدهس فعلاً ... واحد مرة بيعدي قدامي و هو بيعد فلوس ... و الله كنت هتجنن !!
ومين قال انه خبطه الموضوع كله قصه وفيلم معموله علينا وبعدين واحد قاعد جوه التاكسي وبيصور بيصور ايه وايه اللي في الطريق يستاهل انه يتصور والواد كان قريب من شباك العربيه فلو فرضنا انه خبطه هيبقي بمراية العربيه او بجنبها كل الهدف من الموضوع انه يبين لنا الناس اللي بتتمشي في وسط الطريق وكأنها بتتمشي علي الكورنيش ولا كأن فيه عربيات معديه
اه كده فهمتك
و يا حلاوه البنات و هما بيعدوا الطريق
السكه بتقف و لا كان الريس بيعدي
الفيديو شكله تمثيل
انا افرتك مليون عربية ولا ان انا خبط حد بالعربية
بصو ياجماعة الناس اللى بتعدى الشارع ومفكرة ان العربية اللى ماشية بزراير لما نحب نوقفهاا تقف
ناس جاهلة ومتعرفش يعنى اية سواقة عربية
انا بصراحة ربناا قبل مااتعلم السواقة كنت بعمل اراجوز وانا بعدى الشارع ولا هممنى وقلبى جامد
دلوقتى بصراحة انا بقيت بخاف واحط نفسى مكان اللى سايق وعرفت اقدر المواقف اكتر من الاول كتير .بس عشان انا جربت لما ناس تقطع عليا الطريق وتعدى وانا بفادى عشان مخبطهمش
ففهمت اللى سايق بيكون عامل ازاى
فأعتقد ان الموضوع دة جهل صرف من الناس ولازم الناس دى تتوعى
ياااااااااااااااااااااااا ه دانا بتنرفز من الناس ديه اكتر من الميكروبسات و الله
يبصلك من بعيد كده لقاك شفته خلاص بقا
و لا اكنه ماشي في ترقه بيتهم
و اللي يعديلك بضهره في الملفات
و تزمرله يقولك ايه يا عمممممممممممممم
و تيتدي النغمه الطبقيه بقا
هو اكمنكوا معاكو عربيات هتدوسوا عالخلق و انت مش طاير و الجهل ده
ده غير اللي بيعدي فجاه و تضرب فرامل يجي اللي وراك يلبس فيك
كل اللي بعمله بزمر جامد عمل نفسه اهبل بلزق في دهره وادوس دبرياج و افصل بالموتور
يطلع يقلع عالرصيف هههههههههههه
مره واحده شيلت شويه شباب سودانينن في ميدان رمسيس
ماشيين بتاع 6 جنب بعض سادين الشارع و ازمر و ازعق انت يا حيوان يا بهايم
وسع يا اطرش يا ابن ال............
لحد ما واحد منهم بصلي بطرف عينه كده و كمل كلام معاهم و ضحك
رحت بجنب الكبوت كده و شايل اتنين منهم كلهم اتكوموا علي بعض بس براحه طبعا
بس الصراحه كنت هتعجن ضرب يوميها:fun_36_3_4[1]: اصلي عملت فيها عنتر و نزلت قال اهزقهم:E_braces[1]:
بس الشعب المصري قام بالواجب وروقهم:049:
عادى مهو االى بيعدى حاطط فى دماغه انه مش هيتخبط وان اللى سايق لازم يقف اومال هيجيب لنفسه نصيبه
ده نفكيرهم
بس السلام ده سلام يودي في دهية
حرام والله مهما غلط فهو بني ادم مش اله عشان يخبطة بالعربية
سواء قاصد او مش قاصد
دى بقت طبيعية المصريين فى عبور الشارع و لما تكلمه و تقوله كده خطر عليك يقولك هو علشان معاك عربية حتدوس على الناس !!!
محدش عايز يفهم ان الشارع دا للسيارات فقط و عبور المشاه يتم من اماكن عبورهم فقط مش من اى حته من الشارع
فى ناس فى اعتقادهم انهم لو وقفوا ينتظروا السيارات لما تعدى ده يبقي عيب او خوف ..!!
من كام يوم واحد جمب البيت و انا بعدى استنيته لما يعدى كان راكب s 600 فتح الزجاج و قالى اتفضل ..
احترمته جدا , و افتكرت موقف كان فى العباسية , كنت راكب مع سواق تاكسي و كان فى شاب و بنت ماشيين فى نص الشارع و مش عايزين يوسعوا راح السواق شايلهم بغباء و الشاب تقريبا دراعه حصله حاجة ..
بس الفيديو اللى فى الموضوع ده يا جماعة السواق هو اللى حدف على اللى بيعدى جامد نقل من حارة لحارة بسرعة اوى , بس ده ميمنعش انه نايم و هو بيعدى .
لو والدك راجل كبير وبيعدي الشارع وواحد عمل معاه كده
رد فعلك هيكون ايه
اللي مانرضاهوش علي نفسنا مانرضاهوش علي غيرنا
الموقف ده حصل معايا بالظبط بس كان واحد نزل من المكروباص وبيعدي من قدامه وانا مشفتهوش كل اللي خدت بالي منه ان المرايا اليمين بتاعتي كانت في الارض منهم لله .
كان فيه محاولات في ميدان رمسيس بوابات متحركة لتحجيم عبور المشاه بدون نظام كعادة المصريين ولكن الموضوع استمر فترة بنجاح وفشل لعدم انتظام التطبيق
الأحتمالات دى الأصح و سامحونى لو ألفاظى متعجرفة شوية
1- شباب متخلف راكب عربيه أو تاكسى أو أى حاجة و عامل دماغ و عايز يعليها أنه يضحك على الناس بالمرايا يعنى النهاية ناس مختله عقليا فاكرة حياة الناس لعبه
2- تمثليه معمولة يمكن عشان تترفع على النت و يبقى مسلسل كدة و دا طبعا أستبعده لأن محدش هيقول للتانى تعالى أعمل نفسك بتعدى وسط كل العربيات دى و أنا هصورك و أخبطك بالعربيه
واحد هيقول على ردى أنا بدافع عنه ليه و أنا مالى بس هقولك ليه
انتوا بتقولوا أن الناس بتبقى ماشيه تايهه طيب ماتعرفوا أية السبب (مفيش حد مرتاح فى دنيته)
مثلا شاب ماشى بيفكر فى الشهادة إلى درس سنين عمره كلها و يا ريته ماكان درسها وفى الأخر قاعد على قهوة و مش معاة أى صنعه يشتغل بيها إلا شهادة متبروزة فى البيت يعنى يا ريته كان مش بيدرس بس معاه صنعه يقدر يشتغل بيها هتقولوا مثلا أسعى يا عبد و أنا أسعى معاك بس فى الشهادة صعب اوى (الوسطة و الرشاوى فقط)
راجل كبير بيفكر فى عياله إلى كل واحد بيشرب مخدرات أو كل واحد فيهم نساه و بقى فحاله
واحد كان عامل حسابة وحلم حياتة كله مبنى على حاجة معينه و للأسف الظروف بتهدم كل أحلامه قبل لحظة ولادتها
كل دة و مش عايزين الناس تمشى تايهه دا الحمد لله أن الناس ماشيه أصلا
عجبنى ردك جدا على فكرة لان روح الناس مش لعبة يتلعب بيها و أنا بالنسبه لى لو راكب عربيه و أدامى بنى أدم مهما كان لو فى أيدى أفجر العربيه بيا و محدش يحصله حاجة أنا هعمل كدة
مع أحترامى لرأى حضرتك يا أستاذ مصطفى لو انت مش فى البيت و والدك نازل هتعرف منين ؟
الحالات دى بعد الشر عن الجميع طبعا و إن شاء الله متحصلش بس فى الحقيقة بتحصل
ماهو ياما ناس بتسمع عن حالات وفاة فى أسرهم و بيكونوا مش عارفين أنهم برة البيت
و ياما ناس بتنزل و حد يقولها أنا هنزل معاك يقولوا لأ أنا عايز أنزل لوحدى و فى نفس الوقت بييجى خبر وفاتهم كل دة بسبب أية ماهو البلد كلها مشاكل و خنقة و قرف عايزين الناس يعنى تمشى مركزة أزاى
على فكرة أبتسامه الشعب المصرى بتدارى حاجات كتير و بلاوى سودا و أمراض اولهم القولون العصبى مش خباثة لأ دا تخفيف لحسن الناس تموت من زعلها فبيفضلوا الأبتسامه مش عشانهم لأ عشان ناس هما مسؤلين عنهم