عرض للطباعة
معايا 20000-22000 لشراء عربية فيها المواصفات التقليدية
موفرة في البنزين
قطع غيارة متاحة ورخيصة ومعمرة
مفهومة للميكانيكيا
وحمولة للخبط و تصلح لمبتدئ
مش لازم يعني اصرف كل الفلوس
فهل كمبتدئة اشتري 27 اخبط فيها وبعد كدة اشوف حاجة تانية ويمكن يكون معايا فلوس اكثر والا من الاول اجيب الحاجة اللي داخلة مازاجي
عجباني الدايو ماتيز والتوس والستايل ده
بس مش عارفة اللي باشوفه في الشارع ينفع الاقي منه حاجة بامكانياتي والا
:U_thin1[1]:
انتى بصراحة صعبانة عليا والله يكون فى عونك بسبب الحيرة الى انتى فيها
بصى ال127 لو حالتها كويسةهتكون مناسبةعلشان كذا سبب
1-حاجتها رخيصة
2-مبتسحبش بنزين
3-لما تبيعيها مش هتخسرى كتير
4-تصليحها سهل(وبالمرة تتعلمى شوية ميكانيكا)
5-حجمها صغير و سهلة فى السواقة
والكلام ده انا بقوله مش حبا فيها انا لو جتلى فلوس هغيرها على طول بس هى المناسبة فى الاول
الماتيز طبعا احسن منها بس ممكن تختلف فى رقم 1 و3
وربنا يوفقك للاختيار الامثل
ادعيلي ومالوش لازمة الصعبان علي
مش باحب اصعب على حد والله
انا باحب لما اكون مُقدمة على شئ استشير اهل الخبرة واعرف معلومات كثير
مش باحب احساس الجهل وقلة المعرفة ده
وعلى العموم شكرا ليك ولكل عضو هنا
ال 127 مناسبه لحضرتك
ربنا يدلك لكل خير
انا والله فى قمة حيرتى حاجه صعبه نتمنى الفلوس عشان نشترى ولما ربنا يكرم بالفلوس مش لاقين حالة حلوة
اللهم صل على محمد وعلى آله وصحبه أجمعين
ال 127 بس لو لقيتي حالة حلوة
والله انا رأى بلاش تشترى 127 وحاولى تتدربى على اى حد من قرايبك او صحابك عنده 127 وتصلحيها لو حصل حاجه لا قدر الله وبعدها تشترى الماتيز انعم بكتير اوى من ال 127
شكرا لكم جميعا
كنت عاوزة اضيف الاونو والماروتي
والدياهاتسو ميرا وشاريد والبرادو كانشيل دول نظامهم ايه
هل يناسبوا الوضع ده؟
وهل فيه اختيارات تانية
اصل انا صراحة مقلقة من حالة العربيات المستعملة وخايفة اتخم في حاجة تخليني اتعامل مع الميكانيكية والصنايعية فيخموني هم كمان
تعبت والله
اقتباس:
المشاركة الأصلية كتبت بواسطة muslima
لى رأى يمكن غريب شوية ... لكن عملى بعض الشئ:
مستعمل معروض للبيع=عربية صاحبها مش عاوزها بصرف النظر عن السبب ... وبطل يصرف عليها أى صيانة قبل ما يبيعها بشهر على الأقل.
حا تشترى المستعمل تبدأ تظهر المشاكل ... تبدأى رحلة الميكانيكية ... ولله الحمد الميكانيكية عندنا 90% بتوع فتاوى وخصوصاً لو ما يعرفوش تاريخ العربية.
لو ها تشترى مستعمل يكون بشرط واحد فقط .. تكون عربية (بيتى) ومن ناس تعرفيهم تثقى فيهم (الجيران .. الأقارب .. العمل ... الخ) عشان تقدرى ترجعى لهم أى وقت بعد الشراء
بخلاف ذلك حذارى من المستعمل .. ويمكن ربنا يوفقك وتلاقى واحدة خالية من المشاكل.
الاختيار الآخر : المبلغ اللى معاكى ينفع تجيبي بيه جديد تقسيط
والعربية الجديدة قوة احتمالها سوف تكون أعلى من المستعمل بمراحل
وممكن تتعلمى فى اى مركز تعليم قيادة وتاخدى حصص زيادة شوية حتى لو وصلت 1000 جنيه (حوالى 40 ساعة)
وربنا يوفقك
(فهل كمبتدئة اشتري 27 اخبط فيها وبعد كدة اشوف حاجة تانية ويمكن يكون معايا فلوس اكثر)
كلام سليم 100 100ثم بعدها اشثرى شاريد افضل الاختيارات وعربية محترمة جدا و اسهلهم فى الاصلاح لان الحوض اللى حول الموتور واسع بخلاف باقى الاختيارات ثخلى الميكانيكى يتخنق و بالتالى يغلى المصنعية.
وربنا يوفقك
هل احد يعرف ميكانيكي يكون امين ويعتمد عليه وكفء أقدر اخذه في المعاينة من الاسكندرية؟
يا جماعة مش ممكن خالص حد حيسمح لي اتعلم على عربيته وانا اصلا لا اجرأ اطلب طلب زي ده فيحرجوني برفضهم
وكمان كان بودي فعلا اجيب حاجة من حد معرفة لكن لو مفيش حد ناوي يبيع قريب حافضل انا مستنية لحد امتى بقى !!؟
المبلغ المتاح لا يناسب شراء زيرو كاش للاسف الشديد
وفكرة الاقساط الربوية مرفوضة قلبا وقالبا
فيه حد بقى عنده تعليق على كلامي
انا من رايي اللي يجيب 127 الايام دي هو اللي فلوسة علي قدها بالظيط لكن بما ان الميزانيه معاكي اعلي ففكري فعلا في حاجة احسن و متخفيش من موضوع الخبط دة لانك المفروض في الاول بتبقي حذرة جدااا و تقضيها عندك في المنطقه في شوارع هاديه لحد ماتتمكني و حاجة حاجة تخرجي للسيرك المصري في الشوارع لو قدرتي تجيبي الميرا عربيه بناتي جداااا و حموله و قطع غيارها معمرة و صغيرة علي قد بنت و فيها تكييف و باوراقتباس:
المشاركة الأصلية كتبت بواسطة muslima
بالنسبة لموضوع الاقساط الربويه مش كل الاقساط ربويه لانك لو اشتريتي العربيه من شركه تملكها كدة مبقتش اقساط ربويه و الله اعلم
السلام عليكم
اولا بالنسبه لوضوع الحيره فاذا عرف السبب بطل العجب
اولا اجمع المعلومات المناسبه للمبلغ المتاح بحيث ايه اللي ممكن نجيبه بالمبلغ ده
تاني شيء نبدأ نعرف مميزات كل واحده منهم و اكيد هنتوصل للافضل
و عشان ميكنش كلامي نظري فقط انا هحاول اقدملك مساعده ان شاء الله
في الحدود من 20-22 اول شيء انا انصح ان يكون سعر العربيه اقل من 20-22 بحيث يتبقي حوالي 2000 جنيه لزوم الترويق و التظبيط و الحاجه علي مزاجك
يبقي كده بنقول حاجه في حدود 18-20 تمام؟
بص يا سيدي عندك :
1-بيجو 205 موديلات تسعينات ( سعرها حوالي 18 للحاله الشاذه جدا )
2-مازدا 323 (حوالي 20 للحاله الكويسه بس مو 82 )
دول علي سبيل المثال
اول شيء البيجو عربيه شبابي هاتش باك قطع غيار متوفره و موفره للبنزين الناس بتشكر فيها و اي قرش بيتصرف عليها بيبان
بس عيبها الشنطه لانها هاتش باك بس عربيه سريعه و كل اللي اشتراها قال انها بتاعه شغل
ثانيا مازدا 323 عربيه لذيذه بشنطه صالون واسع شكلها جميل و بردو زي البيجو اي قرش بيتصرف عليها بيبان عربيه ياباني ممتازة و قطع غيار متوفره ( بس سمعت اشاعات و الله اعلم انها بتقل )
و هيتبقالك حوالي الفين تصرف عليها شويه تظبيط تبقي خطيره و طبعا لا تنسي الاستخاره
انا من رأيي دول افضل موديلات في الرينج السعري ده و انت صاحب القرار اولا و اخيرا
اتمني اكون ساعدتك و لا تنسانا من صالح الدعاء
فيه عربية ميرا 91 صاحبها طالب 19 لكن سمعت انها بتكون في حدود 15-18
وفيه كانشيل 98 ب 20
انا ميالة للموديل الاحدث بصفة عامة لكن ايه رايككم
اقتباس:
المشاركة الأصلية كتبت بواسطة muslima
+1111111111اقتباس:
المشاركة الأصلية كتبت بواسطة eng.mostafa mahran
كلام تمام