معى مبلغ 58.000 جنيه وبافكر فى الياريس الhalf options أنا ناوى أكمل باقى المبلغ تقسيط ان شاء الله وكنت عاوز أعرف رأيكم هل هى الأفضل وللا الماتريكس وما هى أوفر وسيلة للتقسيط على ثلاثة أو خمسة سنوات مع العلم أن المبلغ المتبقى هو 25.000 جنيه ....
عرض للطباعة
معى مبلغ 58.000 جنيه وبافكر فى الياريس الhalf options أنا ناوى أكمل باقى المبلغ تقسيط ان شاء الله وكنت عاوز أعرف رأيكم هل هى الأفضل وللا الماتريكس وما هى أوفر وسيلة للتقسيط على ثلاثة أو خمسة سنوات مع العلم أن المبلغ المتبقى هو 25.000 جنيه ....
لو عربية عائلية جدا يبقى الماتريكس لو حاجة شبابى تبقى ياريس
و انا رأى ان التقسيط على 5 سنين بتبقى الفوائد بتاعتة كتيير اوى اوى و حرام بصراحة حتدفع كتيير فوائد و دة طبعا حسب ظروفك لو تقدر تقسط على 3 سنين يبقى احسن
Sfasefo
بصراحه انا فكرت فى الياريس و الماتريكس
و لكنى اخترت الياريس لهذه الاسباب
1- لانها تويوتا يابانية + ان لها نفس محرك الكرولا
2- سمعتها فى توفير البنزين ( الذى سوف يزيد ثمنه كما تعودنا )
متوسط الاستهلاك 12 كم لكل لتر داخل المدينه بدون تكييف.
3- شكلها الغير مألوف .
4- بالنسبة لى افضل محرك 1300 و لم أرغب فى اكبر من ذلك .
5- أصبحت منتشره جدا وهذا جميل فى ثمن و توافر قطع الغيار .
و لكن الاختيار الاخير لك
بالتوفيق ان شاء الله ...
لو هتجيب ياريس لازم تهبطها و تجنط 16 عشان تثبت على الارض.الماتركس عائله وواسعه بس شكلها مش حلو
الماتريكس من السيارات اللي اثبتت نفسها تماما ،،
و العربية بناء علي كلام ناس في غبور مفيش اي شكاوي منها ،،
و زمايلنا اللي اشتروها مفهاش الهوا
بس الماتريكس حاجة و الياريس حاجة تانية
مش مشتركين غير في التابلوة اللي في المنتصف ،،
رايي من رايي الاستاذ حاتم و علي فكره انا حجزت ياريس برضه لنفس الاسباب.
غير كده مع ابن خالي واحده موديل 2006 اول ما نزلت و مافيش اي شكوي منها بس شويه ملاحظات علي الثبات و بس لكن مش مؤثر اوي
أعتقد بردو ان الياريس شنطتها اكبر من الماتريكس
الاتنين مختلفين خالللللللص
و اللي يحدد الاحسن طريقه استخدامك
لو عائليه يبقي ماتركس
و لو لاستخدامك الشخصي يبقي ياريس
الماتريكس عربية عائلية وصالون واسع موتور 1600... الياريس موتور 1300 بس انا ارشحللك الياريس لانها تقفيل يابانى..وكمان فيها وسائل امان ايرباج وكمبيوتر البنزين
والف الف مبروك مقدما ياحازم