انا كل اللي قريته في الموضوع شوفته قبل كدا..
يعني عادي... لازم نتأقلم او نهاجر
عرض للطباعة
انا كل اللي قريته في الموضوع شوفته قبل كدا..
يعني عادي... لازم نتأقلم او نهاجر
ربنا يبعد عنا الفئة دى خالص
التريللا والنقل مش بيشوف اللى عند الكابينة
الا لو عربية حديثة وحاطه 3 مرايات للسواق على اليمين
وبرده متامنش هوة ظابطهك ازاى
وعلى فكرة
لو بيلف مش هيشوف اى حاجة الا الديل بتاعه
وده من موضوع حصل مع كريم منير
وسالت عنه سواقين الشركة عندى واكدوه
وعلاشن كدة خطر جدا التعدية من يمينهم
ولو اظطريت
ارعش النور والكلاكس
منه لله اللى سمح ااميكروباصات انها تمشى فى البلد
على رأي سواق ميكروباص قالهالي مره
احنا شياطين الدايري وعمام السرفيس
الناس دي فضيعه
النهارده ماشي عالي الزراعي والدنيا نازله شتا علي اخرها والاقي ترله كبيره واخد الشمال وطاير ومحمل انابيب غاز
يعني الغلطه بموت
سواقيين الميكروباصات شوية زبالة عاوزين الاعتقال ا
فى يوم الصبح وانا بوصل والدتى الشغل قبل مطلع على شغلى وكانت الساعه 8 الصبح والشوارع رايقه فى منطقه فى مصر الجديده اسمها ميدان السبع عمرات وانا ماشى براحتى على اليمين تاكسى وقف قدامى يركب زبون محبتش اطلع منه قلت استناه وفجأه اسمع طاااخ وابص فى المرايه الاقى ميكروبص,من صوت الخبطه او من الخضه مش عارف اتهيقلى انى هنزل الاقى الشنطه على الكنبه عندى نزلت لاقيت الشنطه اتفعصت فعصه محترمه اتحرق دمى خصوصا ان العربيه يادوب 6شهور بتكلم مع الواد اللى سايق الميكروبص كان دمى محروق اوى بقوله انت اعمى مبتشفش بيقوللى انت اللى دست فرامل فجأه قلتله يعنى خابطنى من ورا وبتتكلم طبعا ده كله ووالدتى معايا قلتلها انزلى انتى روحى شغلك وانا هتصرف,مفيش دقيقه لاقيت بتاع 3 او 4 ميكروبصات وقفوا علشان يجاملوا صاحبهم بقى وانا بقيت واقف وسطهم لوحدى واللى يقوللى في ايه ياعم خد عربيتك وامشى بجد بلطجيه بطريقه غريبه انا قلت للواد انا مش عايز منك حاجه بس نطلع على القسم نعمل محضر علشان التأمين قاللى حاضر بس نحضن العربيات علشان الطريق واقف,قام منزل الناس اللى كانت معاه وانا قمت ركبت وحضنت شويه قام ابن ال... اخد الميكروبص وطلع جرى وصحابه واقفنلى حوالين العربيه علشان يحجزوا عليا,انا بصراحه الدم جرى فى عروقى قلت يانا يا هو النهرده,خدت العربيه وطلعت وراه,جريت وراه من ميدان السبع عمارات لحد ميدان سانت فاتيما فى مصر الجديده برضو,غرز فى يمين فى شمال وايه بقى مقولكوش فيلم اجنبى قلت مش هسيبه لحد لما خلاص طالع من شماله وهكسر عليه علشان اوقفه قام كسر يمين عايز يطلع منى قام الباب اللى عنده ورا اللى بيركب منه الزباين دخل فى عربيه مركونه بهدلها خالص والباب اتفعص واتكسر ووقع خالص ووقف هو قمت كسرت قدامه ووقفت وبجد فى اللحظه دى قلت انا هربيه هو بقى مش يسكت لحد هنا لا ده لما شافنى جبته قام عايز يجرى ويسيب الميكروبص ساب الدريكسيون وحاول ينزل من الباب اليمين بس كان مزنوق كان عايز ينزل يجرى ويسيب الميكروبص وطبعا لما قام من قدام الدريكسيون قامت عربيته ريحت على الباب اللى قدام يمين عندى جرخته البويه بتاعتى اتشالت انا بقيت مولع من جوايا قمت نزلت قلتله بتجرى منى يابن ال واديتهمله وقمت لفيتله وهو جوا الميكروبص دخلتله من الباب اللى ورا ومرحمتوش تلطيش وبالبوكسات والبونيات بهدلته محاشنيش عنه غير عساكر كانوا فى الشارع ساعتها شالونى من عليه وسألونى فى ايه يا فندم قلتلهم حصل كذا كذا طلعولى رخصه ابن الكلب ده,فتشوه ولا معاه بطاقه ولا رخصه معهوش غير رخصه الميكروبص ومش بأسمه متفهمش بقى كان سارقه ولا شغال عليه ولا ايه,المهم طبعا العساكر ادونى الرخصه وقالولى اطلع على القسم وهيمشى وراك مشيت وهو ماشى ورايا وعلى موصلنا القسم بقى بقيت انا ماشى وورايا بتاع 5 ميكروبصات صحابه بقى جايين يقفوا معاه,ركنا قدام القسم مقولكوش بقى على المعامله اللى عاملوهالى صحابه,ياباشا واحنا تحت امرك وحقك علينا واللى تأمر بيه ويبوسوا رأسى ورجلى وبلاش يدخل القسم ولا معاه رخصه ولا بطاقه هيتبهدل قمت قلتله منك لله وسيبته مشى,عايز اقوللكم يومها رحت شغلى القميص عليه دم منه ورغم كدا ندمت انى معملتلوش محضر,
الخلاصه سواقين الميكروبصات فئه من الناس مينفعش التعاطف معاها بأى حال من الاحوال ومنتهى الصح معاهم انك تبهدلهم وتأخد حقك منهم علشان هما مش بيتربوا
تقبلوا مرورى وتحياتى جميعا
+1111111111انت جااااااااااااامد اخر حاجة الصراحه بس في الاخر اخطأت لانك مش عملتله محضر وبهدلته وبالمره يكون درس لاصحابه الي جايين معاه ,, تصدق فعلا انا بقى الي اتحرق دمي علشان بعد كل ده ويهرب والحركات دي صعب عليك !!!!!!!!!!!!!!!!!!!!! ,, وبالنسبه للمحضر علشان التامين كان ايه وضعه ؟؟؟
بصراحه منكرش انه صعب عليا الواد ده لو كان دخل القسم كان اتعمل عليه حفله جوا,واحد ولا معاه بطاقه ولا رخصه وسايق ميكروبص مس بتاعه وعامل به حادثه يعنى كان هيتبهدل فقلت ارحمه بصراحه بس فعلا بعد كدا ندمت انى معملتش المحضر وعموما المحضر مش صعب ممكن اروح القسم فى اى وقت اعمل محضر اقول فيه ان واحد خبطنى وجرى ملحقتش اخد نمره عادى
تقبل تحياتى