للاسف في مصر لا يوجد اداب قيادة خاصة فئة الميكروباصات والنص نقل وانضم اليهم الشاحنات لا ادب ولا ذوق ولا التزام ولا احترام ولا حتى رخص قيادة ماساة بكل المقاييس وتعريض الناس وارواحهم للخطر اققول ايه بس انا قرفت من الوضوع ده خلاص ومفيش امل .......
وفي الاخر لما يتمسك ولا يتحاكم تلاقي نوعيين يا اما انا غلبان ومش قصدي يا اما بجاحة وبلطجة وشتيمة وقلة ادب ......
بصراحة ومع احترامي قائدي هذه المركبات الاعدام حلال فيهم على اللي بيعملوه .........
سامحوني على الاسلوب بس خلاص الواحد هينفجر من الغيظ من الناس دي ......من اسبوع راجع من القليوبية على الدائري في اتجاه طريق السويس والرحاب تخيلوا كده ايه بيشد مع ايه ومقضينها غرز وانوار وكلاكسات والله هتستغربوا النترا بيشد مع شيفورليه الجامبو الجبارة !!!!!!
والله والله المنظر ده مش هنساه والاثنيين ولله الحمد كانوا هيشيلوني من تهورهم .......دي حاجة ومن كام يوم راجع من الهرم من عند الوالدة ومن اول ما طلعيت شارع فيصل العافية والسفالة لسواقيين الميكروباصات والمشكلة انهم بارديين وعايزيين الضرب بال .........طلعت الدائري من البحر الاعظم واديها 2 ميكروباص تويوتا واحد قديم وواحد جديد غرز وكلاكسات وحدف يمين وشمال ودخل معاهم في المسخرة دي سوزوكي ربع نقل كان هيشيللي المرايا !!!!!!
قانون ايه وناس زي الاشكال دي بتعمل كده واكتر .....
وفي الاخر لنا الله الواحد بيخاف يسوق دلوقتي من اللي بيحصل ده ولا ايه رائيكم ؟؟؟؟؟؟؟؟؟؟؟؟؟ طبعا الموضوع اتكرر كثير والناس زهقيت من الكلام فيه بس خلاص الواحد هيتجنن ويفرقع من الغيظ .........
المفضلات